Սպասվում է, որ Մեծ Բրիտանիայի վարչապետ Թերեզա Մեյը կհանդիպի ընդդիմադիր Լեյբորիստական կուսակցության առաջնորդ Ջերեմի Քորբինի հետ այն բանից հետո, երբ հայտարարել էր, որ Brexit-ի պատճառով ստեղծված փակուղու հետ կապված ցանկանում է աշխատել լեյբորիստների առաջնորդի հետ, հայտնում է BBC News-ը:

Մեյը հուսով է, որ իրենք կկարողանան մշակել ԵՄ-ից երկրի դուրս գալու գործարքի փոփոխված տարբերակ, որը կաջակցեն նաեւ խորհրդարանի անդամները:

Քորբինն ինքը հայտարարել է, որ իր առաջնայնություններն են մաքսային միությունը եւ աշխատողների իրավունքները:

Միաժամանակ, մի խումբ բրիտանացի խորհրդարանականներ հակված են ԵՄ-ից առանց որեւէ գործարքի երկրի դուրս գալուն:

Քորբինի հետ հանդիպելու մտադրության մասին Թերեզա Մեյի հայտարարությունը հարուցել է սեփական Պահպանողական կուսակցության զայրույթը, ինչպես նաեւ երկրի ԱԳ նախկին նախարար Բորիս Ջոնսոնի, որը նրան մեղադրել է Brexit-ի ծրագրի վերջնական մշակումը լեյբորիստներին հանձնարարելու համար:

Եթե Լոնդոնը չկարողանա համոզիչ բացատրել, թե ինչպես է վարվելու հետաձգման ժամանակ, ապա կարող է այն չստանալ, եւ այդ դեպքում ապրիլի 12-ին երկիրը ԵՄ-ից «դուրս կմնա» առանց հարաբերությունների կարգավորման:

Աղբյուրը՝ news.am