«Շաբաթվա կոկտեյլը» 26․05․2019

«Շաբաթվա կոկտեյլը» 26․05․2019

Մայիս 26, 2019 22:10 Այս շաբաթվա ուշագրավ տեսանյութերը։
Պատերազմ Երևանի և Արցախի միջև

Պատերազմ Երևանի և Արցախի միջև

Մայիս 26, 2019 19:50 Ահա այսպիսի վերնագրեր ունեն ադրբեջանական մամուլի հրապարակումները:

Մեկնաբանություն

Ապրիլ 30, 2019 00:04

Եթե խոստումներ կատարելը սա՛ է, ապա խոստումները գետնով տա՞լը որն է

Եթե խոստումներ կատարելը սա՛ է, ապա խոստումները գետնով տա՞լը որն է

Ոչ այն է` ինքն իրեն, ոչ այն է` այլեւս սակավաթիվ իր համակիրներին դուխ տալու համար Նիկոլ Փաշինյանը ստեպ-ստեպ դուխով հայտարարում է` մի տարի առաջ ինչ խոստացել եմ, 100 տոկոսով արել եմ, դեռ մի բան էլ` ավելի։

Ասել, որ ճիշտ հակառակը`ժողովրդի վարչապետը ո՛չ վարչապետ ընտրվելիս եւ վարչապետ չընտրվելիս տված, ո՛չ էլ առավել եւս «ընդդիմադիր ժամանակվա» որեւէ խոստում չի կատարել, նշանակում է` ոչինչ չասել. իրողությունն այն է, որ ամեն ինչ շատ ավելի վատ է, քան մի տարի առաջ ընդհանրապես հնարավոր էր պատկերացնել։

Խոստանում էր արմատախիլ անել կոռուպցիան հայոց աշխարհից, բայց արի ու տես, որ կոռուպցիայի դեմ պայքարի գլխավոր պտուտակներից մեկը` «սորոսականների» աչքի լույս, հույս ու ապավեն Դավիթ Սանասարյանը մեղադրվում է կոռուպցիայի ջրաղացին ջուր լցնելու մեջ։

Ասում էր` կախարդական փայտիկ ունեմ, երդվում էր, որ ռեկորդային կարճ ժամկետում հպարտ քաղաքացու կյանքը դրախտ կդարձնի, մի տարի չանցած`պետական բյուջեն կավելացնի 800 միլիոն դոլարով։ Այսօր ընդամենը խոստանում է բյուջեի եկամտային մասը, այսինքն` հարկային մուտքերը ավելացնել 40 միլիարդ դրամով։ Կամ, որ նույնն է, 90 միլիոն դոլարով։ Ընդ որում, սա ներկայացնում է որպես կատարված փաստ, մինչդեռ տնտեսական տարին դեռ առջեւում է։ Այս խոստումն իրականություն կդառնա՞, թե՞ մյուսների պես կջրվի` 2019թ. բյուջեի կատարողականը ցույց կտա։

Խոստանում էր կտրուկ բարձրացնել աշխատավարձերը, բայց այսօր հպարտ եւ ոչ հպարտ բազմաթիվ քաղաքացիներ զրկվել են աշխատանքի՛ց էլ, աշխատավարձի՛ց էլ։ Փաշինյանն օրերս հրապարակեց «ավելացած» (ստվերից հանված) 50 հազար աշխատատեղերի ցանկը` «ոլորտ առ ոլորտ», բայց չգիտես՝ ինչու չի շտապում նույնը անել «օպտիմալացման» եւ այլ հանգամանքների բերումով անգործ մնացած քաղաքացիների դեպքում։

Նրանք, ում աշխատավարձն իբր ավելացել է, չեն հաստատում այդ «անհերքելի փաստը»։ Պարզվում է` դա ուղղակի բլեֆ է. անգամ եթե ինչ-որ մարդկանց աշխատավարձն անվանապես բարձրացել է, ապա փաստացի` պարգեւավճարների հետ կապված ինչ-որ մանիպուլյացիաների «արդյունքում», ավելի ցածր են վարձատրվում, քան մի տարի առաջ։ Իսկ եթե կան մարդիկ, որոնք կտրուկ բարելավել են իրենց կենսամակարդակը կամ, ինչպես Աժ փոխխոսնակ Սիմոնյան Ալենը կասեր`որոնց «ջեբում փող է ավելացել», ապա դա Նիկոլն է եւ իր մերձավոր շրջապատը։ Մյուսների «ջեբում» փողը հաստատ պակասել է, լավագույն դեպքում`մնացել անփոփոխ։ Միակ երջանիկ բացառությունը նվազագույն կենսաթոշակ ստացողներն են, որոնց եկամուտներն իրոք բարձրացել են`16 հազարից հասել են 25 հազար դրամի։

