Մեկնաբանություն

Հունվար 22, 2019 09:30

Նիկոլ Փաշինյանը՝ Նյուտոնի 1–ին ու 3–րդ օրենքների արանքում (տեսանյութ)

Նիկոլ Փաշինյանը՝ Նյուտոնի 1–ին ու 3–րդ օրենքների արանքում (տեսանյութ)

ԱԺ փոխնախագահ նշանակված Լենա Նազարյանը շատ խորհրդանշական միտք է հայտնել։ Անդրադառնալով ինքնապարգևատրված մարզպետների թեմային՝ Նազարյանը հայտարարել է, որ իր թիմակիցներն իներցիայով են ինքնապարգևատրում արել։

Փոխխոսնակն ուզեցել է ասել, որ մարզպետները չէին ուզում, բայց նախկինից մնացած իներցիան է նրանց ստիպել փող «փախցնել» մոտավորապես այնպես, ինչպես «Ոսկե հորթի» մեջ Օստապ Բենդերից ահագին փող ստացած Շուրա Բալագանովն է տրանսպորտի մեջ իներցիայով գրպանահատությամբ զբաղվում ու մանր փողի վրա բռնվում։

Այո՛, իներցիան հզոր բան է։ Հատկապես երբ ոչինչ և ոչ ոք չի խանգարում այդ իներցիայի ազդեցության տակ շարունակել անել այն, ինչ անում էին նախկինները, ու դեռ մի բան էլ ավելացնել շարժման արագությունը։

Այդ իներցիայի ազդեցության տակ է Նիկոլ Փաշինյանն այժմ պահպանում այն, ինչը նախկինում քննադատում էր։ Խոսքը, մասնավորապես, սուպերվարչապետական լիազորությունների մասին է։ Իսկ ինչո՞ւ չպետք է պահպանի, եթե հանրության լայն շրջանակների կողմից դիմադրության չի հանդիպում ու դեռ մի բան էլ ստանում է հիացական բացականչություններ։

Իներցիան շուտով երիտհեղափոխականներից կսարքի այնպիսինների, ինչպիսինների դեմ նրանք պայքարում էին։ Ու պատկերացրեք, որ նրանք մեղավոր չեն լինի։ Ավելի ճիշտ՝ մեղավոր կլինեն ճիշտ այնքան, որքան նրանց իներցիայով շարժվելու մանդատ տված հպարտ քաղաքացիները։

Եթե իշխանությանը տալիս ես անսահմանափակ լիազորություններ՝ այն հույսով, որ «վատ մարդկանց» փոխարինած «լավ մարդիկ» «ժողովրդի համար մի լավ բան կանեն», ապա արդյունքը լինում են իներցիայով թալանը, կոռուպցիան ու ամենաթողությունը, ընդ որում՝ ավելի մեծ մասշտաբներով ու ավելի լկտի դրսևորումներով։

Ամբոխից չի կարող ժողովրդավարություն ծնվել։ Ամբոխը լավագույն դեպքում կարող է պահպանել այն, ինչի դեմ դուրս էր եկել, իսկ որպես կանոն՝ ստեղծել ավելի այլասերված համակարգ։ Այնպես որ, Լենայից պետք չէ նեղանալ կամ նրան քննադատել իներցիայի թեմայով։ Նա ակամայից բացահայտել է իրենց իշխանության բուն էությունը, այն է՝ նախորդի իներցիայով շարժվելը։

Կորյուն Մանուկյան

Հ.Գ.։ Իներցիայի օրենքի հայտնագործման հեղինակային իրավունքը պատկանում է Գալիլեյին։ Նյուտոնը հետագայում ավարտուն տեսքի բերեց այն և ներառեց մեխանիկայի դասական օրենքների շարքը։ Իներցիայի օրենքն այժմ հայտնի է որպես Նյուտոնի 1–ին օրենք։

Իներցիայի օրենքը մեխանիկայի հիմնական օրենքներից է, ըստ որի՝ երբ մարմնի վրա արտաքին ուժեր չեն ազդում, կամ ազդող ուժերը փոխադարձաբար հավասարակշռված են, ապա մարմինը հաշվարկման իներցիալ համակարգի նկատմամբ պահպանում է իր շարժման կամ հանգստի վիճակը։

Եթե ֆիզիկայի լեզվից անցնենք քաղաքական լեզվին, ապա ելնելով իներցիայի օրենքից՝ կարող ենք ասել, որ եթե Նիկոլ Փաշինյանի միահեծան իշխանության վրա հանրությունը ճնշում չգործադրի ու չստիպի շարժվել այն ուղղությամբ, որը ձեռնտու է հանրությանը, ապա Փաշինյանն իներցիայով կշարժվի այն ուղղությամբ, որն անցած տարի մերժվել էր։ Դա մենք չենք ասում, դա բնության օրենքն է, որը Նյուտոնը համակարգված ուսումնասիրել է։

