Լրահոս

Ապրիլ 12, 2019 16:20

Ինչո՞ւ Փաշինյանը որոշեց վերակենդանացնել ԵԿՄ–ն

Ինչո՞ւ Փաշինյանը որոշեց վերակենդանացնել ԵԿՄ–ն

Անցյալ տարվա ապրիլյան հեղափոխությունից հետո Երկրապահի ճակատագիրը մնաց օդից կախված: Փաշինյանը չէր մոռացել, թե ինչպես 2008-ի մարտին վերջին պահին Մանվել Գրիգորյանը գործնական ջանք չթափեց՝ միանալու համար այն ժամանակվա ընդդիմությանը: Իսկ ճգնաժամը հաղթահարելուց հետո Մանվելը մինչև 2018-ի ապրիլ հետևողականորեն աջակցում էր Սերժ Սարգսյանին: Ավելին՝ նա համարվում էր նախկին իշխանության ռազմական կցորդը:

Իսկ անցած տարվա ամռանը, երբ քրեական գործ բացվեց գեներալ Մանվելի դեմ, արդեն կասկածի տակ էր ոչ միայն գեներալի, այլև ողջ Երկրապահի ճակատագիրը: Այդ կառույցի անդամները խուճապահար փորձում էին «լեզու գտնել» Փաշինյանի հետ, որպեսզի կարողանային պահպանել կառույցը: Սկզբում առաջարկում էին որպես կառույցի ղեկավար նշանակել Փաշինյանի գործընկերոջը՝ Սասուն Միքայելյանին: Սակայն վերջինս, իմանալով Փաշինյանի տրամադրվածությունը, ոչ միայն մերժում էր այդ առաջարկը, այլև ընդհանրապես կասկած էր հայտնում, թե ինչքանով է նպատակահարմար ԵԿՄ-ի հետագա գոյությունն ընդհանրապես: Այդ իսկ պատճառով երկրապահները որոշել էին կառչել Վազգեն Սարգսյանի եղբորից՝ Արամից, որպեսզի վերջինս ղեկավարի կառույցը: Արամը սկզբից համաձայնվեց ընդունել այդ առաջարկը՝ պայմանով, որ դա դրական կընդունվի նաև Փաշինյանի կողմից: Սակայն վերջինիս արձագանքը դրական չէր: Նախ՝ այդ ժամանակ Փաշինյանի ու Արամ Զավենիչի հարաբերություններն այդքան էլ փոխվստահելի բնույթ չունեին: Բացի այդ, Փաշինյանը չէր հասկանում, թե ինչու է անհրաժեշտ այդ կառույցն իրեն: Եվ վերջապես, գեներալի հայտնի կոռուպցիոն գործից հետո Փաշինյանի մոտ լուրջ կասկած կար՝ արդյոք այդ կառույցի վերակենդանացումը չի՞ խփի իր իմիջին:

Սակայն այդ ամենից բացի՝ կար նաև մեկ այլ հարցադրում՝ իսկ «նորացված ԵԿՄ-ն» ինչքանո՞վ կխանգարի կամ կօգնի Փաշինյանին իշխանության պահպանման համար:

Բանն այն է, որ այս կառույցն իր ստեղծման օրվանից առանցքային, յուրօրինակ քաղաքական «ջոկերի» դեր է խաղացել երկրի քաղաքական կյանքում:

Սկսած 1995-ի ընտրություններից՝ ԵԿՄ-ն ակտիվորեն միջամտել է երկրի ներքաղաքական հարցերին: Իսկ 1996-ի նախագահական ընտրությունների ժամանակ առանցքային դեր է ունեցել ժողովրդական ընդվզումը ճնշելու հարցում: Եթե 96-ին նա աջակցեց կասկածելի ձևով ընտրված Տեր-Պետրոսյանին, ապա ուղիղ երկու տարի անց, հենց այդ կառույցի գործուն ջանքերի շնորհիվ, նույն Տեր-Պետրոսյանը հեռացվեց իր պաշտոնից: 1999-ի խորհրդարանական ընտրությունները ԵԿՄ-ի վերելքն էին, երբ այդ կառույցը, Հանրապետական կուսակցության և Կարեն Դեմիրճյանի ժողովրդական կուսակցության հետ միասին, կազմեց «Միասնություն» դաշինքը, և միասին մեծամասնություն վերցրեցին այդ տարի անցկացված խորհրդարանական ընտրությունների արդյունքում:

Հոկտեմբերի 27-ից հետո երկրապահները, արդեն Մանվել Գրիգորյանի գլխավորությամբ, կրկին քաղաքական «ջոկերի» դեր ստանձնեցին ներիշխանական ու ներքաղաքական պայքարում:

