Մեծ Բրիտանիայի վարչապետ Թերեզա Մեյը խնդրել է Եվրամիությանը բրեքսիթը հետաձգել մինչեւ 2019 թվականի հունիսի 30-ը, տեղեկացրել է BBC-ն։

ԵՄ ղեկավարներին ուղղված նամակում Մեյն առաջարկել է երկարացնել դուրս գալու ժամկետը, որպեսզի այդ ընթացքում խորհրդարանը կարողանա համաձայնեցնել բրեքսիթի մասին համաձայնագիրը, եւ ելքը «անհաջող» չլինի։

Մեծ Բրիտանիան պետք է դուրս գա Եվրամիությունից ապրիլի 12-ին։ ԵՄ-ից ելքի պայմանները եւ հետագա հարաբերությունների կարգավորումը ցայժմ չեն հաստատվել բրիտանական խորհրդարանի կողմից։

Թերեզա Մեյը նաեւ ասել է, որ Բրիտանիան կջանա դուրս գալ ԵՄ-ից մինչեւ մայիսի 23-ը՝ Եվրախորհրդարանի ընտրությունների օրը։

Աղբյուրը՝ news.am