Վրաստանի Կախեթիի շրջանի Սագարեջոյի մունիցիպալիտետում 85 տարեկան տղամարդը սպանել է որդուն, հարսին և երկու հարևաններին, վիրավոր է նաև նրա անկողնային հիվանդ կինը:

«Ինտերպեսնյուսի» տեղեկատվությամբ՝ տղամարդը սկզբում կրակել է որդու և հարսի վրա, այնուհետև՝ վերջիններիս օգնության հասած հարևաններին՝ մորը և որդուն:

Տեղացիների խոսքով՝ դեպքից հետո տղամարդը տնից դուրս չի եկել, այդ պատճառով անհրաժեշտ է եղել մոբիլիզացնել հատուկ առաջադրանքների բաժնի աշխատակիցներին։

Տեղում աշխատում է ոստիկանությունը:

Աղբյուրը՝ aliq.ge