Հայաստան վարչապետ Նիկոլ Փաշինյանը Շվեյցարիայից ժամանել է Ռուսաստան։

Այսօր Հայաստանի վարչապետը ելույթ կունենա Եվրասիական տնտեսական հանձնաժողովի Մոսկվայի կենտրոնակայանում։ Նախագահությունն այս կազմակերպությունում 2019-ին անցել է Հայաստանին, և Փաշինյանի ելույթը նվիրված կլինի Եվրասիական տնտեսական միության մարմիններում նախագահության փոխանցմանը Ռուսաստանից Հայաստանին։

ԵԱՏՄ-ի գործադիր մարմնի Եվրասիական տնտեսական հանձնաժողովի ղեկավարը ռոտացիոն կարգով մինչև 2019-ի ավարտը Հայաստանի ներկայացուցիչն է՝ Հայաստանի նախկին վարչապետ Տիգրան Սարգսյանը։

Փաշինյանի ելույթի համար այսօր հավատարմագրվել են բազմաթիվ լրագրողներ, այդ թվում՝ արտասահմանյան լրատվամիջոցները ներկայացնող։ Ենթադրվում է, որ Հայաստանի ղեկավարը կպատասխանի նաև լրագրողների հարցերին։

Այսօր օրվա երկրորդ կեսին նախատեսված է նաև Փաշինյանի և Ռուսաստանի վարչապետ Դմիտրի Մեդվեդևի հանդիպումը։

Երեկոյան Հայաստանի վարչապետի ղեկավարած պատվիրակությունը կվերադառնա Երևան։

Մանրամասները՝ Ազատություն-ում։