Մեկնաբանություն

Մայիս 07, 2019 14:25

Փաշինյանը մենակ է մնալու. ի՞նչ է սպասվում, և ի՞նչ անել

Փաշինյանը մենակ է մնալու. ի՞նչ է սպասվում, և ի՞նչ անել

Նախորդ տարվա ապրիլյան իրադարձություններից հետո իշխանության եկած թիմը կանխատեսելիորեն պառակտվել է, ու դժվար է ասել, թե իրենք նախորդ իշխանությա՞նն են ավելի շատ ատում, թե՞ միմյանց։

Ներտեսակային պայքարն, ինչպես հայտնի է, շատ ավելի դաժան է լինում, քան միջտեսակայինը։

Հիմա եկել է ներտեսակային գզվռտոցի փուլը։

Հեղափոխության բորենիները և «աբիժնիկները»

Հեղափոխության համար լայն համախմբում է պետք։ Իշխանության գալուց հետո, սակայն, հեղափոխությունը ղեկավարած շատերը, իրենց անգրագիտության ու անմեղսունակության, ինչպես նաև այլ պատճառներից ելնելով, դառնում են բեռ ու անպիտան։ Դավիթ Սանասարյանը Նիկոլ Փաշինյանի համար այդ բեռներից մեկն է։ Բեռ, որին նաև բռնացրել են կոռուպցիայի մեջ։ Այդ կոռուպցիան նաև առիթ է բեռից ազատվելու համար։

Սանասարյանի անմեղության կանխավարկածը չխախտելով հանդերձ՝ չենք կարող չնշել, որ եթե հիմնավոր ապացույցներ չլինեին, Փաշինյանն այդ գործին ընթացք չէր տա, քանզի ինքն էլ է լրջորեն տուժում այս պատմությունից։

Հիմա Սանասարյանենք դառնում են հեղափոխության «աբիժնիկներ»։ Իսկ ահա հեղափոխությանը «վեննա մտած» թուրք–ադրբեջանական շահերի պաշտպանները, որոնք իրենց սիրում են ներկայացնել որպես արևմտամետներ (սրանց պայմանականորեն նաև «սորոսականներ» են կոչում), փորձում են օգտագործել հեղափոխության «աբիժնիկներին» և Հայաստանը դարձնել արտաքին խաղացողների բախման թատերաբեմ՝ այդտեղից բխող բոլոր բացասական հետևանքներով։

Թուրքամետները հեղափոխության բորենիներն են։ Իրենք որսին կողքից են հետևել, բայց ուզում են որսի արդյունքին փայ մտնել կամ նույնիսկ ամբողջ որսն իրենցով անել։

Այդ թուրքամետ–«արևմտամետները» ոչ մի կապ չունեն արևմտյան/համամարդկային արժեքների և արևմտյան քաղաքական կենտրոնների հետ։ Դրանք մեր տնաբույծ նեոբոլշևիկներն են, որոնց պապերը նույն «գլոբալիստական» մտածողությամբ Կարսը հանձնեցին թուրքերին։

Սրանք Սանասարյանի գործն ուզում են օգտագործել Հայաստանում նեոբոլշևիկյան ու թուրքամետ կոդով նոր հեղափոխություն անելու համար։ Հեղափոխություն, որի նախնական գինը լինելու է Արցախի, իսկ վերջնականը՝ Հայաստանի կորուստը։

Որտե՞ղ է գտնվում Նիկոլ Փաշինյանը

Նիկոլ Փաշինյանն «իզմեր» չունի։ Նրա «իզմը» սկսվում և ավարտվում է վարչապետի աթոռով։ Նրան նյարդայնացնում են արտաքին ու ներքին խնդիրները, Արցախի հակամարտությունը, ՀՀ բնակչության աղքատության մակարդակը և նմանատիպ այլ պետական հարցեր։

Փաշինյանն ուզում է վայելել ֆեյսբուքյան լայվերի ժամանակ ստացած սրտիկներն ու լայքերը, համտեսել Մաշտոցի պողոտայում խորոված Իջևանի խոզի միսն ու երկու թշով ծամել այն, գնալ գինի խմելու և սելֆի անելու։

Փաշինյանն ուզում է վայելել իշխանությունը հազար ու մի խնդիր ունեցող պետության մեջ։ Իսկ դա հնարավոր չէ։ Ու քանի որ հնարավոր չէ, ստիպված պետք է նաև պետական ու քաղաքական հարցերով զբաղվի։ Բայց ամբողջ խնդիրն այն է, որ կոդեր ու գաղափարներ չունի։ Հենց դա է պատճառը, որ դատարկությունը լցնում են ամեն տեղից ու ամեն մեկը՝ սկսած տրանսգենդերից, վերջացրած Սորոսով, սկսած Բոլթոնից մինչև Մեդվեդև։

