Հարցազրույց

Մայիս 03, 2019 13:25

Նոր իշխանությունն ինձ համար սև արկղ է, շատ բան հասկանալի չէ. Վազգեն Մանուկյան (տեսանյութ)

Նոր իշխանությունն ինձ համար սև արկղ է, շատ բան հասկանալի չէ. Վազգեն Մանուկյան (տեսանյութ)

Factor.am-ի հարցազրույցը Հանրային խորհրդի նախագահ, ԱԺՄ նախագահ Վազգեն Մանուկյանի հետ

–Պարո՛ն Մանուկյան, տարիներ առաջ Դուք ասում էիք, թե արդեն հոգնել եք ընդդիմադիր լինելուց: Այսօր տեղեկություններ են հրապարակվում, որ ցանկանում եք քաղաքական ալյանս ձևավորել, որը լինելու է հակաիշխանական։ Նորից քաղաքականություն վերադառնալու ցանկությո՞ւն ունեք։

–Միգուցե «հոգնել» արտահայտությունն օգտագործել եմ, բայց մեջը, երևի, կատակի մաս եղել է։ Ինչ վերաբերում է ալյանսին, ապա նման բան չի ստեղծվում։ Դուք ակումբի մասին եք լսել, նման ցանկություն կա։ Անկախ պետություն դառնալուց հետո թվում էր, թե մենք կվերցնենք Արևմտյան Եվրոպայի համակարգերից մեկը և նրանց նման կապրենք, բայց չստացվեց։ Արևմուտքում քաղաքական ակումբները շատ են տարածված, որոնք հասարակության հյուսվածքն են և թույլ չեն տալիս, որ հասարակությունն անկայուն լինի, անընդհատ հեղափոխություն, հեղաշրջում, տեռոր լինի։ Կարծում եմ՝ հիմա Հայաստանում շատ արդիական է ունենալ մի այնպիսի կառույց, որտեղ իշխանության և ընդդիմության տարբեր շերտերը կկարողանան իրար հետ քննարկում իրականացնել։ Ակումբը դեռ ձևավորված չէ, պարզ չէ, թե ովքեր պետք է լինեն անդամները, բայց աշխատանքները գնում են։ Ես կուզենամ լինի մի հարթակ, որտեղ տարբեր քաղաքական հոսանքների պատկանող բարձր որակի մասնագետները միմյանց հետ կկարողանան խոսել։ Դրսում իրար կհայհոյեն կամ թերթերում ինչ կգրեն, դա իրենց գործն է։ Թեև հանդիպումներից հետո դժվար է իրար հայհոյելը։

–Այդ ակումբում ավելի շատ կլինեն նախկի՞ն իշխանությունների կողմնակիցները։

–Բնական է, երբ սկսում ես մարդկանց հավաքել, հավաքում ես նրանց, ովքեր ճանապարհ են անցել, և որոնց ճանաչում ես։ Նորերից շատերին չեմ էլ ճանաչում, և դեռ դժվար է հասկանալ, թե նրանցից ով ինչ դերակատարություն և փորձ ունի։ Բնական է, որ սկզբնական շրջանում ծանրությունը մի կողմ կթեքվի, բայց ակումբը հասարակությանը կներկայացնեմ այն ժամանակ, երբ հավասարակշռությունը ձևավորված կլինի։ Երևի՝ աշնանը։

–Իսկ Դուք առաջիկայում ակտիվ քաղաքականություն վերադառնալու ցանկություն ունե՞ք։

–Դժվար է ասել, բայց իմ անցած ճանապարհն ինձ հուշում է, որ ավելի ճիշտ է կանգնած լինել՝ չասեմ ավելի վերև, բայց կազմակերպել ինչ-որ բաներ, և պարտադիր չէ հանրահավաքներ անես ու ասես՝ ձեր ձայնը տվեք ինձ։ Կյանքը ցույց կտա։

–Հոկտեմբերի 27-ից հետո Դուք հանդիպել էիք Ռոբերտ Քոչարյանին և հորդորել որևէ դեպքում հրաժարական չտալ: Հիմա, երբ տարիների հեռվից եք նայում, Ձեր այդ հորդորը ճի՞շտ եք համարում։ Իսկ եթե նա հրաժարական տար, նոր նախագահական ընտրություններ տեղի ունենային, առաջադրվեիք նաև Դուք, ավելի վա՞տ զարգացում կամ տարբերակ կլիներ մեր երկրի համար:

