Եգիպտոսում հայտնաբերել են հին դամբարան, որտեղ գտնվում են 50 լավ պահպանված մումիաներ: Այդ մասին, ինչպես տեղեկացնում Է «Արմենպրես»-ը, հաղորդել Է Եգիպտոսի Հնությունների գործերի նախարարությունը: Ինը մետր խորությամբ դամբարանը հայտնաբերվել Է երկրի կենտրոնական մասում Մինյայի նահանգի Թունա Էլ Գաբալի շրջանում կատարված պեղումների ժամանակ:

50 մումիաները, այդ թվում՝ 12 երեխաների աճյունները, գտնվել են թաղման չորս խցերում: Մումիաներից մի քանիսը փաթաթված են եղել գործվածքով, մյուսները՝ տեղավորված սարկոֆագների մեջ: Պեղումների ժամանակ նաեւ գտնվել են թաղման դիմակներ եւ խեցե հին իրեր:

Հնագետները կարծում են, որ դամբարանը վերաբերում Է Եգիպտոսի պատմության հունա-հռոմեական ժամանակաշրջանին (330 – 305 թթ. մ.թ.ա.): Դա եգիպտացի հնագետների առաջին նման գտածոն Է 2019 թվականին: Հնագետների կարծիքով՝ աճյունները կարող են պատկանել մարդկանց, որոնք զբաղեցրել են կարեւոր պաշտոններ, ինչպես նաեւ նրանց ընտանիքների անդամներին, հաղորդել Է BBC-ն: