Մեկնաբանություն

Մայիս 13, 2019 21:15

Երբ կոնֆլիկտի կողմերից մեկը դատում է մյուսին

Երբ կոնֆլիկտի կողմերից մեկը դատում է մյուսին

Եվ այսպես, մեկնարկեց «դարի դատավարությունը»` Երեւանի ընդհանուր իրավասության դատարանը՝ Դավիթ Գրիգորյանի նախագահությամբ, սկսեց Ռոբերտ Քոչարյանի վրա սպիտակ թելերով կարված «գործի» քննությունը։

Որպես առաջին քայլ` գլխավոր դատախազի մակարդակով գովազդված «աննախադեպ շոուի» սկիզբ, դատարանը քննում է պաշտպանական կողմի միջնորդությունը Ռոբերտ Քոչարյանի նկատմամբ ընտրված ճչացող անարդարության փաստը` կալանքը վերացնելու վերաբերյալ։

Իրականում որոշվում է, թե վարչապետի պաշտոնն զբաղեցնող անձը որքանո՞վ հաստատակամ է երկրորդ նախագահի հանդեպ քաղաքական հաշվեհարդարը շարունակելու եւ «հաղթական ավարտին» հասցնելու իր մտասեւեռման մեջ։ Դրանից եւ միայն դրանից է կախված` դատարանը հաշվի կառնի՞ Քոչարյանի խափանման միջոցը վերացնելու բազմաթիվ փաստարկներին՝ ի լրումն ի հայտ եկած նոր հանգամանքի հետ. ՍԴ որոշումը, որից հետեւում է, որ Վճռաբեկ դատարանն սխալ էր, Քոչարյանի փաստաբանները`ճիշտ, երբ ասում էին, որ Վճռաբեկ դատարանն իրավունք չուներ խուսափել կալանքը փոխել-չփոխելու վերաբերյալ որոշում կայացնելու պատասխանատվությունից`պարտավոր էր հարցին վերջնական լուծում տալ։

Սա նշանակում է, որ Վերաքննիչ դատարանի որոշումը`վերստին կալանավորելու Քոչարյանին, եւ հաջորդիվ ընդունված բոլոր որոշումները` կալանքը երկարաձգելու վերաբերյալ, անօրինական են։ Այսինքն` սահմանադրական չեն եւ պետք է չեղյալ ճանաչվեն։

Անթաքույց թշնամանքը ու ատելությունը, որ ժայթքում է Փաշինյանից ամեն անգամ, երբ լրագրողները հարց են տալիս Քոչարյանի մասին, վկայում է, որ երկրորդ նախագահի նկատմամբ հաշվեհարդար` «լինչի դատաստան» տեսնելու առաջադրանքը չի փոխվել`մնում է ուժի մեջ։ Ու քանի դեռ Նիկոլը նստած է վարչապետի աթոռին (ազատ ժամանակ էլ հեծանիվ է քշում եւ խորտիկներ համտեսում), Քոչարյանը մնալու է անազատության մեջ։ Այսօրվա դատական նիստում դատավորի պահվածքն էլ ցույց տվեց` հետհեղափոխական «թավշյա» դատաիրավական համակարգի համար Սահմանադրությունը, ՍԴ որոշումները, օրենքները ոչինչ են, Նիկոլի ասածը եւ ուզածը`ամեն ինչ։

Եվ քանի որ հիմա «մոդա» է փաստերով խոսելը, ներկայացնենք մի քանի փաստ, որոնք միանշանակ ցույց են տալիս, որ Հայաստանում իշխող լեւոնանիկոլական (կամ նիկոլալեւոնական) «ռեժիմը» ո՛չ բարոյապես, ո՛չ իրավական հարթության վրա, իրավունք չուներ եւ չունի անգամ մոտ գնալու Մարտի 1-ի գործին։

Փաստ առաջին։ Ցանկացած հակամարտություն, նույնիսկ կենցաղային ցանկացած վեճ, ունի երկու կողմ։ Այս դեպքում կողմերից մեկը Մարտի 1-ի գործով ժամանակին դատված, 6 տարվա ազատազրկման դատապարտված Նիկոլ Փաշինյանն է, որի նկատմամբ կայացված դատավճիռը ոչ մեկը չի չեղարկել, եւ առնվազն առանձին վերցրած այս մեկ դրվագով սրա թիկունքին սարի պես կանգնած Տեր-Պետրոսյանը։ Բավական է ասել, որ Քոչարյանին առաջադրված մեղադրանքը գրեթե նույնությամբ կրկնում է Մարտի 1-ին նվիրված հայտնի ասուլիսւմ Տեր-Պետրոսյանի կողմից հրապարակված «մեղադրական եզրակացությունը», որին հետագայում փորձեց միս ու արյուն տալ տխրահռչակ Անդրանիկ Քոչարյանը` Ստյոպիկ Սաֆարյանի «միջինից թույլ» փաստաբան քրոջ օգնությամբ։ Այս երկուսը, նախաքննությունը դեռ չսկսված, ձեն-ձենի տված, շտապեցին գլուխ գովել, թե ամեն ինչ մեր ուզածով է գնում` ՀՔԾ-ն անում է այն, ինչի մասին գրել էինք «փաստահավաք խմբի» անունից հրապարակած մեր «զեկույցներում»։

Կոնֆլիկտի մյուս կողմը Քոչարյանն է, որը թույլ չտվեց 22 տոկոսով «հաղթած» Տեր-Պետրոսյանին ձեռքերի վրա տանել նախագահական եւ կանխեց հեղաշրջման փորձը։ Եվ հիմա կողմերից մեկը «սուպերվարչապետական» բարձ դիրքերից դատում է մյուսին։

Համաձայնեք, պետք է շատ վառ երեւակայություն ունենալ կամ մտավոր հետամնաց (խոտաբույս կամ խոտակեր) լինել հավատալու համար նման «դատաքննության» անաչառությանը։

Փաստ երկրորդ։ 2018թ. հունիսից այս կողմ, երբ Փաշինյանը հայտարարեց, թե սահմանադրական արգելքը Քոչարյանի գլխին գործ սարքելուն վնաս չէ, կոպտորեն խախտվում է նախագահի անձեռնմխելիության դրույթը. հանրապետության նախկին նախագահին կալանավորել են եւ շարունակում են հետապնդել իր սահմանադրական լիազորություններից բխող գործողությունների համար, ինչը ուղղակի հակասում է Սահմանադրությանը։

Փաստ երրորդ։ Ռոբերտ Քոչարյանին դատում են մի հոդվածով, որ ենթադրյալ «հանցագործության» պահին` 2008թ. մարտի 1-ի դրությամբ Քրեական օրենսգրքում չկար։ Խոսքը 300.1 հոդվածի մասին է, որ Ազգային ժողովը Քրեական օրենսգրքում ամրագրել է մարտմեկյան ողբերգությունից մի տարի անց`2009թ. մարտին, եւ կարող էր հետադարձ ուժ ունենալ մի դեպքում. եթե մեղմում է «հանցագործության» համար նախատեսված պատասխանատվությունը։

Այնինչ դատախազությունը տարիներ առաջ հրաժարվել է «Յոթի գործով» անցնող անձանց, այդ թվում` Փաշինյան Նիկոլին առաջադրված այդ հոդվածից, այն հիմնավորմամբ, որ դա ծանրացնում է ամբաստանյալների վիճակը։ Եվ չկա բնության մեջ որեւէ հիմնավոր փաստարկ, որը կապացուցեր հակառակը` որ այդ հոդվածի կիրառմամբ Քոչարյանը հայտնվում է ավելի բարենպաստ վիճակում, քան այն ժամանակ գործող 300 հոդվածով դատվելու դեպքում։ Հիշեցնենք, որ այդ հոդվածը (իշխանության յուրացում) երկրորդ նախագահի «հագով» չէր`չէր կարող հարմարեցվել նրան պարզ պատճառով. հնարավոր չէ յուրացնել այն, ինչի կրողն ես, ինչը արդեն իսկ քեզ է պատկանում։

Կարելի է Կաֆկայի «Դատավարությունը» հիշեցնող այս դատավարության անաչառությունը կանխավ զրոյացնող եւս 97 փաստ բերել, բայց այսքանն էլ բավական է...

Լիլիթ Պողոսյան

Այս խորագրի վերջին նյութերը

Որտե՞ղ են ամառում «բնապահպանները», կամ Ամուլսարն անկախացել է ՀՀ–ից

Որտե՞ղ են ամառում «բնապահպանները», կամ Ամուլսարն անկախացել է ՀՀ–ից

Հուլիս 15, 2019 14:30 «Բնապահպանների» դարդը ոչ թե Սևանն է, այլ կասկածելի տեղից Ամուլսարի հանքի դեմ ուղղորդվող արշավից իրենց փայը պոկելը։
Վենետիկի հանձնաժողովի դեղին քարտը Նիկոլ Փաշինյանին

Վենետիկի հանձնաժողովի դեղին քարտը Նիկոլ Փաշինյանին

Հուլիս 15, 2019 09:44 Փաշինյանին մնում է Գագիկ Ջհանգիրյանի ու Վահե Գրիգորյանի հետ ասուլիս հրավիրել ու կոչ անել շրջափակել Վենետիկի հանձնաժողովի նստավայրը։
«Նոր» Հայաստանի հին դեմքը. Գագիկ Ջհանգիրյան (տեսանյութ)

«Նոր» Հայաստանի հին դեմքը. Գագիկ Ջհանգիրյան (տեսանյութ)

Հուլիս 14, 2019 13:40 Իրական նոր Հայաստանում ջհանգիրյանները չպետք է եթերային աստղ դառնան։
Լռության գինը

Լռության գինը

Հուլիս 13, 2019 11:20 «Մամուլի ազատություն և ժողովրդավարություն» գոռալով` երկիրը վերածեցին մեկ մարդու (կամ մեկ ընտանիքի) իշխանության։
Արցախի շուրջ օղակը սեղմվում է

Արցախի շուրջ օղակը սեղմվում է

Հուլիս 12, 2019 09:55 Բանակցային գործընթացը սահուն կերպով վերադառնում է 1996-97թթ.։
Վախկոտի հոգեբանություն

Վախկոտի հոգեբանություն

Հուլիս 11, 2019 08:20 Վախեցած է լյումպենի «դուխով» վարչապետը։
Տուսկը բացահայտեց Փաշինյանի «կետը»

Տուսկը բացահայտեց Փաշինյանի «կետը»

Հուլիս 10, 2019 20:00 Նա մի կողմից հայտարարում է, որ չի բանակցում Ալիևի հետ, բայց իրականում ինտենսիվ բանակցում է։ Այսինքն՝ սուտ է խոսում։
Ստամբուլյան կոնվենցիան և քայլարածների վարքագիծը

Ստամբուլյան կոնվենցիան և քայլարածների վարքագիծը

Հուլիս 10, 2019 01:15 «Թավշյա հեղափոխություն արած հպարտ քաղաքացիների» հասարակությունը ներկայացնել որպես բռնարարների և բռնաբարների հասարակություն։
Փաշինյանի մերիտոկրատական բաժակաճառը և օխլոկրատական կառավարումը

Փաշինյանի մերիտոկրատական բաժակաճառը և օխլոկրատական կառավարումը

Հուլիս 09, 2019 11:25 Այցը տեղի է ունեցել «Տեսնեմ Սինգապուրն ու նոր մեռնեմ» ծրագրի շրջանակներում։
Երբ Սահմանադրությունը մեկնաբանում են սահմանադրի անունից

Երբ Սահմանադրությունը մեկնաբանում են սահմանադրի անունից

Հուլիս 09, 2019 08:35 Ընտրակեղծիքների «կնքահայր» Գագիկ Ջհանգիրյանը եւ բառախաղային «կռուտիտների» խոշոր մասնագետ Վահե Գրիգորյանը։
«Ռուսթավի 2»-ի լրագրողը կրկնել է Փաշինյանին. ո՞րն է ընդհանրությունը (տեսանյութ)

«Ռուսթավի 2»-ի լրագրողը կրկնել է Փաշինյանին. ո՞րն է ընդհանրությունը (տեսանյութ)

Հուլիս 08, 2019 15:10 Նիկոլ Փաշինյանը Բոլթոնին ասել է «այո» կամ առնվազն չի ասել «ոչ»:
Ինչու են «տռաս» հանել Ջհանգիրյանին (տեսանյութ)

Ինչու են «տռաս» հանել Ջհանգիրյանին (տեսանյութ)

Հուլիս 08, 2019 14:20 Ջհանգիրյանը դարձել է լևոնանիկոլական իշխանության խորհրդանիշը՝ «նոր» Հայաստանի խորհրդանիշը:
Նիկոլ Փաշինյանի նոր հենարանը

Նիկոլ Փաշինյանի նոր հենարանը

Հուլիս 08, 2019 10:45 Ոմանք մտածում էին, որ Նիկոլը հարուստներից փողերը հավաքելու է ու իրենց բաժանի։
Դարձ  ի շրջանս  յուր․ սպասենք «պատերա՞զմ, թե՞ խաղաղություն-2»-ին

Դարձ ի շրջանս յուր․ սպասենք «պատերա՞զմ, թե՞ խաղաղություն-2»-ին

Հուլիս 08, 2019 00:10 Ալիեւի հետ Փաշինյանի «տետ ա տետ» հանդիպումները եւ ԱՄՆ պետքարտուղարի օգնական Բոլթոնի հետ «կոնսուլացիաները» իզուր չեն անցել։
Փաշինյանը խոստովանել է, թե ինչու է Քոչարյանի դեմ պայքարում

Փաշինյանը խոստովանել է, թե ինչու է Քոչարյանի դեմ պայքարում

Հուլիս 06, 2019 13:30 Ինչո՞ւ են «Ազատություն» ռադիոկայանը և թուրք–ադրբեջանական լոբբինգով զբաղվող 5–րդ շարասյունը պաշտպանում Փաշինյանին։
Երկու վախը մի մահ է

Երկու վախը մի մահ է

Հուլիս 05, 2019 14:10 Սահմանադրության օրվա առթիվ տարածած շնորհավորական ուղերձը հերթական անգամ ի ցույց դրեց Փաշինյանի վախերը և վատ քողարկված մտահոգությունները։
Ջհանգիրյանը՝ Սահմանադրության կնքահայր. ընտրակեղծիքների 2 ժամը

Ջհանգիրյանը՝ Սահմանադրության կնքահայր. ընտրակեղծիքների 2 ժամը

Հուլիս 05, 2019 14:00 Սրանք են դարձել «նոր» Հայաստանի դեմքերը։
«Թավշյա» արտաքին քաղաքականության պերճանքն ու թշվառությունը

«Թավշյա» արտաքին քաղաքականության պերճանքն ու թշվառությունը

Հուլիս 05, 2019 10:35 Ընդամենը մնալու են հաճելի հուշեր մեզ համար էկզոտիկ այդ երկրներում վարչապետի ճաշակած նրբախորտիկներից։ Ոչինչ ավելի։
Բոլշևիկներից ավելի բոլշևիկ

Բոլշևիկներից ավելի բոլշևիկ

Հուլիս 04, 2019 17:50 Քայլարածներն ակնհայտորեն շտապում են։ «Թավշյա, ոչ բռնի հեղափոխության» գնացքը արդեն դուրս է եկել կառամատույցից եւ սլանում է անհայտ ուղղությամբ...
Ինչու է իշխանությունը դատի տվել «7 օրին»

Ինչու է իշխանությունը դատի տվել «7 օրին»

Հուլիս 04, 2019 11:49 Նիկոլ Փաշինյանի գիծը ենթադրում է պայքար ոչ յուրային լրատվամիջոցների դեմ։