Մեկնաբանություն

Ապրիլ 16, 2019 00:05

Ինչո՞ւ Մոսկվան չի հավատում Նիկոլի արցունքներին

Ինչո՞ւ Մոսկվան չի հավատում Նիկոլի արցունքներին

Չգիտես` լա՞ս, թե՞ խնդաս՝ տեսնելով, թե Փաշինյանը եւ իր շրջապատն ինչպես են կաշվից դուրս գալիս`համոզելու Մոսկվային եւ անձամբ նախագահ Պուտինին, որ իրենց վրա կարելի է հույս դնել. հայ-ռուսական հարաբերությունների հեռանկարը երբեք այնքան փայլուն չի եղել, ինչպես «Նիկոլի թվին»։

Պուտինը տարբեր առիթներով, եւ բավական պարզ ցույց է տվել, որ հայ ժողովրդին չի շփոթում թավշյա կառավարիչների հետ. Հայաստանը բարեկամ երկիր համարելով`սրանց չի ընդունում որպես գործընկեր, առավել եւս` ռազմավարական գործընկեր։ Ընդամենը` հանդուրժում է, քանի որ բախտի քմահաճույքով իրենք են ներկայացնում այս երկիրը ՀԱՊԿ-ում եւ ԵՏՄ-ում, որի դեմ ժամանակին կատաղորեն սուր էին ճոճում։ Հենց միայն բանտախցում գտնվող Ռոբերտ Քոչարյանին ցուցաբերած քաղաքական եւ բարոյական աջակցությունը`քաջառողջության եւ ոգու արիության մաղթանքներով ամանորյա ուղերձն ամեն ինչ արժեր։

Բայց դա «չկանգնեցրեց» հեղափոխականներին։ Ջայլամի պես գլուխը մտցրած ավազի մեջ` ձեւացրին, թե ո՛չ տեսել են, ո՛չ լսել, ու շարունակեցին քծնել Ռուսաստանին։ Զորախումբ ուղարկեցին Սիրիա, եւ ոչի՛նչ` սիրո եւ հավատարմության այս երդումը տեղ չհասավ։ Պակասը լրացնելու համար Տեր-Պետրոսյանի վկաներից մեկին` օբյեկտիվորեն կամ անհրաժեշտաբար Փաշինյանի մամուլի խոսնակի կարգավիճակում հայտնված Վլադիմիր Կարապետյանին գործուղեցին Մոսկվա, որ բարեխոսի իմքայլական վարչախմբի համար, դա էլ չօգնեց։

Հաշվարկը թերեւս այն էր, թե ԼՏՊ-ն իբր ռուսամետ գործչի համարում ունի, եւ Կարապետյանի մեսիջներն այստեղ հալած յուղի տեղ կընդունվեն։ 10 տարի է՝ փչում են այդ փուչիկը`փորձելով թոզ փչել մեր եւ ռուսների աչքին, չի ստացվում. փաստերը եւ փաստարկները համադրելու ունակ ցանկացած մեկը հասկանում է` եթե Լեւոնը եւ իր ղեկավարած ՀՀՇ-ն, չասենք` ռուսամետ լինեին, բայց գոնե հակառուս չլինեին, «Կոլցո» օպերացիան, որի «արդյունքում» կորցրինք Շահումյանն ու Գետաշենը (եւ ոչ միայն), պարզապես չէր լինի։

Այնպես որ, այս սցենարն էլ չաշխատեց` Մոսկվան ոչ միայն կուլ չտվեց այդ խայծը, այլեւ կոշտ արձագանքեց իրեն հիմարացնելու այդ պարզունակ փորձերին` Նիկոլի եւ իր նվիրական ցանկությունների կատարածու ՀՔԾ-ի երեսին շրխկացրեց ռուսական առաջատար հեռուստալիքների հայտնի ռեպորտաժները Քոչարյանի վրա կարված գործի վերաբերյալ։ Որտեղ Քոչարյանը, հիշեցնենք, ներկայացված էր որպես դասական քաղբանտարկյալ, Փաշինյանը` անկարգությունների ոգեշնչող եւ ուղղորդող, Տեր-Պետրոսյանը` «փորձառու սադրիչ»։ Եվ այդքանից հետո, երբ իմքայլական երեսփոխաններին հարցնում են, թե ինչպե՞ս եք գնահատում հայ-ռուսական հարաբերությունների ներկայիս մակարդակը, իրենց «շլանգի» տեղ դնելով, հայտարարում են`գերազանց (սրա մասին է ասված` երեսին թքում ես, ասում է` անձրեւ է գալիս)։

