Քաղաքական

22.03.2019 18:49


Հայաստան կայցելի ԵԽԽՎ նախագահը

Հայաստան կայցելի ԵԽԽՎ նախագահը

Եվրոպայի խորհրդի խորհրդարանական վեհաժողովի նախագահ Լիլիան Մորի Պասկիեն մարտի 26-ից 28-ը կայցելի Հայաստան:

Պաշտոնական այցի ընթացքում նա կհանդիպի Հայաստանի նախագահ Արմեն Սարգսյանի, վարչապետ Նիկոլ Փաշինյանի, խորհրդարանի խոսնակ Արարատ Միրզոյանի, արտաքին գործոց նախարար Զոհրաբ Մնացականյանի և աշխատանքի ու սոցիալական հարցերով նախարար Զարուհի Բաթոյանի հետ:

Ստրասբուրգից ստացված հաղորդագրության համաձյան, նախատեսված են հանդիպումներ քաղաքական խմբավորումների, խորհրդարանական հանձնաժողովների, ինչպես նաև ԵԽԽՎ-ում Հայաստանի պատվիրակության հետ:

Մորի Պասկիեն կմասնակցի գենդերային հարցերին նվիրված խորհրդաժողովին, որի մասնակիցների թվում կլինեն Հայաստանի օբմուդսմեն Արման Թաթոյանը և քաղաքացիական հասարակության ներկայացուցիչներ:

Մարտի 27-ին նախատեսված է ԵԽԽՎ նախագահի ասուլիսը Հայաստանի խորհրդարանում:

Աղբյուրը՝ Ազատություն

Այս խորագրի վերջին նյութերը