Բնության օրենքները գործում են նաև քաղաքականության մեջ։ Այնպես որ, Փաշինյանը շարժվում է այդ օրենքներով։ Այլ հարց է, որ Փաշինյանի քաղաքականության արդյունքում սկսում է կյանքի կոչվել Նյուտոնի 3–րդ օրենքը, ըստ որի՝ ազդումը միշտ ունի հավասար և հակադիր հակազդում, այսինքն՝ երկու մարմինների փոխազդեցությունները միմյանց հավասար են և հակառակ ուղղված։ Դա նշանակում է, որ Փաշինյանի իշխանության այլընտրանքի ծնունդն անխուսափելի է։ Ինչպես որ իներցիան է որոշ ժամանակ պահպանվում, այնպես էլ հակակշռող ուժի ծնունդն է ժամանակ պահանջում։

Իներցիայի պահպանման ու հակազդեցության ծնունդի ժամանակները քաղաքականության մեջ մոտավորապես հավասար են։

Այս խորագրի վերջին նյութերը

Նիկոլ Փաշինյանի կետը (տեսանյութ)

Նիկոլ Փաշինյանի կետը (տեսանյութ)

Ապրիլ 18, 2019 12:25 Փաշինյանն արցախյան բանակցությունների թեմայով իր ու Սարգսյանի «կետերի» տարբերության մասին և՛ ճիշտ է ասում, և՛ սուտ:
Փաշինյանն՝ ընդդեմ Նիկոլի (տեսանյութ)

Փաշինյանն՝ ընդդեմ Նիկոլի (տեսանյութ)

Ապրիլ 17, 2019 17:35 Ախր, կոստյումը չի, որ պետք է գեղեցկացնի պաշտոնը։
Նոր Հայաստանում օրենքները և Սահմանադրությունը գործո՞ւմ են, թե՞ չէ

Նոր Հայաստանում օրենքները և Սահմանադրությունը գործո՞ւմ են, թե՞ չէ

Ապրիլ 16, 2019 21:30 Կարո՞ղ է օրենսդրությամբ ամրագրված խաղի կանոնները շարունակում են գործել, բայց Ռոբերտ Քոչարյանի վրա չեն տարածվում։
Նիկոլ Փաշինյանն՝ ընդդեմ ռուսական հեռուստաալիքների (տեսանյութ)

Նիկոլ Փաշինյանն՝ ընդդեմ ռուսական հեռուստաալիքների (տեսանյութ)

Ապրիլ 16, 2019 13:20 Թուխիկյանի «հուժկու» պահանջից հետո արդեն Փաշինյանն անձամբ «մեյդան» եկավ ու սկսեց կռիվ տալ ռուսական հեռուստաալիքների դեմ։
Ինչո՞ւ Մոսկվան չի հավատում Նիկոլի արցունքներին

Ինչո՞ւ Մոսկվան չի հավատում Նիկոլի արցունքներին

Ապրիլ 16, 2019 00:05 Նիկոլի և իր «շքախմբի» մանիպուլյացիաներին հավատացողների շարքերն արագորեն նոսրանում են։
«Թավշյա հեղափոխության» արյունոտ դեմքը (տեսանյութ)

«Թավշյա հեղափոխության» արյունոտ դեմքը (տեսանյութ)

Ապրիլ 15, 2019 10:40 Ներքին արյունահեղությունը խրախուսելը գործող իշխանությունների միակ տարբերակն է։
Ալեքսանդր Լիտվինենկոն և Անդրանիկ Քոչարյանը՝ ընդդեմ հայ–ռուսական հարաբերությունների (տեսանյութ)

Ալեքսանդր Լիտվինենկոն և Անդրանիկ Քոչարյանը՝ ընդդեմ հայ–ռուսական հարաբերությունների (տեսանյութ)

Ապրիլ 13, 2019 14:10 Անդրանիկ Քոչարյանը միշտ էլ «Լիտվինենկոյի վկա» է եղել։
Մանիպուլյացիան հասավ Ստրասբուրգ․ Փաշինյանի կրեդոն`շուստրիությունը դարձնել քաղաքական կատեգորիա

Մանիպուլյացիան հասավ Ստրասբուրգ․ Փաշինյանի կրեդոն`շուստրիությունը դարձնել քաղաքական կատեգորիա

Ապրիլ 13, 2019 08:20 Օվացիաներ չեղան, դահլիճը չպայթեց բուռն և երկարատև ծափահարություններից։
Հանրահավաք ԵԽԽՎ-ում. Փաշինյանը նոր լսարան է գտել

Հանրահավաք ԵԽԽՎ-ում. Փաշինյանը նոր լսարան է գտել

Ապրիլ 12, 2019 18:35 Նիկոլ Փաշինյանը ԵԽԽՎ-ում կոչ արեց ադրբեջանցիներին հայերի հետ սոցցանցերում շփվել առանց հայհոյանքի ու այսպես ասած՝ քիրվայություն անել:
Կառավարությունը ճանապա՞րհ է բացում նոր օլիգարխի համար

Կառավարությունը ճանապա՞րհ է բացում նոր օլիգարխի համար

Ապրիլ 12, 2019 08:59 Փաշինյանը կոչ էր անում բիզնեսմեններին հարստանալ ու հարստացնել պետությունը և խոստանում, որ պետությունը միայն օգնելու է բիզնեսին։
«Մարտի 1»–ի գործը չի բացահայտվելու, քանի դեռ...