Վիեննայից վերադառնալուց հետո Փաշինյանի առաջին գործերից մեկը եղավ զանգահարել Վլադիմիր Պուտինին եւ զեկուցել` ինչպես է անցել Ալիեւի հետ բանակցությունների հերթական ռաունդը։ Անգամ շնորհակալություն հայտնեց Ալիեւի հետ երկխոսությանն աջակցելու համար, բայց դարձյալ ապարդյուն. Պուտինի սիրտը շահելու այս փորձն էլ չծառայեց նպատակին։

Ավելին` իմքայլականներին բան հասկացնելու «գործընթացը» դուրս եկավ հայ-ռուսական հարաբերությունների սահմաններից եւ սահուն կերպով տեղափոխվեց... Ղազախստան։ Ինչպես տեղեկացնում է երկրորդ նախագահի գրասենյակը, Նազարբաևը նամակ է գրել Ռոբերտ Քոչարյանին եւ անձամբ տեղեկացրել Ղազախստանում ընթացող ներքաղաքական զարգացումների մասին։ Հետն էլ ընդգծել է, որ ջերմությամբ է հիշում համատեղ աշխատանքի տարիները եւ հույս հայտնել, որ նախագահ Քոչարյանի հետ հետագա անձնական շփումները շարունակական կլինեն։

Ինչո՞ւ. որովհետեւ մախաթը պարկի մեջ չես թաքցնի։ Ռուսաստանի (եւ ոչ միայն Ռուսաստանի) քաղաքական եւ փորձագիտական շրջանակներում, ոմանց հակառակ, ընդունված չէ թացը չորին խառնել։ Ի վերջո, մարդիկ «ինստիտուցիոնալ» հիշողություն ունեն, գիտեն` ով ինչով է շնչում Նոր Հայաստանում, ժամանակին ով ինչ է ասել, եւ հիմա՛ ինչ է խոսում հայ-ռուսական հարաբերությունների, ՀԱՊԿ-ին եւ ԵՏՄ-ին անդամակցության մասին, հասկանում են` ում խոսքն է գործ եւ ով կարող է մինչեւ կեսօր մի բան ասել, կեսօրից հետո` հակառակը։ Ամենակարեւորը` շատ լավ տեսնում են՝ ովքեր են այսօր Փաշինյանի կողքին։

Ի՞նչ վստահության մասին է խոսքը, երբ Ռուսաստանին պատերազմ հայտարարած սորոսական գրանտակերներից մեկը Պետական վերահսկողության պետն է,իսկ ԱԺ պատշպանության եւ անվտանգության հանձնաժողովն էլ, ո՜վ սարսափ, ղեկավարում է հիվանդագին ռուսատյացությամբ տառապող մյուսը՝ տխրահռչակ Անդրանիկ Քոչարյանը՝ Շիրակի նախկին մարզպետը, որից ժողովուրդը դոշ էր թափ տալիս։ Մեկը, որ դեռ 2016թ.-ին էր փորձում էր գործ տալ Կրեմլի վրա. հղում անելով ոչ անհայտ Լիտվինենկոյի հայտարարությանը, թե Հոկտեմբերի 27-ը Ռուսաստանի հատուկ ծառայությունների ձեռքի գործն է` 1in.am-ի դասալքության համար դատված խմբագրապետին տված հարցազրույցում «զարմանում» էր ու վրդովվում, թե` կազմակերպիչների մասով նոր հանգամանքներ են ի հայտ եկել, իսկ իրավապահ մարմինները շարունակում են «քար լռություն» պահպանում։ Մարտի 1-ն էլ էր փորձում ռուսների վրա «սաղացնել». իբր` Քոչարյանը Մարտի 1-ի ցույցը ցրել է Մոսկվայից վերադառնալուց անմիջապես հետո` ստանալով Կրեմլի դոբրոն։

Հեռու չգնանք` 2018թ. դեկտեմբերի 24-ին, երբ արդեն «Իմ քայլի» ցուցակով մտել էր խորհրդարան, 24 news-ին տված հարցազրույցում հաստատել է իր «սկզբունքային դիրքորոշումը», որ օր առաջ պետք է քանդել Հոկտեմբերի 27-ի կծիկը` ելնելով Կրեմլի մեղավորության կանխավարկածից։ Այն, որ, հասկանալով իր վիճակի լրջությունը, շտապ կարգով ասուլիս արեց եւ անամոթաբար ստեց, թե` ես նման բան չեմ ասել, 7օր-ի խմբագրությունն է գլխիս սարքել՝ ջանալով կռվացնել մեզ եւ Ռուսաստանին, ոչինչ չի փոխում։

Ստի ոտը կարճ է։ Նիկոլի եւ իր «շքախմբի» մանիպուլյացիաներին հավատացողների շարքերն արագորեն նոսրանում են։ Մնում է տարածել ձեռքերը եւ Նիկոլի հանգույն հարցնել Նոր Հայաստանի տերերին՝ դուք ոնց որ թե չեք հասկանում, հա՞, որ երկրում բա՛ն է փոխվել...

