Կարծիք

27.02.2019 21:37


Նիկոլ Փաշինյանի համար ավելորդ չի լինի շնորհակալություն հայտնել նախագահ Ռոբերտ Քոչարյանին

Նիկոլ Փաշինյանի համար ավելորդ չի լինի շնորհակալություն հայտնել նախագահ Ռոբերտ Քոչարյանին

Փաշինյանի Իրան կատարվելիք այցը որոշ լրատվամիջոցներ որակել են աննախադեպ, մասնավորապես՝ Ռոհանի-Փաշինյանի հանդիպումից հետո մամուլի համար եղել է համատեղ հայտարարություն: Հայտարարության մեջ Նիկոլ Փաշինյանը նշել է, որ Հայաստանը պատրաստ է լինել իրանական գազի տարանցման երկիր և աշխատել էներգետիկ միջանցքի ձևավորման ուղղությամբ: Թերևս հանդիպման հայտարարությունը գրավիչ էր, սակայն նմանատիպ հանդիպում և քննարկում տեղի է ունեցել 2017թ․-ին Սերժ Սարգսյանի՝ Իրան կատարվելիք այցի ժամանակ: Իրականում հայ-իրանական հարաբերություններում ռեալ ու շոշափելի արդյունք, որպես այդպիսին, ձեռք է բերվել Ռոբերտ Քոչարյանի կառավարման տարիներին:

2006 թ. հուլիսի 5-ին Ռ. Քոչարյանը աշխատանքային այցով մեկնել է Իրան, որտեղ հանդիպել է ԻԻՀ-ի նորընտիր նախագահ Մահմուդ Ահմադինեժադի հետ։ 2007 թ. մարտի 19-ին ՀՀ և ԻԻՀ նախագահների մասնակցությամբ տեղի է ունեցել գազատարի բացման պաշտոնական արարողությունը, իսկ 2008 թ. վերջին ավարտվել է Իրան-Հայաստան գազատարի երկրորդ հատվածի շինարարությունը:

Հիմա երբ Նիկոլ Փաշինյանի այցը Իրան որակվում է աննախադեպ, պետք է փաստել, եթե ինչ-որ պայմանավորվածություններ կան թղթի վրա, ապա դա Ռոբերտ Քոչարյանի թողած ժառանգությունն է: Իսկ թե իրականում Հայաստանը կդառնա՞ տարանցիկ երկիր իրանական գազի համար, թերևս ցույց կտա ժամանակը։

Նիկոլ Փաշինյանի համար ավելորդ չի լինի շնորհակալություն հայտնել նախագահ Ռոբերտ Քոչարյանին արձանագրած ցուցանիշների համար:

Աղվան Պողոսյանի ֆեյսբուքյան էջից

Այս խորագրի վերջին նյութերը