Փաշինյանը գտնվում է բոլորի արանքում։ Ռուսամետների ու արևմտամետների, թուրքամետների ու «արևմտամետների», հեղափոխականների ու հակահեղափոխականների, թիմակիցների ու ոխերիմ բարեկամների։

Ի դեպ, երեկ Փաշինյանը «մեսիջ» ուղարկեց իր, այսպես կոչված, թիմակիցներին ու «արևմտամետներին», որ եթե դրանք շատ սկսեն իր դեմ ներսից պայքարել, ապա ինքը կարող է իրենց մասով լյուստրացիա անել ու բացահայտել հակառուսական շրջանակների ազդեցության գործակալներին։

««ԿԳԲ-ի արխիվները բացելու» արդյունքում կարող են բացահայտվել միայն Ռուսաստանի հատուկ ծառայությունների հետ համագործակցած ու մինչեւ հիմա համագործակցող անձինք, մինչդեռ այլ պետությունների գործակալները ոչ միայն չեն բացահայտվի, այլեւ ավելի ազատորեն գործելու հնարավորություն կստանան։ ... Գերտերությունները, որպես կանոն, Հայաստանի նման երկրներում աշխատում են ոչ այնքան «հաստիքային», որքան ազդեցության գործակալների միջոցով, իսկ այդ հարցում լյուստրացիան անզոր է»,– մասնավորապես գրում է Նիկոլ Փաշինյանին պատկանող «Հայկական ժամանակ» թերթը՝ անդրադառնալով Հայաստանում տիրող քարոզչական պատերազմին։

Թերթի այդ խմբագրականին անմիջապես արձագանքեց չափազանց «արևմտամետ» ու այդ առումով վաղուց բացահայտված Լևոն Բարսեղյանը, ով մի ժամանակ քծնում էր ԱԱԾ պետ Արթուր Վանեցյանին ու բերանը լայն բացած՝ նկարվում նրա հետ, իսկ հիմա հակառակ վարքագիծն է դրսևորում։

Բարսեղյանին զայրացրել էր «Հայկական ժամանակի» գրածը, ինչը ցույց է տալիս, թե ինչպիսի «ներվ» կա «սորոսականների» մոտ Փաշինյանի հանդեպ։

Ի՞նչ է սպասվում

Փաշինյանը հայտնվել է Կերենսկու վիճակում։ Ինչպես որ Կերենսկուն չէին ընդունում ծայրահեղ բոլշևիկներն ու ցարականները, այնպես էլ Փաշինյանին չեն ընդունում ոչ նախկինները, ոչ էլ հեղափոխականների արմատական ու թուրքամետ շրջանակները։ Նրան չեն ընդունում հայաստանակենտրոնները և տարատեսակ «մետությամբ» տառապողները։

Այն, որ Փաշինյանի իշխանության ճակատագիրը կանխորոշված է, «էն գլխից» տեսանելի էր մասնագիտական աչքի համար։ Այն շուտով տեսանելի կլինի նաև հանրության լայն շրջանակների համար։

Փաշինյանն այժմ հենվում է հանրային աջակցության ու ԱԱԾ–ի վրա։ Հենց որ հանրային աջակցությունն անխուսափելիորեն նվազի, տակը կմնա ԱԱԾ–ն, որի ղեկավարին այժմ վարկաբեկում են, որպեսզի հետագայում հեշտորեն ներքին հեղաշրջում կազմակերպեն։

Ի՞նչ անել

Հայաստանի ու Արցախի անվտանգությամբ մտահոգ բոլոր շրջանակները պետք է պատրաստվեն հետնիկոլական իշխանության ձևավորմանը՝ մինչ այդ թույլ չտալով, որ ցնցումներ կարողանան իրականացնել Հայաստանում գործող 5–րդ շարասյան ներկայացուցիչները, որոնք հեղափոխությանը հընթացս փայ են մտել, ներկայանում են որպես թունդ հայրենասերներ ու ծովից ծով Հայաստան պահանջողներ, արդարության մարտիկներ, քաղաքացիական հասարակության կայացման ջատագովներ, բայց իրականում արկածախնդիրներ են կամ էլ սպասարկում են թուրք–ադրբեջանական վեկտորի շահերը։ Եվ էական չէ, թե դա նրանք անում են գիտակցաբա՞ր, թե՞ օգտագործվում են որպես վարձատրվող ազդեցության գործակալներ։

