Մեկնաբանություն

Մարտ 02, 2019 15:00

Փաշինյանը պետք է կողմնորոշվի

Փաշինյանը պետք է կողմնորոշվի

Նիկոլ Փաշինյանը հանդիպել է Հանրային խորհրդի նախագահ Վազգեն Մանուկյանի հետ և ուշագրավ մտքեր հայտնել:

«Քիչ առաջ 2008 թվականի մարտի 1-ի իրադարձությունների կապակցությամբ հանդես եմ եկել ուղերձով և այնտեղ, որպես վարչապետ, պետության անունից ներողություն եմ խնդրել Երրորդ Հանրապետության պատմության ընթացքում տեղի ունեցած բոլոր ընտրակեղծիքների, բոլոր քաղաքական հետապնդումների համար: Այդ ուղերձը, ներողության խոսքերն ուղղված են Երրորդ Հանրապետության ընթացքում քաղաքական հետապնդման ենթարկված բոլոր քաղաքական ուժերին, քաղաքական գործիչներին և քաղաքացիներին:

Ուզում եմ ընդգծել, որ այդ ուղերձն ուղղված է նաև Ձեզ՝ պարո՛ն Մանուկյան, որպես Հայաստանի Հանրապետությունում երկար տարիներ ընդդիմադիր քաղաքական ուժ ղեկավարած և ընտրակեղծիքների զոհ դարձած քաղաքական ուժի ղեկավար, քաղաքական գործիչ»,- ասել է վարչապետը:

Իր հերթին Մանուկյանը նշել է, որ ճիշտ կլինի՝ մարտի 1-ը լինի ոչ թե իրար դեմ պայքարելու, այլ համերաշխության, միասնության ու դաս քաղելու օր:

Իսկապես ողջունելի է 1996-ի նախագահական ընտրություններում ընտրակեղծիքների, բռնությունների ու քաղաքական հետապնդումների զոհ դարձած Վազգեն Մանուկյանից այսպիսի ձևակերպումներ լսելը: Դա պետական մտածողության և ողջամտության դրսևորում է:

Փաշինյանի անձնական վենդետտան

Ուշագրավն այն է, որ Փաշինյանն իր ուղերձում խոսում է բոլոր ընտրակեղծիքների ու դրանք մերժելու մասին, բայց գործնականում ընտրակեղծիքների ամբողջ շղթայից առանձնացրել է մեկ թվական՝ 2008-ը, և մեկ մարդու՝ ՀՀ 2-րդ նախագահ Ռոբերտ Քոչարյանին: Ի՞նչ է սա, եթե ոչ անձնական վենդետտա՝ պայմանավորված սեփական բարդույթներով, վախերով ու մտասևեռումներով:

Եթե Փաշինյանը համարում է, որ Վազգեն Մանուկյանն ընտրակեղծիքների զոհ դարձած քաղաքական գործիչ է, ու եթե նա որոշել է բացել նախագահական ընտրությունների հետ կապված «Պանդորայի արկղը», ապա պետք է սկսի 1996-ից ու Լևոն Տեր-Պետրոսյանից: Եթե դա չի արվում, նշանակում է՝ մենք Քոչարյանի պահով գործ ունենք անձնական վենդետտայի հետ, ինչը հղի է կանխատեսելի վատ հետևանքներով և՛ Փաշինյանի, և՛ «Իմ քայլը» դաշինքի բոլոր անդամների համար: Վերջիններս պետք է իմանան, որ գերի են դառնում Փաշինյանի անձնական «բզիկներին» ու հետագայում անձամբ են պատասխան տալու վենդետտաների համար:

Իսկ եթե Փաշինյանը վենդետտա չի անում, ապա պետք է անդրադառնա բոլոր թվականների ընտրակեղծիքներին՝ սկսելով իր քաղաքական հայրերից:

Ի դեպ, Փաշինյանի «հոգևոր հայր» Վանո Սիրադեղյանը տարիներ առաջ բացահայտ էր հայտարարել, որ 1996-ին կեղծել են ընտրությունները, քանզի ըստ Վազգեն Սարգսյանի՝ Տեր-Պետրոսյանը պատրաստ չի եղել 2-րդ փուլի:

1996-ին հայտարարվեց, որ եթե ընդդիմությունը 100 տոկոս էլ ձայն հավաքեր, ապա միևնույն է՝ ուժային կառույցները չէին ենթարկվելու ընդդիմության առաջնորդին կամ այլ կերպ ասած՝ իշխանությունը չէին հանձնելու Մանուկյանին:

Այս ամենը «չնկատել» ու գնալ մեկ մարդու ուղղությամբ նշանակում է իրականացնել ոչ թե քաղաքական և իրավական գործողություն, այլ անձնական վրեժխնդրություն:

Կա՛մ ..., կա՛մ...