–Եկեք ֆիքսենք՝ Ռոբերտ Քոչարյանն այն մարդը չէր, որը կենթարկվեր իմ ասածին, ես իմ կարծիքն եմ ասել, որոշում ընդունողն ինքն էր։ Իսկ Հոկտեմբերի 27-ից հետո ի՞նչ եղավ ողջ իշխանությունը՝ ԱԺ նախագահը, վարչապետը գնդակահարված էին, մնացել էր միայն նախագահը։ Եվ կարևոր չէր, թե ով էր նա, եթե հրաժարական տար, երկրում քաոս կդառնար: Այն ժամանակ դա պետության համար կործանարար կլիներ: Ռոբերտ Քոչարյանը, թե մեկ ուրիշը կլիներ, ես նույն խորհուրդը կտայի։ Եվ եթե նա հրաժարական տար, մինչև նոր ընտրություններ լինեին, չեմ կարող ասել, թե ռազմաճակատում ինչ կկատարվեր։ Ադրբեջանում միանգամից կօգտվեին այդ վիճակից:

–Ձեր կարծիքով՝ նոր իշխանությունները՝ Նիկոլ Փաշինյանի գլխավորությամբ, տնտեսական, արտաքին, իրավապահ ոլորտներում գոյություն ունեցող իրավիճակին համարժե՞ք քաղաքականություն են վարում։

–Նախ՝ նոր իշխանությունն ինձ համար սև արկղ է, շատ բան ինձ համար հասկանալի չէ, թե ինչ են ուզում անել: Իմ կարծիքով՝ նրանց մոտ մի քիչ իլյուզիա կար, որ կարելի է կոռուպցիան հարյուր տոկոսով վերացնել։ Աշխարհում նման բան գոյություն չունի։ Ամեն տարի հրապարակվում է երկրների ցուցակը, և լավագույնը Նոր Զելանդիան է՝ 90 տոկոսով, Դանիայում մաքրությունն 85 տոկոսանոց է։ Հազարավոր տարիներ մարդիկ պայքարում են դրա դեմ։ Իսկ մեզ մոտ, կարծում եմ, դեռ դժվար է գնահատել արդյունքը։ Իհարկե՝ որոշ տեղերում վախ է առաջացրել և նվազած կլինի, բայց մեխանիզմները, որոնք վերացնում են կոռուպցիան, չկան։

Հարցազրույցն ամբողջությամբ՝ տեսանյութում:

Այս խորագրի վերջին նյութերը

Փաշինյանին ձեռնտու չէ մարտի 1-ի սպանությունների բացահայտումը. Զարուհի Փոստանջյան (տեսանյութ)

Փաշինյանին ձեռնտու չէ մարտի 1-ի սպանությունների բացահայտումը. Զարուհի Փոստանջյան (տեսանյութ)

Հուլիս 16, 2019 12:20 «Հարցազրույց» հաղորդման հյուրն է «Երկիր ծիրանի» կուսակցության նախագահը:
ՍԴ-ի դեմ ուղղված հերթական մանիպուլյացիան որևէ աղերս չունի գործող օրենսդրական կարգավորումների հետ

ՍԴ-ի դեմ ուղղված հերթական մանիպուլյացիան որևէ աղերս չունի գործող օրենսդրական կարգավորումների հետ

Հուլիս 14, 2019 09:39 Վերաքննիչ դատարանի որոշումը չի կարող որևէ կերպ ազդել ՍԴ-ի կողմից գործը քննության ընդունելու հարցը լուծելիս։
Ժողովուրդը պետք է վերադարձնի բռնազավթված իշխանությունը․ Մենուա Հարությունյան (տեսանյութ)

Ժողովուրդը պետք է վերադարձնի բռնազավթված իշխանությունը․ Մենուա Հարությունյան (տեսանյութ)

Հուլիս 12, 2019 08:45 Արևմուտքից պահանջում են Նիկոլից հակառուսական հեղափոխություն անել։
Ցուցիչ՝ Փաշինյանն այլևս չի կարող հանգիստ զբոսնել Հյուսիսային պողոտայով. Հրանտ Մելիք-Շահնազարյան (տեսանյութ)

Ցուցիչ՝ Փաշինյանն այլևս չի կարող հանգիստ զբոսնել Հյուսիսային պողոտայով. Հրանտ Մելիք-Շահնազարյան (տեսանյութ)

Հուլիս 11, 2019 16:47 Փորձում է ոստիկանության միջոցով լռեցնել քաղաքացիների բողոքի ձայնը:
ՍԴ-ն վերահաստատեց, որ կարող է 300․1 հոդվածը հակասահմանադրական ճանաչվել (տեսանյութ)

ՍԴ-ն վերահաստատեց, որ կարող է 300․1 հոդվածը հակասահմանադրական ճանաչվել (տեսանյութ)

Հուլիս 11, 2019 14:45 ՍԴ որոշման, դատարանի հակաօրինական քայլի մասին։
«Վե­րա­դառ­նում ենք 90-ական­ներ՝ կորց­նե­լով զար­գաց­ման հնա­րա­վո­րու­թյուն­նե­րը»

«Վե­րա­դառ­նում ենք 90-ական­ներ՝ կորց­նե­լով զար­գաց­ման հնա­րա­վո­րու­թյուն­նե­րը»

Հուլիս 11, 2019 14:20 ԱՄՆ-ը տարածաշրջանում փորձում է իրականացնել «բոլթոնյան ծրագիրը»։
Սահմանադրության պահպանման հետ կապված խնդիրներն ակնհայտ են (տեսանյութ)

Սահմանադրության պահպանման հետ կապված խնդիրներն ակնհայտ են (տեսանյութ)

Հուլիս 06, 2019 14:00 Որքանով է պահպանվում սահմանադրական կարգը։
Չկա սահմանադրական ճգնաժամ․ Վարդան Բոստանջյան (տեսանյութ)

Չկա սահմանադրական ճգնաժամ․ Վարդան Բոստանջյան (տեսանյութ)

Հուլիս 05, 2019 11:45 Պարզապես իշխանություններին պետք են այդպիսի քայլեր, որպեսզի կարողանա սեփականաշնորհել ամեն ինչ։
ՍԴ-ի քաղաքականացման գործընթաց էր գնում. Էլինար Վարդանյան (տեսանյութ)

ՍԴ-ի քաղաքականացման գործընթաց էր գնում. Էլինար Վարդանյան (տեսանյութ)

Հուլիս 03, 2019 10:42 Դատավորները որոշումներ կայացնելիս արդեն իսկ կաշկանդված են։
Մարտի 1-ի մեղադրող կողմը խայտառակ է եղել. Վիկտոր Սողոմոնյան (տեսանյութ)

Մարտի 1-ի մեղադրող կողմը խայտառակ է եղել. Վիկտոր Սողոմոնյան (տեսանյութ)

Հուլիս 02, 2019 07:37 Իշխանությունն ինչ հայտարարեց, սուտ էր։
Արեգնազ Մանուկյան․ Բոլթոնը Փաշինյանին հուշել է փողի տեղը (տեսանյութ)

Արեգնազ Մանուկյան․ Բոլթոնը Փաշինյանին հուշել է փողի տեղը (տեսանյութ)

Հունիս 29, 2019 15:20 Նիկոլ Փաշինյանն ուզում է ամբողջությամբ բռնազավթել դատական իշխանությունը։
«Հանրային խորհուրդը կարող է հայտնել կարծիքներ, որոնք չեն համընկնում իշխանության կարծիքների հետ». Վ. Մանուկյան

«Հանրային խորհուրդը կարող է հայտնել կարծիքներ, որոնք չեն համընկնում իշխանության կարծիքների հետ». Վ. Մանուկյան

Հունիս 29, 2019 14:07 Խորհրդի դիրքորոշումը տարանջատված է անդամների տեսակետներից։
Անդրանիկ Թևանյան. «Սրանք նեոբոլշևիկներ են, սա 90–ականների իշխանության ռեինկարնացիան է»

Անդրանիկ Թևանյան. «Սրանք նեոբոլշևիկներ են, սա 90–ականների իշխանության ռեինկարնացիան է»

Հունիս 28, 2019 10:35 «Չեմ բացառում, որ Երևանից փորձ կարվի Արցախում արտահերթ նախագահական ընտրություններ անցկացնել»։
«Հայ-ռուսական հարաբերություններում էլ ի՞նչ հետևանքներ պետք է լինեն, ամեն բան արդեն պատահել է»․ Կոլերով

«Հայ-ռուսական հարաբերություններում էլ ի՞նչ հետևանքներ պետք է լինեն, ամեն բան արդեն պատահել է»․ Կոլերով

Հունիս 27, 2019 20:52 Այս ամենը վախեցնելու և առևտուր անելու տպավորություն է ստեղծում։