Խոստանում էր թավշյա ոչ բռնի հեղափոխությունը դարձնել ներդրումային բումի աղբյուր, բայց ներդրումներից ձեն-ձուն չկա։ Ավելին`երբ գնում ես վարչապետի թեթեւ ձեռքով «բացված» գործարանների հետքերով, պարզվում է` դրանք ո՛չ եղել են, ո՛չ կան, ո՛չ կլինեն. ինչպես հանկարծ «բացվել» էին, այնպես էլ փակվել են։ Եղած ներդրումներն էլ (օրինակ` Ամուլսարի հանքավայրի, «Սպայկա» ընկերության շուրջ ստեղծված «անհասկանալի» իրավիճակի բերումով) անհետացել են թավշյա վայրիվերումների բերմուդյան եռանկյունում։

Խոստանում էր կտրուկ իջեցնել գազի սակագինը`պնդում էր, որ ներկայիս սակագինն արհեստականորեն ուռճացված է։ Փաստն այն է, որ որ գազի գինը բարձրացել է։ Հպարտ քաղաքացին իր կաշվի վրա դեռ չի զգում այդ բարձրացումը, բայց դա ժամանակի խնդիր է... Եվ, որ ավելի վատ է, ոչ մեկը չգիտի`որն է դրա գինը։

Արագաչափերի ու տեսախցիկների, ի հեճուկս ազատ, արդար, թափանցիկ դատական համակարգի կայացման խոստումների` Հայաստանում հաստատված ընտրովի (հեռակավարվող, հեռախոսային, տրանսգենդերային` ինչպես կուզեք) արդարադատության մասին համեստորեն լռում ենք։

Դե իսկ արտաքին քաղաքականության ոլորտում եւ Արցախի հարցում ստեղծված իրավիճակը պարզապես աղետալի է` բառի բուն իմաստով «կատաստրոֆիկ»։

Խոստանում էր Արցախը դարձնել բանակցությունների լիարժեք կողմ, բայց Արցախն առաջվա պես, դեռ մի բան էլ ավելի օտարված է Մինսկի խմբի գործընթացից։ Ասում են` սահմանում քիչ են կրակում, զոհերի թիվը կրճատվել է, բայց էլի չեն ասում` ո՞րն է չկրակելու գինը։ Փոխարենը դա անում է հակառակորդը։ Համ էլ՝ իրականում ավելի շատ են կրակում. վկան պաշտոնական հաղորդագրություններն այս թեմայով։

Բավական է հիշեցնել Ադրբեջանի Միլի մեջլիսի խոսնակի «բացառիկ խաղաղասիրական» հայտարարությունը, որից ՀՀ արտգործնախարարը, պարզվում է, անտեղյակ է՝ ի՞նչ իմաստ ունի պատերազմական կոչեր անել, եթե մեր ուզածին կարող ենք հասնել խաղաղ ճանապարհով։ Սա է «աննախադեպ բարենպաստ» այն վիճակը, որի մեջ հայտնվել է Հայաստանը ժողովրդի վարչապետի որդեգրած «աննախադեպ հայամետ» քաղաքականության հետեւանքով։

Խոստանում էր հայ-ռուսական հարաբերությունները տեղափոխել «երկու սուվերեն երկրների գործընկերության» դաշտ, բայց շարունակում է քծնել Ռուսաստանին եւ անձամբ նախագահ Պուտինին։ Բանը հասել է նրան, որ նույնիսկ ամերիկացիների վրա է հոխորտում թավշյա հեղափոխության հանդեպ անտարբերություն դրսեւորելու համար` ռուսներին «իշմար տալով», որ հավերժ Ռուսաստանի հետ է. անցել են այն ժամանակները, երբ ինքն ու իր խմբագրած լրատվամիջոցը, մինչեւ հոգու խորքը ցնցված պետդումայի նախագահ Բորիս Գրիզլովի հայտնի հայտարարությունից, հարյուրի վրա շահարկում էին Հայաստանի` «Ռուսաստանի ֆորպոստը լինելու» վարկածը։ Մնում է վերաձեւակերպի այդ թեզը եւ պաշտոնապես արձանագրի` Հայաստանը Ռուսաստանի վասալն է...