Հայաստանը մտնում է հետհեղափոխական զարգացումների 2–րդ փուլ։ Այն ամենևին էլ սիրո և հանդուրժողականության կարգախոսների ներքո չի լինելու։

Նիկոլ Փաշինյանը դեռ հնարավորություն ունի ցնցումներից և դաժան վերջաբանից ինքն իրեն ու երկիրը զերծ պահել։ Հետո ուշ կլինի։ Հետո չասեք, թե չէինք զգուշացրել։ Մենք շահագրգռված չենք ցնցումներ առաջացնելու հարցում։ Մենք ուզում ենք ոչ թե հզոր ցնցումներ, այլ հզոր Հայաստան ու Արցախ։

Կորյուն Մանուկյան

Այս խորագրի վերջին նյութերը

«Իմ քայլը» դաշինքը հրաժարվե՞ց Նիկոլ Փաշինյանից

«Իմ քայլը» դաշինքը հրաժարվե՞ց Նիկոլ Փաշինյանից

Մայիս 26, 2019 13:00 Ումի՞ց է հրաժարվում «Իմ քայլը»՝ բռնության և գրեթե բռնության կոչեր հնչեցնող լյումպեն զանգվածի՞ց, թե՞ այդ զանգվածի կուռք ու խորհրդանիշ Նիկոլ Փաշինյանից։
Նիկոլ Փաշինյանի հունվեյբինների հանրահավաքը տապալվեց

Նիկոլ Փաշինյանի հունվեյբինների հանրահավաքը տապալվեց

Մայիս 26, 2019 12:45 Երեկվա խայտառակությունը ևս մեկ անգամ ցույց տվեց, որ լակոտիզմը մերժվում է հանրության կողմից։ Մերժվում է փաշիզմը։
Նիկոլ Փաշինյանին պետք են մեծ ցնցումներ. ինչո՞ւ

Նիկոլ Փաշինյանին պետք են մեծ ցնցումներ. ինչո՞ւ

Մայիս 24, 2019 13:40 Մնալ փողոցի հույսին նշանակում է գնալ պոպուլիզմի ու մեծ ցնցումների ճանապարհով։
Աշխարհն, այո՛, շուռ է եկել

Աշխարհն, այո՛, շուռ է եկել

Մայիս 24, 2019 12:35 ԱԺ փոխխոսնակի մակարդակով իրենց կողմնակիցներին կոչ են անում գործի դնել «դոնոսի» ինստիտուտը։
Ի՞նչ ցույց տվեց ՀՅԴ–ի հանրահավաքը (ֆոտոշարք)

Ի՞նչ ցույց տվեց ՀՅԴ–ի հանրահավաքը (ֆոտոշարք)

Մայիս 24, 2019 00:10 Հետհեղափոխական Հայաստանում առաջին անգամ Նիկոլի «փողոցային» մենաշնորհը կոտրվեց։ Եվ սա դեռ սկիզբն է։
Հայաստանը «ԶԱՍվեց». Փաշինյանի հերթական ձախողումը

Հայաստանը «ԶԱՍվեց». Փաշինյանի հերթական ձախողումը

Մայիս 23, 2019 10:45 Բայց դե, կարևորը՝ «դուխո՛վ», ժողովո՛ւրդ ջան, դուխո՜վ։
Դեղին քարտ` Փաշինյանին ու իր թրաշամանուկներին

Դեղին քարտ` Փաշինյանին ու իր թրաշամանուկներին

Մայիս 23, 2019 10:20 Եվրոպական հանրությունը բավական կոշտ և աներկբա արձագանքեց «փողոցը» դատարանների վրա քսի տալու արկածախնդիր նախաձեռնությանը։
«Հեղափոխական Հայաստանի» 2 ամիսն ու 2  թիվը

«Հեղափոխական Հայաստանի» 2 ամիսն ու 2 թիվը

Մայիս 22, 2019 21:50 Ի՞նչ տեղի ունեցավ այս 2 ամսվա ընթացքում, և ինչո՞ւ է 2 թվին հաջորդել 2-ը։
Վահան Բադասյանը՝ Նիկոլ Փաշինյանի հակապետական «քասթինգի» մասնակից (տեսանյութ)

Վահան Բադասյանը՝ Նիկոլ Փաշինյանի հակապետական «քասթինգի» մասնակից (տեսանյութ)

Մայիս 21, 2019 14:25 Փաշինյանն Ադրբեջանում ոգևորություն է առաջացրել, և հիմա այնտեղ քննարկվում է Արցախի վրա կայծակնային հարձակում իրականացնելու հնարավորությունը:
«Ժողովրդի» սրտի դատախազը (տեսանյութ)

