«Պետության կողմից կոշտ միջամտությանը դեմ եմ». Շուշան Դոյդոյան՝ #SutNikol նախաձեռնության անդամներին բերման ենթարկելու մասին
Այսօր վաղ առավոտյան #SutNikol նախաձեռնության համակարգողներ Կոնստանտին Տեր-Նակալյանը, Նարեկ Սամսոնյանը, Արթուր Դանիելյանը,Վրեժ Սարգսյանը, Իշխան Խոսրովյանը, ինչպես նաև ուղիղ եթերն ապահովող օպերատորը բերման էին ենթարկվել ոստիկանության Կենտրոնի բաժին:
Վաղ առավոտից նրանք և մի շարք այլ երիտասարդներ ակցիա են իրականացրել Երևանի փողոցներում՝ #SutNikol գրաֆիտիներով պատելով քաղաքը։ Antifake կայքի աղբյուրների փոխանցմամբ՝ #SutNikol ակցիան իրականացվել է ոչ միայն Երևանում, այլ նաև Հայաստանի Հանրապետության տարբեր քաղաքներում, մասնավորապես Սիսիանում, Մարալիկում, Գյումրիում և Վանաձորում: Ավելի ուշ նախաձեռնության անդամներն ազատ են արձակվել Ոստիկանության Կենտրոնի բաժնից:
«Ինֆորմացիայի ազատության կենտրոնի» նախագահ Շուշան Դոյդոյանը168․am-ի հետ զրույցում անդրադառնալով կատարվածին՝ ասաց.
«Դա ազատ արտահայտման ձև է, ուր ուզում ես՝ գրիր՝ պատին, Ֆեյսբուքում, վիրտուալ, թե իրական աշխարհում: Յուրաքանչյուր ոք ունի այդ իրավունքից օգտվելու, վայելելու իրավունք, քանի դեռ չի խախտել այլ մարդկանց իրավունքներն ու ազատությունները, հանրության բարոյականությանը, հասարակական կարգին սպառնացող վտանգ չի ներկայացրել կամ բռնության կոչերով, ատելության խոսքով հանդես չի եկել: Հատկապես այս փուլում պետության կողմից կոշտ միջամտությանը դեմ եմ. սրան կարելի է դիմել վերջում: Սա գուցե խնդիրները լուծող կարճ մեխանիզմ է, բայց ոչ արդյունավետ, այնպես որ, գուցե զուգահեռ լինեն փափուկ ու կոշտ մեխանիզմները, չմոռանանք նաև այն, որ գործ ունենք բազմաշերտ հասարակության հետ»:
«Պետության կողմից կոշտ միջամտությանը դեմ եմ». Շուշան Դոյդոյան՝ #SutNikol նախաձեռնության անդամներին բերման ենթարկելու մասին
Այսօր վաղ առավոտյան #SutNikol նախաձեռնության համակարգողներ Կոնստանտին Տեր-Նակալյանը, Նարեկ Սամսոնյանը, Արթուր Դանիելյանը, Վրեժ Սարգսյանը, Իշխան Խոսրովյանը, ինչպես նաև ուղիղ եթերն ապահովող օպերատորը բերման էին ենթարկվել ոստիկանության Կենտրոնի բաժին:
Վաղ առավոտից նրանք և մի շարք այլ երիտասարդներ ակցիա են իրականացրել Երևանի փողոցներում՝ #SutNikol գրաֆիտիներով պատելով քաղաքը։ Antifake կայքի աղբյուրների փոխանցմամբ՝ #SutNikol ակցիան իրականացվել է ոչ միայն Երևանում, այլ նաև Հայաստանի Հանրապետության տարբեր քաղաքներում, մասնավորապես Սիսիանում, Մարալիկում, Գյումրիում և Վանաձորում: Ավելի ուշ նախաձեռնության անդամներն ազատ են արձակվել Ոստիկանության Կենտրոնի բաժնից:
«Ինֆորմացիայի ազատության կենտրոնի» նախագահ Շուշան Դոյդոյանը 168․am-ի հետ զրույցում անդրադառնալով կատարվածին՝ ասաց.
«Դա ազատ արտահայտման ձև է, ուր ուզում ես՝ գրիր՝ պատին, Ֆեյսբուքում, վիրտուալ, թե իրական աշխարհում: Յուրաքանչյուր ոք ունի այդ իրավունքից օգտվելու, վայելելու իրավունք, քանի դեռ չի խախտել այլ մարդկանց իրավունքներն ու ազատությունները, հանրության բարոյականությանը, հասարակական կարգին սպառնացող վտանգ չի ներկայացրել կամ բռնության կոչերով, ատելության խոսքով հանդես չի եկել: Հատկապես այս փուլում պետության կողմից կոշտ միջամտությանը դեմ եմ. սրան կարելի է դիմել վերջում: Սա գուցե խնդիրները լուծող կարճ մեխանիզմ է, բայց ոչ արդյունավետ, այնպես որ, գուցե զուգահեռ լինեն փափուկ ու կոշտ մեխանիզմները, չմոռանանք նաև այն, որ գործ ունենք բազմաշերտ հասարակության հետ»: