Բոլոր գիտակից մարդիկ երեկ էլ, այսօր էլ դատապարտեցին ՀՅԴ բյուրոյի ներկայացուցիչ Հրանտ Մարգարյանի վրա կատարված հարձակումը, որի հեղինակները Ռոբերտ Քոչարյանի դեմ հանդես եկող ամբոխն էր:

Հայրենակիցներ ջան, ես զարմանում եմ ձեր զարմանքի վրա: Արդեն մեկ տարուց ավելի այդ ամբոխն աչքի է ընկնում իր ագրեսիայով, անկառավարելիությամբ, ատելությամբ և թույնով: Ամբոխ, որը չի ճանաչում մայր ու մանուկ, ծեր ու երեխա, հայհոյում է, սպառնում, հարձակվում:

Այդ լկտիությունը ամբոխին սովորեցրել է հենց ինքը՝ «փրկիչ» վարչապետ Նիկոլ Փաշինյանը:
Սովորեցրել է, որպեսզի այլոց հանդեպ ատելություն սերմանելով՝ ինքը լավ ու բարի լույսի տակ ներկայանա, ասպետի կերպարանքով ներկայանա:

Երեկ, մինչև Մարգարյանի վրա հարձակվելը, ամբոխը ջրով լի շշեր նետեց Քոչարյանի կողմնակիցների և ոստիկանների վրա, որից հետո գնաց կոտրելու Սեդրակ Քոչարյանի մեքենայի ապակիները (ինչը կանխվեց ոստիկանների կողմից), որից հետո հայհոյանքներով գնացին-փակեցին առաջին պատահած խաչմերուկը: Խաչմերուկն էլ նրանց չթողեցին փակել, ինչից հետո գազազած մարդիկ տեղափոխվեցին Ազատության հրապարակ, որտեղ էլ հարձակվեցին Հրանտ Մարգարյանի վրա:

Ինչպես տեսնում ենք, Նիկոլի Փաշինյանի ցանած ագրեսիան ու թույնը, որ այսօր ներկայանում է հրեշի տեսքով, ամեն կերպ փորձում է առարկայանալ, և դա հղի է պետության համար բազմաթիվ վտանգներով:

Նարե Գրիգորյանի ֆեյսբուքյան էջից