Իշխանագողությունը և ժողովրդի կարծիքի վրա բռնանալը սկսվել են 1995-ից ու այս կամ այն չափով դրսևորվել մյուս համապետական ընտրությունների ժամանակ:

2008-ին Փաշինյանը պաշտպանել է ու կանգնել 1996-ին ժողովրդի ձայնը գողացած և ընտրությունները կեղծած Լևոն Տեր-Պետրոսյանի կողքը (այդ կեղծիքների պահով Փաշինյանը հայտնել է և՛ նախկինում, և՛ Մանուկյանի հետ հանդիպման ժամանակ), իսկ նման բաները վաղեմության ժամկետ չունեն: Հիմա ի՞նչ:

Մի խոսքով, Նիկոլը պետք է կողմնորոշվի՝ կա՛մ գնում է բոլոր ընտրակեղծիքների իրավական հետապնդման ճանապարհով, ուրեմն այդ դեպքում պետք է սկսի 1995-1996-ից ու հետո անցնի անձամբ իրեն, կա՛մ պետք է միայն քաղաքական գնահատական տա անցած բոլոր ընտրություններին, գիծ քաշի, իրավական առումով 2008-ի 10 սպանությունների բոլոր հանգամանքներն ամբողջությամբ բացահայտի ու անցնի առաջ: Մենք երկրորդ տարբերակի կողմնակիցն ենք, ու դա բխում է նաև Փաշինյանի շահերից:

Վենդետտաներով մեր երկիրն առաջ չի գնա, քանզի մի օր էլ կարող են ամբոխի տրամադրությունները փոխվել (արդեն իսկ ահագին փոխվել են), ու վենդետտայի զոհ կդառնա արդեն Փաշինյանը, ինչը մեր երկիրը կգցի հավերժ ցնցումների գիրկը:

Արժե մտածել այս ուղղությամբ:

Պետրոս Ալեքսանյան

Այս խորագրի վերջին նյութերը

Ոչխարը՝ կառավարությունում (տեսանյութ)

Ոչխարը՝ կառավարությունում (տեսանյութ)

Հունիս 19, 2019 17:50 Դատելով ամենից՝ կառավարության շենքը կամաց-կամաց դառնում է կենդանիների հավաքատեղի: Նկատի ունեմ շենքի դիմաց բերվող կենդանիներին:
Ինչն է միավորում ԲՀԿ–ին ու ԼՀԿ–ին

Ինչն է միավորում ԲՀԿ–ին ու ԼՀԿ–ին

Հունիս 19, 2019 11:30 Գագիկ Ծառուկյանն ու Էդմոն Մարուքյանը ճնշումների, շանտաժի կամ բնածին վախի ազդեցության տակ են «ազատ» քվեարկություն իրականացրել։
Հայաստանը «ժողովրդավարության բաստիոն» դարձնելու ամենակարճ  ճանապարհը երկրում «երկաթյա բռնապետություն» հաստատե՞լն է

Հայաստանը «ժողովրդավարության բաստիոն» դարձնելու ամենակարճ ճանապարհը երկրում «երկաթյա բռնապետություն» հաստատե՞լն է

Հունիս 19, 2019 09:27 Հանրության գիտակից հատվածը պետք է պաշտպանի սահմանադրականությունը։
Նիկոլ Փաշինյանի հետևողական հակապետականությունը

Նիկոլ Փաշինյանի հետևողական հակապետականությունը

Հունիս 18, 2019 12:36 «Թավշյա» տղաներն ու աղջիկներն այսօր իրար են ճղում «վոժդին» հավատարմության երդումներ տալու համար, բայց վաղը...
«Նոր» Հայաստան, նոր Լիսաբո՞ն

«Նոր» Հայաստան, նոր Լիսաբո՞ն

Հունիս 18, 2019 10:00 Հայաստանի վարչապետն իրենից կախված ամեն ինչ արել է և անում է` «առաջ տանելու» Արցախի միջազգային մեկուսացումը լիակատար և վերջնական դարձնելու ադրբեջանական ծրագիրը։
Էշը՝ կառավարությունում (տեսանյութ)

Էշը՝ կառավարությունում (տեսանյութ)

Հունիս 17, 2019 16:35 Չի բացառվում, որ վերջում չորքոտանիները հայտնվեն արդեն շենքի ներսում: Թեև տեսակետ կա, որ շատերն իրենց էշի տեղ դրած՝ վաղուց շենքից ներս են մտել:
Ի՞նչ ցույց տվեց ՔՊ համաժողովը

Ի՞նչ ցույց տվեց ՔՊ համաժողովը

Հունիս 17, 2019 11:40 ՔՊ ղեկավար կազմը նիկոլական «կուզովով» է և լևոնական «մատոռով»։
Երբ Արարատը լեռ չէ, և երբ «լեռը» քայլարած է

Երբ Արարատը լեռ չէ, և երբ «լեռը» քայլարած է

Հունիս 17, 2019 10:04 Անտրամաբանական ձևով «թռել» էին չամիչի գներն, ու կտրուկ իջել էր ոչխարի գինը։ Երեկ բոլորը սկսել էին յոնջա ման գալ ու փնտրել թանի բաղադրատոմսը։
ՍԴ անդամի ոչ լեգիտիմ թեկնածուն. Վահե Գրիգորյան (տեսանյութ)