Եվ վերջապես, 2008-ի նախագահական ընտրությունների ընթացքում նույն ԵԿՄ-ն կրկին փորձում էր քաղաքական «ջոկերի» դեր ստանձնել իշխանության ու ընդդիմության արանքում: Արդյունքում՝ իշխանությունը կարողացավ պահպանել իր դիրքերը, իսկ ԵԿՄ-ն ու Մանվել Գրիգորյանը ստացան լրացուցիչ պրեֆերենցիաներ տնտեսական դաշտում այն ժամանակվա իշխանություններից:

Այդ ժամանակվանից Երկրապահի դերը երկրի քաղաքական կյանքում սկսեց նվազել: Եվ այդ կառույցը «ջոկերից» դարձավ իշխանության «կցորդ»: Իշխանությունները հետևություններ էին կատարել 96-ի և 2008-ի դեպքերից, և այլևս ոչ Մանվել Գրիգորյանը, ոչ էլ նրա տեղակալները գործող բանակում ծառայության մեջ չէին:

Անցած տարվա ապրիլյան հեղափոխությունից հետո այս կառույցի դերը մնաց օդից կախված: Սակայն վերջին պահին Փաշինյանը որոշեց «վերակենդանացնել» ԵԿՄ-ն:

Ինչո՞ւ Փաշինյանը որոշեց «վերակենդանացնել» ԵԿՄ-ն

2018-ի ամռանը Փաշինյանի վարկանիշը չափազանց բարձր էր: Բացի այդ, նա չգիտեր, թե ինչ ուղով կընթանան ղարաբաղյան բանակցությունները: Հասկանալի պատճառով այդ պայմաններում նրան չէր հետաքրքրում ԵԿՄ-ն:

Բոլորովին այլ վիճակ է այսօր, երբ նրա վարկանիշը անկում է ապրում, և տեսանելի չէ, թե ով կարող է լցնել այդ բացը:

Այսօր Փաշինյանի վիճակը կայուն չէ ոչ միայն երկրի ներսում, այլև դրսում: Ամերիկացիները դժգոհ են Փաշինյանից, քանզի մեծ հույսեր էին կապում նրա հետ: Մոսկվան անթաքույց ցույց է տալիս իր դժգոհությունը մի շարք հարցերում:

Երկրի ներսում ժամանակը նույնպես աշխատում է Փաշինյանի դեմ, քանզի ժամանակն անցնում է, սակայն մարդկանց հույսերը մի շարք ուղղություններով այդպես էլ չեն արդարանում: Հանուն արդարության՝ պետք է նշել, որ այդ հույսերն արհեստականորեն ուռճացված էին, և դժվար է կանխատեսել, թե ինչպիսին է լինելու այդ հիասթափության ալիքը: Իսկ որ այն լինելու է, ակներև է:

Այդ փուլին սպասում են Փաշինյանի բոլոր հակառակորդները: Բայց Փաշինյանն ինքն է այդպիսի իրավիճակ ստեղծել, երբ տարբեր պատճառներով վանել է իրենից գրեթե բոլոր շրջանակներին: Պառակտել է հանրությանը մի շարք մասերի:

Բնականաբար, այդ իրավիճակում կտրուկ մեծանում է երկրի ուժային կառույցների դերը: Այսօր արդեն հանրության մեջ բավականին մեծ է, օրինակ, ԱԱԾ պետ Արթուր Վանեցյանի վարկանիշը: Նրան է մոտենում նաև ՊՆ Դավիթ Տոնոյանի վարկանիշը:

Պետական համակարգում փորձում է իր վարկանիշը բարձրացնել Տիգրան Ավինյանը, ում վարչարարական հատկանիշներն ակնհայտորեն ավելի բարձր են, քան վարչապետինը: Ժամանակի ընթացքում, իշխող ուժի վարկանիշի անկման հաշվին, անխուսափելիորեն մեծանալու են նաև ԲՀԿ-ի ու «Լուսավոր Հայաստանի» վարկանիշները: Եթե ժամանակն աշխատում է Փաշինյանի դեմ, ապա կալանքի տակ գտնվող ՀՀ 2–րդ նախագահի վարկանիշը, ճիշտ հակառակը, անխուսափելիորեն բարձրանալու է։ Եթե այս ամենին ավելացնենք նաև արտախորհրդարանական ուժերի անխուսափելի ակտիվացումը, ապա ակնհայտ է դառնալու այն, որ Փաշինյանին կենսականորեն անհրաժեշտ է լինելու Երկրապահին լուրջ գործոն դարձնելը, որի միջոցով հնարավոր կլինի պահել ներիշխանական ուժերի բալանսը:

Ահա թե ինչու Փաշինյանը որոշեց ոչ միայն վերակենդանացնել ԵԿՄ-ն, այլև իր անմիջական հսկողության տակ վերցնել այդ կառույցը:

Երվանդ Բոզոյան

Քաղաքական մեկնաբան

Աղբյուրը՝ politeconomy.org

Այս խորագրի վերջին նյութերը

Գալուստ Սահակյանը չի հետևում ԱԺ աշխատանքներին․ կարծում է, որ այն դեռևս խորհրդարան չէ

