Աշխարհ

11.01.2019 10:45


Թրամփը չի մասնակցի Դավոսի տնտեսական ֆորումին

Թրամփը չի մասնակցի Դավոսի տնտեսական ֆորումին

ԱՄՆ նախագահ Դոնալդ Թրամփը հրաժարվել է մասնակցել հունվարի 22-25-ը Շվեյցարիայի Դավոս հանգստավայրում կայանալիք ամենամյա Համաշխարհային տնտեսական ֆորումին։ Այս մասին ԱՄՆ առաջնորդը հայտնել է թվիթթերյան իր միկրոբլոգում։

Նա որպես պատճառ նշել է ԱՄՆ-ի ներքին խնդիրները, մասնավորապես բյուջեի չընդունման հետևանքով կառավարության աշխատանքի մասնակի կանգը դեռ դեկտեմբերի 22-ից, ինչպես նաև սահմանին անվտանգությանն առնչվող իրավիճակը։

Նա ներողություն է խնդրել համաժողովի կազմակերպիչներից իր «շատ կարևոր» այցը չեղարկելու համար։

Այս տարի համաժողովը կանցկացվի «Դավոսի ոգին» խորագրի ներքո։ Պաշտոնապես Դավոս-2019-ի թեման ձևակերպված է այսպես՝ «Գլոբալացում 4:0. գլոբալ ճարտարապետության կառուցումը չորրորդ ինդուստրիալ հեղափոխության ժամանակաշրջանում»:

Ֆորումն ակնկալում է ավելի քան 2500 հյուրի մասնակցություն:

Դավոսի համաշխարհային տնտեսական ֆորումին ամերիկյան պատվիրակության կազմը կլինի փոքրաթիվ։ «Bloomberg»–ի փոխանցմամբ՝ պատվիրակությունը կգլխավորի ֆինանսների նախարար Սթիվեն Մնուչինը։

7or.am

Այս խորագրի վերջին նյութերը