Մեկնաբանություն

Ապրիլ 02, 2019 12:25

Ինչու և ինչպես է Փաշինյանը խուսափում Արցախի հարցից

Ինչու և ինչպես է Փաշինյանը խուսափում Արցախի հարցից

Նիկոլ Փաշինյանը երեկ ֆեյսբուքյան իր էջով «լայվ» էր մտել։ Խոսեց Վիեննայում Ալիևի հետ ունեցած բանակցություններից (վերջում անդրադարձ եղավ նաև ավանդական ՀԴՄ–ին)։ Խոսեց, որովհետև ադրբեջանական մի քանի մեկնաբանություն էր տեսել (այլապես չէ՞ր խոսի)։

Նա հերթական անգամ կրկնեց, որ արցախցի չէ, հետևաբար բանակցություններում չի կարող ներկայացնել Արցախը։ Փաշինյանը նաև հայտարարեց, որ նոր մարդ է և չի տիրապետում բանակցային գործընթացի մանրամասներին։

Փաշինյանն ուզում է, որ միջնորդներն իրեն բացատրեն, թե ինչ են հասկանում հակամարտության կարգավորման 3 սկզբունքների ու 6 տարրերի տակ։ Ասում է՝ Ադրբեջանն իր պատկերացումն ունի այդ սկզբունքների ու տարրերի վերաբերյալ, իսկ մենք՝ այլ, բայց չի ասում, թե այդ «այլ»–ի տակ ի՞նչ նկատի ունի։ Փաշինյանը մեկնաբանություն է սպասում միջնորդներից, բայց դա սխալ մոտեցում է։ Հիմա ստեղծվել է մի վիճակ, երբ, բացի պաշտոնական Երևանից, հակամարտության ու բանակցային գործընթաց ներգրավված բոլոր սուբյեկտները, այդ թվում՝ Ստեփանակերտը, ունեն իրենց դիրքորոշումը. սա նոնսենս է։

Փաշինյանն բանակցային գործընթացնում ի պաշտոնե ներկայացնում է հայ ժողովրդին, բայց վախենում է «բանակցություն» բառից, չունի բանակցային ռազմավարություն և խուսափում է պատասխանատվությունից։ Նման վիճակում Հայաստանը երբեք չի եղել։ Նախորդ 3 ղեկավարներն ունեցել են տեսակետ և չեն խուսափել պատասխանատվությունից (տվյալ դեպքում մի կողմ թողնենք այն հարցը, թե ում տեսակետը որքանով է ընդունելի կամ անընդունելի եղել)։ Փաշինյանը տառապում է տարբերվելու մոլուցքով և ունի բարդույթ։ Արդյունքում՝ ստանում ենք անպատասխանատու քաղաքականություն։

Եթե բանաձևենք Փաշինյանի մոտեցումն Արցախի հարցում, ապա կստանանք «Ես իմ վրա պատասխանատվություն չեմ վերցնում» ձևակերպումը։

Այլ կերպ հնարավոր չէ բացատրել նրա ասածները և արածները՝ ես ղարաբաղցի չեմ, ես չեմ տիրապետում բանակցային գործընթացին առնչվող տեղեկատվությանը, ես նոր մարդ եմ, և ես չունեմ տեսակետ 3 սկզբունքների ու 6 տարրերի վերաբերյալ։

Պատասխանատվությունից փախչելու փաշինյանական քաղաքականությունը հանգեցրել է այն բանին, որ կեղծ օրակարգ ու կեղծ սպասում է առաջացել հանրության որոշակի շրջանակների մոտ։ Այնպիսի տպավորություն կարող է առաջանալ, որ հերիք է՝ Արցախը նստի բանակցային սեղանի շուրջ, և վերջ։ Բայց չէ՞ որ դա այդպես չէ։

Հայկական դիվանագիտության միակ ձևակերպված ու բարձրաձայնված խնդիրը դարձել է Արցախը բանակցային սեղանի շուրջ նստեցնելը, որը ներկա իրավիճակում անլուծելի խնդիր է։ Ասել է թե՝ Փաշինյանը դրել է մի խնդիր, որը չի կարողանալու լուծել ու հետո փորձելու է դեմքը փրկել, որի արդյունքում Երևանը դառնալու է ապակառուցողական կողմ՝ այդտեղից բխող բոլոր հետևանքներով։

Անշո՛ւշտ, ցանկալի է Ստեփանակերտին բանակցային սեղանի շուրջ տեսնելը, բայց դա չպետք է ներկայացնել որպես բոլոր խնդիրների լուծում։ Շատ կարևոր է «ինչը», այլ ոչ թե «ինչպես»–ը կամ «ովքեր»–ը։ Այսինքն՝ կարևորը արդյունքն է։

Դատելով ամենից՝ Փաշինյանի համար Արցախը գլխացավանք է։ Նա անկեղծորեն խոստովանում է, որ չի տիրապետում խնդրին։ «Ժողովրդի վարչապետն» ուզում է խնդիրը բարդել ուրիշի վրա։ Այդ ուրիշը կլինի Արցախը, թե «Նիկո՛լ» գոռացող ու «գըմփ–գըմփ–հո՛ւ» անող ՀՀ հպարտ քաղաքացին, իր համար էական չէ։

Տեղին է հիշեցնելը, որ կառավարության 100 օրվան նվիրված հանրահավաքում Փաշինյանն ասում էր, թե Արցախի հարցով առաջարկը կբերի, ու հրապարակում կորոշեն, թե արդյոք այն ընդունելի՞ է։ Այսինքն՝ առաջարկում էր «թավշյա ագորայում» վանկարկումներով որոշել Արցախի հարցը (փաստորեն, ստացվում է, որ ինքը արցախցի չէ ու չի կարող Արցախի հարցը վճռել, բայց «ագորայում» հավաքված ոչ արցախցիները կարող են)։ Դրանից հետո Փաշինյանը մեկ այլ հայտարարություն էլ արեց, որը հակասության մեջ է «Ես արցախցի չեմ, հետևաբար չեմ կարող բանակցություններում ներկայացնել Արցախը» բանաձևի հետ։

ԱԺ արտահերթ ընտրությունների քարոզչական փուլում տեղի ունեցած հեռուստաբանավեճի ժամանակ Փաշինյանն ասաց, որ Արցախի հարցի վերաբերյալ լուծման առաջարկը նա կդնի հանրաքվեի։ Փաստորեն, կրկին ստացվում է, որ ինքը՝ որպես ոչ արցախցի, չի կարող Արցախի հարցի պատասխանատվության տակ մտնել, իսկ ահա ՀՀ քաղաքացիները կարող են։

Թե ինչու է խուսափում Փաշինյանն Արցախի հարցից, հասկանալի է. մարդը միշտ էլ խուսափում է մի բանից, որից չի հասկանում։ Բայց ամբողջ խնդիրն այն է, որ մյուս ոլորտներում էլ Փաշինյանի մոտ նույն պատկերն է։ Թիմի մոտ էլ։

Կորյուն Մանուկյան

Այս խորագրի վերջին նյութերը

Քայլելով տնտեսական հեղափոխության բլեֆը

Քայլելով տնտեսական հեղափոխության բլեֆը

Ապրիլ 24, 2019 09:21 Փաշինյանի միակ զենքը եղել և մնում է ատելությունը։ Իսկ ատելությամբ հեռու չես գնա։
Նիկոլ Փաշինյանը պաշտոնապես ներկայացրեց իր ծրագիրն Արցախի հարցով (տեսանյութ)

Նիկոլ Փաշինյանը պաշտոնապես ներկայացրեց իր ծրագիրն Արցախի հարցով (տեսանյութ)

Ապրիլ 23, 2019 14:20 Փաշինյանն ամենածանր գործի վրա է. ապահովում է «թավշյա հեղափոխության» տեսարանային մասն ու անվերջանալի ֆեյսբուքյան «լայվերը»։
Մի ուրվական է շրջում Հայաստանում, Կերենսկու ուրվականը

Մի ուրվական է շրջում Հայաստանում, Կերենսկու ուրվականը

Ապրիլ 23, 2019 12:50 Փաշինյանը շատ լավ հասկանում է, որ Վանեցյանին թիրախավորելով՝ իրականում թիրախավորել են իրեն։
Բա ասում էր` առարկայական քննարկումներ չկան

Բա ասում էր` առարկայական քննարկումներ չկան

Ապրիլ 22, 2019 18:30 1997թ. Տեր-Պետրոսյանն էլ հարցը կտրուկ էր դնում`պատերա՞զմ, թե՞ խաղաղություն։ Մնում է`Փաշինյանը կրկնի ադրբեջանցիների և սրանց տեսակետները:
Ուկրաինական դասեր Նիկոլ Փաշինյանի համար

Ուկրաինական դասեր Նիկոլ Փաշինյանի համար

Ապրիլ 22, 2019 10:45 Փաշինյանը քաղաքական առումով տեղավորվում է Ուկրաինայի պարտված նախագահ Պորոշենկոյի տիրույթում։
Գալիս է Արթուր Վանեցյանի հետ նկարները ջնջելո՞ւ ժամանակը

Գալիս է Արթուր Վանեցյանի հետ նկարները ջնջելո՞ւ ժամանակը

Ապրիլ 21, 2019 15:50 Հեղափոխականներն իշխանության գալուց հետո դառնում են ոխերիմ բարեկամներ։ Այսպիսին են հեղափոխական ժանրի կանոնները։ 
Դավիթ Սանասարյանով քանդվող կծիկը (տեսանյութ)

Դավիթ Սանասարյանով քանդվող կծիկը (տեսանյութ)

Ապրիլ 21, 2019 13:50 Հեղափոխությունը խժռում է իր զավակներին, իսկ զավակները խժռում են միմյանց։
Քանդուքարափ հեղափոխություն