«Ժողովրդի» սրտի դատախազը (տեսանյութ)

Մայիս 21, 2019 13:40 Սիրուց մինչև ատելություն և հակառակ ուղղությամբ ընդամենը մեկ «Մարտի 1»-ի գործ է:
«Ծերուկն» անտանելի է դառնում

«Ծերուկն» անտանելի է դառնում

Մայիս 21, 2019 09:45 Իր անփառունակ կառավարումը երկարաձգելու միակ շանսը սահմանադրական կարգն անշրջելիորեն տապալելն է։
Նիկոլ Փաշինյանի ինքնախոստովանական ցուցմունքը

Նիկոլ Փաշինյանի ինքնախոստովանական ցուցմունքը

Մայիս 20, 2019 13:50 Քա՛յլ արա, մերժի՛ր թուրքին։
Ում արածներն է կրկնում Նիկոլ Փաշինյանը

Ում արածներն է կրկնում Նիկոլ Փաշինյանը

Մայիս 20, 2019 11:20 Ռոբերտ Քոչարյանի հետ կապված դատարանի որոշումն ընդամենը առիթ էր Փաշինյանի համար։
Փողոցային «արդարադատություն» (տեսանյութ)

Փողոցային «արդարադատություն» (տեսանյութ)

Մայիս 19, 2019 12:35 Եթե Նիկոլ Փաշինյանին թվում է, որ հասարակությանը՝ ամբոխ, իսկ ամբոխին՝ ոհմակ սարքելու արդյունքում ինքը շահելու է, ապա չարաչար սխալվում է։
Սահակյանը և Ղուկասյանը չէին կարող ձեռքերը լվանալ ու մի կողմ քաշվել

Սահակյանը և Ղուկասյանը չէին կարող ձեռքերը լվանալ ու մի կողմ քաշվել

Մայիս 18, 2019 08:14 Քոչարյանը «փախուստի դիմող» չէ. ազատության մեջ մնալով` չի փորձի խոչընդոտել արդարադատությանը, ինչպես ժամանակին` Նիկոլը և Վանոն։
Նիկոլ Փաշինյանի «քուանշը» Արթուր Դավթյանը սրել է (տեսանյութ)

Նիկոլ Փաշինյանի «քուանշը» Արթուր Դավթյանը սրել է (տեսանյութ)

Մայիս 17, 2019 18:10 Նիկոլ Փաշինյանի համար Արթուր Դավթյանն այժմ Քոչարյանի «գործով» նրա գլխավոր ներկայացուցիչն ու հույսն է դատարանում:
«TV 5»-ի սեփականատեր Արմեն Թավադյանի դեմ գործ է հարուցվում

«TV 5»-ի սեփականատեր Արմեն Թավադյանի դեմ գործ է հարուցվում

Մայիս 17, 2019 17:15 Սա ամբողջությամբ տեղավորվում է Նիկոլ Փաշինյանի՝ իր կողմից չվերահսկվող լրատվամիջոցների դեմ արշավ սկսելու անթաքույց ցանկության շրջանակներում:
Տիգրան Ավինյանն՝ ընդդեմ իշխանական քարոզչամեքենայի (տեսանյութ)

Տիգրան Ավինյանն՝ ընդդեմ իշխանական քարոզչամեքենայի (տեսանյութ)

Մայիս 17, 2019 13:40 Ռոբերտ Քոչարյանի «գործն» աննախադեպ է բոլոր առումներով։ Այն ամբողջությամբ քաղաքական է։ Իրավական մասը «ջուր» է և կողմնակալ։
Պատային իրավիճակ. ի՞նչ անել, երբ «քայլելու» տեղ չունես

Պատային իրավիճակ. ի՞նչ անել, երբ «քայլելու» տեղ չունես

Մայիս 16, 2019 17:20 Ստեղծված «ոչ կոնվենցիոնալ» իրավիճակում Փաշինյանը դեմքը փրկելու մի՛ տարբերակ ունի ...
Արմեն Սարգսյանի հրապարակային երկրորդ «ապտակը» Նիկոլ Փաշինյանին

Արմեն Սարգսյանի հրապարակային երկրորդ «ապտակը» Նիկոլ Փաշինյանին

Մայիս 16, 2019 16:00 Սարգսյանն ընդառաջ չգնաց Փաշինյանի «կապրիզներին»: Ո՞վ կհաղթի նյարդերի այս պատերազմում:

Երկրորդ փուլի ցինիզմը

Մայիս 27, 2019 11:49