Գալուստ Սահակյանը չի հետևում ԱԺ աշխատանքներին․ կարծում է, որ այն դեռևս խորհրդարան չէ

Ապրիլ 24, 2019 20:34 «Ժողովրդի մեծ մասը ընտրել է Նիկոլին, իրենք էլ եկել են խորհրդարան»։
Հայաստանը կատարել է Су-30 կործանիչների ձեռքբերման համար անհրաժեշտ վճարման մի մասը

Հայաստանը կատարել է Су-30 կործանիչների ձեռքբերման համար անհրաժեշտ վճարման մի մասը

Ապրիլ 24, 2019 20:11 Առաջին փուլում Հայաստանին կմատակարարվի 4 կործանիչ:
Մի որբի պատմություն. ինչո՞ւ Ղևոնդ պապը չէր սիրում պատմել որբանոցի մասին

Մի որբի պատմություն. ինչո՞ւ Ղևոնդ պապը չէր սիրում պատմել որբանոցի մասին

Ապրիլ 24, 2019 19:04 Շատերի ճակատագրերը հենց այս որբանոցները «գրեցին»:
Մոսկվայում գտնվող Դավիթ Տոնոյանը մի շարք նոր պայմանավորվածություններ է ձեռք բերել

Մոսկվայում գտնվող Դավիթ Տոնոյանը մի շարք նոր պայմանավորվածություններ է ձեռք բերել

Ապրիլ 24, 2019 18:25 Հանդիպել է «Ռոսօբորոնէքսպորտ» ընկերության գլխավոր տնօրենի հետ։
Միհրան Պողոսյանը ՌԴ-ից քաղաքական ապաստան է խնդրել

Միհրան Պողոսյանը ՌԴ-ից քաղաքական ապաստան է խնդրել

Ապրիլ 24, 2019 18:19 Օրերս ձերբակալվել էր ՌԴ իրավապահների կողմից։
Թրամփն ապրիլքսանչորսյան ուղերձում կրկին օգտագործեց «Մեծ Եղեռն» եզրույթը

Թրամփն ապրիլքսանչորսյան ուղերձում կրկին օգտագործեց «Մեծ Եղեռն» եզրույթը

Ապրիլ 24, 2019 18:00 1915 թվականից սկսած՝ Օսմանյան կայսրության վերջին տարիներին մեկ ու կես միլիոն հայեր աքսորվեցին, սպանվեցին կամ մահվան երթի դուրս եկան:
Սերժ Սարգսյանը թոռնիկի հետ այցելել է Ծիծեռնակաբերդ (տեսանյութ)

Սերժ Սարգսյանը թոռնիկի հետ այցելել է Ծիծեռնակաբերդ (տեսանյութ)

Ապրիլ 24, 2019 17:35 Լրագրողների բազմաթիվ հարցերին չի պատասխանել։
Բաղաբերդ և Ձորք թաղամասերի գազամատակարարումը ժամանակավորապես կդադարեցվի

Բաղաբերդ և Ձորք թաղամասերի գազամատակարարումը ժամանակավորապես կդադարեցվի

Ապրիլ 24, 2019 16:55 Պլանային աշխատանքներ կատարելու նպատակով։
Հիշելը պարտադիր է անցյալի սխալները չկրկնելու համար. ԵԺԿ նախագահ

Հիշելը պարտադիր է անցյալի սխալները չկրկնելու համար. ԵԺԿ նախագահ

Ապրիլ 24, 2019 16:24 Ուղերձ է հղել Հայոց ցեղասպանության տարելիցին։
Ծիծեռնակաբերդ էր եկել Ցեղասպանությունը վերապրած Եպրաքսիա Գևորգյանը

Ծիծեռնակաբերդ էր եկել Ցեղասպանությունը վերապրած Եպրաքսիա Գևորգյանը

Ապրիլ 24, 2019 15:55 Նրան մայրը փախցրել էր Արևմտյան Հայաստանից:
Հայտնի են «Ավրորա» մարդասիրական մրցանակի 2019-ի հավակնորդները

Հայտնի են «Ավրորա» մարդասիրական մրցանակի 2019-ի հավակնորդները

Ապրիլ 24, 2019 15:36 Դափնեկիրը կստանա մեկ միլիոն դոլար մրցանակ: 
Լարված իրավիճակ Թբիլիսիում․ Թուրքիայի դեսպանատան առջև տոնական միջոցառում՝ «Պահանջում և հատուցում» ակցիայի ֆոնին (տեսանյութ)

Լարված իրավիճակ Թբիլիսիում․ Թուրքիայի դեսպանատան առջև տոնական միջոցառում՝ «Պահանջում և հատուցում» ակցիայի ֆոնին (տեսանյութ)

Ապրիլ 24, 2019 15:15 Մի կողմից վիրահայերի բողոքի ցույցն էր, մյուս կողմից՝ դեսպանատան տոնական միջոցառումը: