Ֆրանսիայի նախագահ Էմանուել Մակրոնը զանգահարել է Ուկրաինայի նախագահական ընտրություններում հաղթանակած Վլադիմիր Զելենսկուն և ցանկացել է շնորհավորել նրան, բայց արդյունքում խոսել է պրանկերներ Վլադիմիր Կուզնեցովի (Վովան) և Ալեքսեյ Ստոլյարովի (Լեքսուս) հետ: Ինչպես հայտնում է Gazeta.ru-ն, պարզ չէ, թե ինչպես է դա ստացվել։

Ձայնագրությունում լսվում է, որ Մակրոնի օգնականը հարցնում է զրուցակցին՝ արդյոք նա «պարոն Զելենսկի՞ն է»: Զրուցակիցը պատասխանում է, որ նախագահի օգնականն է և լսափողը փոխանցում է նրան:

Թարգմանչի օգնությամբ Մակրոնը ենթադրյալ Զելենսկուն խորհուրդ է տալիս վայելել վերջին պահերն ընտանիքի հետ՝ նախքան նախագահության ծանր գործը ստանձնելը։ Նաև մի շարք քաղաքական հարցեր է քննարկում:

7or.am