Մինչ այդ, ռուս վերլուծաբանները գոհունակությամբ շփում են ձեռքերը եւ առանց ձեւականությունների ասում այն, ինչ կա. Փաշինյանը վերջապես հասկացել է, «где раки зимуют»` հետ է կանգնել նախկինում հնչեցրած «էկզոտիկ» հայտարարություններից ու, «как миленький», վերադարձել դաժան իրականություն`հրաժարվելով «միանգամից երկու աթոռի վրա նստելու» անհեռանկար փորձերից։

Միացյալ Նահանգնե՞րն ինչպես կարձագանքի հանդուգն այս մարտահրավերին`կապրենք, կտեսնենք...

Լիլիթ Պողոսյան

Այս խորագրի վերջին նյութերը

Նիկոլ Փաշինյանին պետք են մեծ ցնցումներ. ինչո՞ւ

Նիկոլ Փաշինյանին պետք են մեծ ցնցումներ. ինչո՞ւ

Մայիս 24, 2019 13:40 Մնալ փողոցի հույսին նշանակում է գնալ պոպուլիզմի ու մեծ ցնցումների ճանապարհով։
Աշխարհն, այո՛, շուռ է եկել

Աշխարհն, այո՛, շուռ է եկել

Մայիս 24, 2019 12:35 ԱԺ փոխխոսնակի մակարդակով իրենց կողմնակիցներին կոչ են անում գործի դնել «դոնոսի» ինստիտուտը։
Ի՞նչ ցույց տվեց ՀՅԴ–ի հանրահավաքը (ֆոտոշարք)

Ի՞նչ ցույց տվեց ՀՅԴ–ի հանրահավաքը (ֆոտոշարք)

Մայիս 24, 2019 00:10 Հետհեղափոխական Հայաստանում առաջին անգամ Նիկոլի «փողոցային» մենաշնորհը կոտրվեց։ Եվ սա դեռ սկիզբն է։
Հայաստանը «ԶԱՍվեց». Փաշինյանի հերթական ձախողումը

Հայաստանը «ԶԱՍվեց». Փաշինյանի հերթական ձախողումը

Մայիս 23, 2019 10:45 Բայց դե, կարևորը՝ «դուխո՛վ», ժողովո՛ւրդ ջան, դուխո՜վ։
Դեղին քարտ` Փաշինյանին ու իր թրաշամանուկներին

Դեղին քարտ` Փաշինյանին ու իր թրաշամանուկներին

Մայիս 23, 2019 10:20 Եվրոպական հանրությունը բավական կոշտ և աներկբա արձագանքեց «փողոցը» դատարանների վրա քսի տալու արկածախնդիր նախաձեռնությանը։
«Հեղափոխական Հայաստանի» 2 ամիսն ու 2  թիվը

«Հեղափոխական Հայաստանի» 2 ամիսն ու 2 թիվը

Մայիս 22, 2019 21:50 Ի՞նչ տեղի ունեցավ այս 2 ամսվա ընթացքում, և ինչո՞ւ է 2 թվին հաջորդել 2-ը։
Վահան Բադասյանը՝ Նիկոլ Փաշինյանի հակապետական «քասթինգի» մասնակից (տեսանյութ)

Վահան Բադասյանը՝ Նիկոլ Փաշինյանի հակապետական «քասթինգի» մասնակից (տեսանյութ)

Մայիս 21, 2019 14:25 Փաշինյանն Ադրբեջանում ոգևորություն է առաջացրել, և հիմա այնտեղ քննարկվում է Արցախի վրա կայծակնային հարձակում իրականացնելու հնարավորությունը:
«Ժողովրդի» սրտի դատախազը (տեսանյութ)

«Ժողովրդի» սրտի դատախազը (տեսանյութ)

Մայիս 21, 2019 13:40 Սիրուց մինչև ատելություն և հակառակ ուղղությամբ ընդամենը մեկ «Մարտի 1»-ի գործ է:
«Ծերուկն» անտանելի է դառնում

«Ծերուկն» անտանելի է դառնում

Մայիս 21, 2019 09:45 Իր անփառունակ կառավարումը երկարաձգելու միակ շանսը սահմանադրական կարգն անշրջելիորեն տապալելն է։
Նիկոլ Փաշինյանի ինքնախոստովանական ցուցմունքը

