Քաղաքական

29.04.2019 16:07


«Դավիթ Սանասարյանի հետ հանդիպել եմ իմ նախաձեռնությամբ. նա պատրաստվում է դիմել ՄԻՊ-ին» (տեսանյութ)

«Դավիթ Սանասարյանի հետ հանդիպել եմ իմ նախաձեռնությամբ. նա պատրաստվում է դիմել ՄԻՊ-ին» (տեսանյութ)

Դավիթ Սանասարյանին մեղադրանք առաջադրելուց անմիջապես հետո հանդիպել եմ նրա հետ: Այս մասին այսօր՝ ապրիլի 29-ին, ԱԺ-ում լրագրողների հետ զրույցում նշեց Մարդու իրավունքների պաշտպան Արման Թաթոյանը՝ հավելելով, որ հանդիպումը եղել է իր նախաձեռնությամբ:

«Ես խոսել եմ Դավիթ Սանասարյանի հետ, նրա փաստաբանի հետ եւ գիտեմ, որ պատրաստվում են ինձ բողոք ներկայացնել: Երբ բողոք ներկայացնեն, ըստ այդմ, կնայենք ու կխոսենք»:

Դիտարկմանը, որ ԱԱԾ տնօրեն Արթուր Վանեցյանը հայտարարել է, որ այդ գործը կգնա դատարան, իրավունք ունե՞ր նա նման համոզմունք հայտնել, Թաթոյանը հստակ պատասխան չտվեց՝ միայն նշելով. «Ես նշեցի, որ ես, այսպես թե այնպես, պրոցես սկսելու եմ, բայց պայմանավորվածություն եղավ, որ երբ բողոք լինի, պաշտպանն ավելի հստակ կարող է ներկայացնել իր պահանջը, ես էլ հետագայում հստակ կիմանամ իմ գործողությունները»:

Աղբյուրը՝ news.am

Այս խորագրի վերջին նյութերը