Քանդուքարափ հեղափոխություն

Ապրիլ 20, 2019 11:05 Հանկարծ հիշել են անմեղության կանխավարկածը․ ավելի շուտ «սորոսական համերաշխության» ոլորտից է։
Նիկոլ Փաշինյանի երկակի ստանդարտները

Նիկոլ Փաշինյանի երկակի ստանդարտները

Ապրիլ 20, 2019 09:01 Այ այսպիսի ընտրովի անմեղության կանխավարկած։ 
Մի՛ մեղադրիր, որ չմեղադրվես

Մի՛ մեղադրիր, որ չմեղադրվես

Ապրիլ 19, 2019 12:55 Մի՛ եղեք Դավիթի պես։ Հարգե՛ք մարդկանց անմեղության կանխավարկածը, այդ թվում նաև՝ Դավիթի պարագայում։
Նիկոլ Փաշինյանի կետը (տեսանյութ)

Նիկոլ Փաշինյանի կետը (տեսանյութ)

Ապրիլ 18, 2019 12:25 Փաշինյանն արցախյան բանակցությունների թեմայով իր ու Սարգսյանի «կետերի» տարբերության մասին և՛ ճիշտ է ասում, և՛ սուտ:
Փաշինյանն՝ ընդդեմ Նիկոլի (տեսանյութ)

Փաշինյանն՝ ընդդեմ Նիկոլի (տեսանյութ)

Ապրիլ 17, 2019 17:35 Ախր, կոստյումը չի, որ պետք է գեղեցկացնի պաշտոնը։
Նոր Հայաստանում օրենքները և Սահմանադրությունը գործո՞ւմ են, թե՞ չէ

Նոր Հայաստանում օրենքները և Սահմանադրությունը գործո՞ւմ են, թե՞ չէ

Ապրիլ 16, 2019 21:30 Կարո՞ղ է օրենսդրությամբ ամրագրված խաղի կանոնները շարունակում են գործել, բայց Ռոբերտ Քոչարյանի վրա չեն տարածվում։
Նիկոլ Փաշինյանն՝ ընդդեմ ռուսական հեռուստաալիքների (տեսանյութ)

Նիկոլ Փաշինյանն՝ ընդդեմ ռուսական հեռուստաալիքների (տեսանյութ)

Ապրիլ 16, 2019 13:20 Թուխիկյանի «հուժկու» պահանջից հետո արդեն Փաշինյանն անձամբ «մեյդան» եկավ ու սկսեց կռիվ տալ ռուսական հեռուստաալիքների դեմ։
Ինչո՞ւ Մոսկվան չի հավատում Նիկոլի արցունքներին

Ինչո՞ւ Մոսկվան չի հավատում Նիկոլի արցունքներին

Ապրիլ 16, 2019 00:05 Նիկոլի և իր «շքախմբի» մանիպուլյացիաներին հավատացողների շարքերն արագորեն նոսրանում են։
«Թավշյա հեղափոխության» արյունոտ դեմքը (տեսանյութ)

«Թավշյա հեղափոխության» արյունոտ դեմքը (տեսանյութ)

Ապրիլ 15, 2019 10:40 Ներքին արյունահեղությունը խրախուսելը գործող իշխանությունների միակ տարբերակն է։
Ալեքսանդր Լիտվինենկոն և Անդրանիկ Քոչարյանը՝ ընդդեմ հայ–ռուսական հարաբերությունների (տեսանյութ)

Ալեքսանդր Լիտվինենկոն և Անդրանիկ Քոչարյանը՝ ընդդեմ հայ–ռուսական հարաբերությունների (տեսանյութ)

Ապրիլ 13, 2019 14:10 Անդրանիկ Քոչարյանը միշտ էլ «Լիտվինենկոյի վկա» է եղել։
Մանիպուլյացիան հասավ Ստրասբուրգ․ Փաշինյանի կրեդոն`շուստրիությունը դարձնել քաղաքական կատեգորիա

Մանիպուլյացիան հասավ Ստրասբուրգ․ Փաշինյանի կրեդոն`շուստրիությունը դարձնել քաղաքական կատեգորիա

Ապրիլ 13, 2019 08:20 Օվացիաներ չեղան, դահլիճը չպայթեց բուռն և երկարատև ծափահարություններից։
Հանրահավաք ԵԽԽՎ-ում. Փաշինյանը նոր լսարան է գտել

Հանրահավաք ԵԽԽՎ-ում. Փաշինյանը նոր լսարան է գտել

Ապրիլ 12, 2019 18:35 Նիկոլ Փաշինյանը ԵԽԽՎ-ում կոչ արեց ադրբեջանցիներին հայերի հետ սոցցանցերում շփվել առանց հայհոյանքի ու այսպես ասած՝ քիրվայություն անել:
Կառավարությունը ճանապա՞րհ է բացում նոր օլիգարխի համար

Կառավարությունը ճանապա՞րհ է բացում նոր օլիգարխի համար

Ապրիլ 12, 2019 08:59 Փաշինյանը կոչ էր անում բիզնեսմեններին հարստանալ ու հարստացնել պետությունը և խոստանում, որ պետությունը միայն օգնելու է բիզնեսին։