Լիլիթ Պողոսյան

Այս խորագրի վերջին նյութերը

Հայաստանը «ժողովրդավարության բաստիոն» դարձնելու ամենակարճ  ճանապարհը երկրում «երկաթյա բռնապետություն» հաստատե՞լն է

Հայաստանը «ժողովրդավարության բաստիոն» դարձնելու ամենակարճ ճանապարհը երկրում «երկաթյա բռնապետություն» հաստատե՞լն է

Հունիս 19, 2019 09:27 Հանրության գիտակից հատվածը պետք է պաշտպանի սահմանադրականությունը։
Նիկոլ Փաշինյանի հետևողական հակապետականությունը

Նիկոլ Փաշինյանի հետևողական հակապետականությունը

Հունիս 18, 2019 12:36 «Թավշյա» տղաներն ու աղջիկներն այսօր իրար են ճղում «վոժդին» հավատարմության երդումներ տալու համար, բայց վաղը...
«Նոր» Հայաստան, նոր Լիսաբո՞ն

«Նոր» Հայաստան, նոր Լիսաբո՞ն

Հունիս 18, 2019 10:00 Հայաստանի վարչապետն իրենից կախված ամեն ինչ արել է և անում է` «առաջ տանելու» Արցախի միջազգային մեկուսացումը լիակատար և վերջնական դարձնելու ադրբեջանական ծրագիրը։
Էշը՝ կառավարությունում (տեսանյութ)

Էշը՝ կառավարությունում (տեսանյութ)

Հունիս 17, 2019 16:35 Չի բացառվում, որ վերջում չորքոտանիները հայտնվեն արդեն շենքի ներսում: Թեև տեսակետ կա, որ շատերն իրենց էշի տեղ դրած՝ վաղուց շենքից ներս են մտել:
Ի՞նչ ցույց տվեց ՔՊ համաժողովը

Ի՞նչ ցույց տվեց ՔՊ համաժողովը

Հունիս 17, 2019 11:40 ՔՊ ղեկավար կազմը նիկոլական «կուզովով» է և լևոնական «մատոռով»։
Երբ Արարատը լեռ չէ, և երբ «լեռը» քայլարած է

Երբ Արարատը լեռ չէ, և երբ «լեռը» քայլարած է

Հունիս 17, 2019 10:04 Անտրամաբանական ձևով «թռել» էին չամիչի գներն, ու կտրուկ իջել էր ոչխարի գինը։ Երեկ բոլորը սկսել էին յոնջա ման գալ ու փնտրել թանի բաղադրատոմսը։
ՍԴ անդամի ոչ լեգիտիմ թեկնածուն. Վահե Գրիգորյան (տեսանյութ)

ՍԴ անդամի ոչ լեգիտիմ թեկնածուն. Վահե Գրիգորյան (տեսանյութ)

Հունիս 16, 2019 08:50 Եթե հիմք ընդունենք Վահե Գրիգորյանի ու Նիկոլ Փաշինյանի հնչեցրած գնահատականները, ապա ՀՀ նախագահ Արմեն Սարգսյանը ոչ լեգիտիմ է։
«Թավշյա» իշխանության սադիստական էությունը

«Թավշյա» իշխանության սադիստական էությունը

Հունիս 15, 2019 17:40 Սիրո և հանդուրժողականության կարգախոսով իշխանության եկած «թավշյա» առաջնորդին կից կառույցները դարձել են պատժիչ գործիքներ։
Լավ, ո՞նց կարելի է այսքան փարիսեցի լինել

Լավ, ո՞նց կարելի է այսքան փարիսեցի լինել

Հունիս 15, 2019 12:05 Ժողովրդի վստահությունը կնոջ սրտի պես փոփոխական մեծություն է, և որևէ լեգիտիմություն հավերժ չէ։
Կրեմլի հերթական «մեսիջը» Փաշինյանին և Կրեմլին հերթական շանտաժը Փաշինյանից