«Մարտի 1»–ի գործը չի բացահայտվելու, քանի դեռ...

Ապրիլ 12, 2019 00:15 Վերաքննիչ դատարանն առանց աչքը թարթելու վավերացրեց Ռոբերտ Քոչարյանին ամեն գնով փակի տակ պահելու քաղաքական որոշումը։
Նիկոլ Փաշինյանն ու ԼԳԲՏ համայնքն՝ ընդդեմ Նաիրա Զոհրաբյանի

Նիկոլ Փաշինյանն ու ԼԳԲՏ համայնքն՝ ընդդեմ Նաիրա Զոհրաբյանի

Ապրիլ 11, 2019 15:30 Նիկոլ Փաշինյանը վարչապետ դառնալուց հետո դարձել է դյուրագրգիռ ու կասկածամիտ:
Փաշինյանը շանտաժ է անում Կրեմլին

Փաշինյանը շանտաժ է անում Կրեմլին

Ապրիլ 11, 2019 11:35 Նա նժարի տարբեր կողմերում է դրել ՀՀ շահը և իր «բզիկները»՝ նախապատվությունը տալով վերջինին։
Նոր Հայաստանում պաշտպանված են բոլորի իրավունքները, բացի ...

Նոր Հայաստանում պաշտպանված են բոլորի իրավունքները, բացի ...

Ապրիլ 10, 2019 20:40 Փաշինյանը՝ նորից իրարամերժ հայտարարությունների թակարդում։
Անդրանիկ Քոչարյանի սենսացիոն հայտարարությունը. դա ի՞ր, թե՞ Փաշինյանի կարծիքն է (տեսանյութ)

Անդրանիկ Քոչարյանի սենսացիոն հայտարարությունը. դա ի՞ր, թե՞ Փաշինյանի կարծիքն է (տեսանյութ)

Ապրիլ 10, 2019 13:45 Նոր իշխանությունները որդեգրեցին «А теперь я Наташа» քաղաքականությունը։
«Մարտի 1»–ի գործը՝ իշխանության կոկորդին

«Մարտի 1»–ի գործը՝ իշխանության կոկորդին

Ապրիլ 10, 2019 11:05 Նիկոլ Փաշինյանը ձեռք է տվել, պետք է խաղա։
«Այդ ոչինչը ես եմ»․ դերվիշն ու ձգվել պահանջող իշխանը (տեսանյութ)

«Այդ ոչինչը ես եմ»․ դերվիշն ու ձգվել պահանջող իշխանը (տեսանյութ)

Ապրիլ 10, 2019 10:55 Շքախմբի առաջնորդը, գավազանը թափահարելով, գոռաց դերվիշի վրա. «Չե՞ս տեսնում՝ ո՛վ է գալիս. վե՛ր կաց, անպատկա՛ռ»․․․
Նիկոլ Փաշինյանն՝ ընդդեմ Նիկոլ Փաշինյանի

Նիկոլ Փաշինյանն՝ ընդդեմ Նիկոլ Փաշինյանի

Ապրիլ 09, 2019 16:57 Երբ եռագույն դրոշը խորհրդանշող գուլպաներ էր հագնում, չէր մտածո՞ւմ, որ ՀՀ դրոշն անարգում է։
«Մահվան տեսիլը» և մարտի 1–ի 10 զոհերը (տեսանյութ)

«Մահվան տեսիլը» և մարտի 1–ի 10 զոհերը (տեսանյութ)

Ապրիլ 09, 2019 14:50 1996–ից սկսած՝ եղել է ընդվզում, բայց միայն 2008–ին եղան զոհեր։ Փաշինյանը 2008–ին օգտագործվեց Տեր–Պետրոսյանի կողմից։
Փաշինյանը՝ Սահակաշվիլու հետքերով (տեսանյութ)

Փաշինյանը՝ Սահակաշվիլու հետքերով (տեսանյութ)

Ապրիլ 09, 2019 11:25 Փաշինյանի երազած կերպարում մի քիչ Վանո Սիրադեղյան կա, մի քիչ՝ Լևոն Տեր–Պետրոսյան, մի քիչ՝ Սահակաշվիլի։ Այսօր նա Սահակաշվիլի էր փորձում խաղալ։