Նիկոլ Փաշինյանի ինքնախոստովանական ցուցմունքը

Մայիս 20, 2019 13:50 Քա՛յլ արա, մերժի՛ր թուրքին։
Ում արածներն է կրկնում Նիկոլ Փաշինյանը

Ում արածներն է կրկնում Նիկոլ Փաշինյանը

Մայիս 20, 2019 11:20 Ռոբերտ Քոչարյանի հետ կապված դատարանի որոշումն ընդամենը առիթ էր Փաշինյանի համար։
Փողոցային «արդարադատություն» (տեսանյութ)

Փողոցային «արդարադատություն» (տեսանյութ)

Մայիս 19, 2019 12:35 Եթե Նիկոլ Փաշինյանին թվում է, որ հասարակությանը՝ ամբոխ, իսկ ամբոխին՝ ոհմակ սարքելու արդյունքում ինքը շահելու է, ապա չարաչար սխալվում է։
Սահակյանը և Ղուկասյանը չէին կարող ձեռքերը լվանալ ու մի կողմ քաշվել

Սահակյանը և Ղուկասյանը չէին կարող ձեռքերը լվանալ ու մի կողմ քաշվել

Մայիս 18, 2019 08:14 Քոչարյանը «փախուստի դիմող» չէ. ազատության մեջ մնալով` չի փորձի խոչընդոտել արդարադատությանը, ինչպես ժամանակին` Նիկոլը և Վանոն։
Նիկոլ Փաշինյանի «քուանշը» Արթուր Դավթյանը սրել է (տեսանյութ)

Նիկոլ Փաշինյանի «քուանշը» Արթուր Դավթյանը սրել է (տեսանյութ)

Մայիս 17, 2019 18:10 Նիկոլ Փաշինյանի համար Արթուր Դավթյանն այժմ Քոչարյանի «գործով» նրա գլխավոր ներկայացուցիչն ու հույսն է դատարանում:
«TV 5»-ի սեփականատեր Արմեն Թավադյանի դեմ գործ է հարուցվում

«TV 5»-ի սեփականատեր Արմեն Թավադյանի դեմ գործ է հարուցվում

Մայիս 17, 2019 17:15 Սա ամբողջությամբ տեղավորվում է Նիկոլ Փաշինյանի՝ իր կողմից չվերահսկվող լրատվամիջոցների դեմ արշավ սկսելու անթաքույց ցանկության շրջանակներում:
Տիգրան Ավինյանն՝ ընդդեմ իշխանական քարոզչամեքենայի (տեսանյութ)

Տիգրան Ավինյանն՝ ընդդեմ իշխանական քարոզչամեքենայի (տեսանյութ)

Մայիս 17, 2019 13:40 Ռոբերտ Քոչարյանի «գործն» աննախադեպ է բոլոր առումներով։ Այն ամբողջությամբ քաղաքական է։ Իրավական մասը «ջուր» է և կողմնակալ։
Պատային իրավիճակ. ի՞նչ անել, երբ «քայլելու» տեղ չունես

Պատային իրավիճակ. ի՞նչ անել, երբ «քայլելու» տեղ չունես

Մայիս 16, 2019 17:20 Ստեղծված «ոչ կոնվենցիոնալ» իրավիճակում Փաշինյանը դեմքը փրկելու մի՛ տարբերակ ունի ...
Արմեն Սարգսյանի հրապարակային երկրորդ «ապտակը» Նիկոլ Փաշինյանին

Արմեն Սարգսյանի հրապարակային երկրորդ «ապտակը» Նիկոլ Փաշինյանին

Մայիս 16, 2019 16:00 Սարգսյանն ընդառաջ չգնաց Փաշինյանի «կապրիզներին»: Ո՞վ կհաղթի նյարդերի այս պատերազմում:
Լյումպենը տարերքի մեջ է

Լյումպենը տարերքի մեջ է

Մայիս 16, 2019 00:30 Նիկոլականները ծանր են տարել, որ Քոչարյանը մենակ չէ`կան մարդիկ, որոնք գնահատում են 2-րդ նախագահի պաշտոնավարման տարիների արդյունքները և սատարում են նրան։
Դատարանում` ինչպես դատարանում

Դատարանում` ինչպես դատարանում

Մայիս 15, 2019 00:37 Դատավորը որքանո՞վ է պատրաստ «հերոս լինել», կարո՞ղ է վեր կանգնել հեղափոխական կոնյունկտուրայի «թելադրանքից» և քվեարկել «խղճի մտոք»։