ՍԴ անդամի ոչ լեգիտիմ թեկնածուն. Վահե Գրիգորյան (տեսանյութ)

Հունիս 16, 2019 08:50 Եթե հիմք ընդունենք Վահե Գրիգորյանի ու Նիկոլ Փաշինյանի հնչեցրած գնահատականները, ապա ՀՀ նախագահ Արմեն Սարգսյանը ոչ լեգիտիմ է։
«Թավշյա» իշխանության սադիստական էությունը

«Թավշյա» իշխանության սադիստական էությունը

Հունիս 15, 2019 17:40 Սիրո և հանդուրժողականության կարգախոսով իշխանության եկած «թավշյա» առաջնորդին կից կառույցները դարձել են պատժիչ գործիքներ։
Լավ, ո՞նց կարելի է այսքան փարիսեցի լինել

Լավ, ո՞նց կարելի է այսքան փարիսեցի լինել

Հունիս 15, 2019 12:05 Ժողովրդի վստահությունը կնոջ սրտի պես փոփոխական մեծություն է, և որևէ լեգիտիմություն հավերժ չէ։
Կրեմլի հերթական «մեսիջը» Փաշինյանին և Կրեմլին հերթական շանտաժը Փաշինյանից

Կրեմլի հերթական «մեսիջը» Փաշինյանին և Կրեմլին հերթական շանտաժը Փաշինյանից

Հունիս 14, 2019 17:04 Փաշինյանը, հանուն իր նեղ անձնական հաշվարկների, պատրաստ է անգամ Ռուսաստանին ռազմավարական դաշնակցից դարձնել ռազմավարական հակառակորդ:
Դատավորը դատավոր լինի` թույլ չի տա Քոչարյանի գործը էժանագին շոուի վերածել

Դատավորը դատավոր լինի` թույլ չի տա Քոչարյանի գործը էժանագին շոուի վերածել

Հունիս 14, 2019 08:46 Իշխանությունների պատրաստած սերիալը չստացվեց։ Գործն, իրոք, ջուր էր։
Սաֆարովն ու Սաֆարյանը. Փաշինյանի նյարդերը չեն դիմանում

Սաֆարովն ու Սաֆարյանը. Փաշինյանի նյարդերը չեն դիմանում

Հունիս 13, 2019 14:30 5–րդ շարասյունն ավելի վտանգավոր է ու վնասարար, քան ադրբեջանական դիվերսանտը կամ հանցագործը։
Նիկոլի իշխանության լևոնական «тройка»–ն

Նիկոլի իշխանության լևոնական «тройка»–ն

Հունիս 13, 2019 12:20 Լևոն Տեր–Պետրոսյանն ու Նիկոլ Փաշինյանն այժմ նույն նավակի մեջ են և համատեղ են երկրում քաոս ստեղծում:
Դատավոր Դանիելյանի գործն էլ գործ չէ

Դատավոր Դանիելյանի գործն էլ գործ չէ

Հունիս 13, 2019 01:20 Նախ և առաջ իր` դատավորի շահերից է բխում ինքնաբացարկ հայտնել և գլուխն ազատել այս «գործից»։
Նիկոլ Փաշինյանի սրտի կադրը. Ռոմանոս

Նիկոլ Փաշինյանի սրտի կադրը. Ռոմանոս

Հունիս 12, 2019 14:45 Միջակ, նեղ ճակատով, Փաշինյանից ցածրահասակ ու տարիքով փոքր, շվոնդերական հատկանիշներով, մինչև ուղն ու ծուծը «գեղցի» և դատարկություն։
Ի՞նչ բեռ է դրել Փաշինյանը դատավոր Արմեն Դանիելյանի փխրուն ուսերին

Ի՞նչ բեռ է դրել Փաշինյանը դատավոր Արմեն Դանիելյանի փխրուն ուսերին

Հունիս 12, 2019 11:50 Դատավորը պետք է որդեգրի հետևյալ բանաձևը. «Եթե չգիտես՝ ինչպես վարվել, ապա վարվի՛ր օրենքով»։
Իրավապահ մարմիններն օր առաջ պետք է արձագանքեն Լեդի Հակոբի հայտարարություններին

Իրավապահ մարմիններն օր առաջ պետք է արձագանքեն Լեդի Հակոբի հայտարարություններին

Հունիս 12, 2019 00:31 Մի կողմից գործ ունենք բռնության պրոպագանդայի հետ, մյուս կողմից` սա հրապարակային հաղորդում է հանցագործության մասին։
Աբովյանի «վեթինգը». Ռոմանոսն՝ ընդդեմ Սասունի, Նիկոլն՝ ընդդեմ բոլորի

Աբովյանի «վեթինգը». Ռոմանոսն՝ ընդդեմ Սասունի, Նիկոլն՝ ընդդեմ բոլորի

Հունիս 11, 2019 09:35 Փաշինյանի թիմը մտնում է միմյանց խժռելու փուլ։ Նման դեպքերում են ասում, որ հեղափոխությունը խժռում է իր զավակներին։