Կարծիք

21.03.2019 22:45


Ես օրվա իշխանություններին պատվիրել եմ բարելավել իմ կյանքը, այլ ոչ թե տոնացույցում փոփոխություն մտցնել

Ես օրվա իշխանություններին պատվիրել եմ բարելավել իմ կյանքը, այլ ոչ թե տոնացույցում փոփոխություն մտցնել

Պատմական ժամանակագրությունը փաստում է՝ հետհեղափոխական հասարակություններին բնորոշ են օրացույցային փոփոխությունները:

Ֆրանսիական Մեծ հեղափոխությունից հետո փոխվեցին ամիսների անուները՝ այն հարմարեցնելով հեղափոխական հասարակության պահանջներին: Բոլշևիկյան հեղափոխությունից հետո խորհրդային հպարտ քաղաքացիները բոլշևիկյան հեղափոխության օրը տոնում էին երկու անգամ, թե՛ հոկտեմբերի 25-ին՝ հին տոմարով, թե՛ նոյեմբերի 7-ին՝ նոր տոմարով: Չինաստանում, Կորեայում, Կուբայում տոնացույցում ամրագրվել են ոչ միայն հեղափոխության օրերը, այլ նաև հեղափոխական առաջնորդների ծննդյան օրերը:

Հետհեղափոխական Հայաստանն էլ, ի զարմանս ինձ, գնաց հետհեղափոխական ընդունված ճանապարհով՝ հագուրդ տալով հեղափոխական թիմի ամբիցիաներին ու ներքին ցանկություններին: Ես՝ որպես Հայաստանի Հանրապետության քաղաքացի, օրվա իշխանություններին առաջին հերթին պատվիրել եմ բարելավել իմ կյանքը, այլ ոչ թե տոնացույցում փոփոխություն մտցնել՝ ավելացնելով ինձ նվիրված օր:

Ես պահանջում եմ ինձ հասանելիք մնացած երեք հարյուր վաթսունչորս օրերը:

Անդրանիկ Գրիգորյանի ֆեյսբուքյան էջից

Այս խորագրի վերջին նյութերը