Կրեմլի հերթական «մեսիջը» Փաշինյանին և Կրեմլին հերթական շանտաժը Փաշինյանից

Հունիս 14, 2019 17:04 Փաշինյանը, հանուն իր նեղ անձնական հաշվարկների, պատրաստ է անգամ Ռուսաստանին ռազմավարական դաշնակցից դարձնել ռազմավարական հակառակորդ:
Դատավորը դատավոր լինի` թույլ չի տա Քոչարյանի գործը էժանագին շոուի վերածել

Դատավորը դատավոր լինի` թույլ չի տա Քոչարյանի գործը էժանագին շոուի վերածել

Հունիս 14, 2019 08:46 Իշխանությունների պատրաստած սերիալը չստացվեց։ Գործն, իրոք, ջուր էր։
Սաֆարովն ու Սաֆարյանը. Փաշինյանի նյարդերը չեն դիմանում

Սաֆարովն ու Սաֆարյանը. Փաշինյանի նյարդերը չեն դիմանում

Հունիս 13, 2019 14:30 5–րդ շարասյունն ավելի վտանգավոր է ու վնասարար, քան ադրբեջանական դիվերսանտը կամ հանցագործը։
Նիկոլի իշխանության լևոնական «тройка»–ն

Նիկոլի իշխանության լևոնական «тройка»–ն

Հունիս 13, 2019 12:20 Լևոն Տեր–Պետրոսյանն ու Նիկոլ Փաշինյանն այժմ նույն նավակի մեջ են և համատեղ են երկրում քաոս ստեղծում:
Դատավոր Դանիելյանի գործն էլ գործ չէ

Դատավոր Դանիելյանի գործն էլ գործ չէ

Հունիս 13, 2019 01:20 Նախ և առաջ իր` դատավորի շահերից է բխում ինքնաբացարկ հայտնել և գլուխն ազատել այս «գործից»։
Նիկոլ Փաշինյանի սրտի կադրը. Ռոմանոս

Նիկոլ Փաշինյանի սրտի կադրը. Ռոմանոս

Հունիս 12, 2019 14:45 Միջակ, նեղ ճակատով, Փաշինյանից ցածրահասակ ու տարիքով փոքր, շվոնդերական հատկանիշներով, մինչև ուղն ու ծուծը «գեղցի» և դատարկություն։
Ի՞նչ բեռ է դրել Փաշինյանը դատավոր Արմեն Դանիելյանի փխրուն ուսերին

Ի՞նչ բեռ է դրել Փաշինյանը դատավոր Արմեն Դանիելյանի փխրուն ուսերին

Հունիս 12, 2019 11:50 Դատավորը պետք է որդեգրի հետևյալ բանաձևը. «Եթե չգիտես՝ ինչպես վարվել, ապա վարվի՛ր օրենքով»։
Իրավապահ մարմիններն օր առաջ պետք է արձագանքեն Լեդի Հակոբի հայտարարություններին

Իրավապահ մարմիններն օր առաջ պետք է արձագանքեն Լեդի Հակոբի հայտարարություններին

Հունիս 12, 2019 00:31 Մի կողմից գործ ունենք բռնության պրոպագանդայի հետ, մյուս կողմից` սա հրապարակային հաղորդում է հանցագործության մասին։
Աբովյանի «վեթինգը». Ռոմանոսն՝ ընդդեմ Սասունի, Նիկոլն՝ ընդդեմ բոլորի

Աբովյանի «վեթինգը». Ռոմանոսն՝ ընդդեմ Սասունի, Նիկոլն՝ ընդդեմ բոլորի

Հունիս 11, 2019 09:35 Փաշինյանի թիմը մտնում է միմյանց խժռելու փուլ։ Նման դեպքերում են ասում, որ հեղափոխությունը խժռում է իր զավակներին։
Էն Սանասարյանի գործն ի՞նչ եղավ

Էն Սանասարյանի գործն ի՞նչ եղավ

Հունիս 11, 2019 08:39 Ինչ-ինչ, բայց մի՛ բան Նիկոլը եւ իր բրիգադը շատ լավ յուրացրել են ...
Էդմոն Մարուքյան. հավատարիմ հաճախորդը

Էդմոն Մարուքյան. հավատարիմ հաճախորդը

Հունիս 10, 2019 23:20 Երբ շուստրի հարիֆ Մարուքյանն է խոսում հեղափոխությունից, հասկանում ես, որ քաղաքականությունն, իրոք, անբարոյական կողմեր ունի։