Մեկնաբանություն

Մայիս 23, 2019 10:20

Դեղին քարտ` Փաշինյանին ու իր թրաշամանուկներին

Դեղին քարտ` Փաշինյանին ու իր թրաշամանուկներին

Մինչ Մոսկվան լռում է` պաշտոնապես չի անդրադարձել Փաշինյանի այլեւս ճչացող անմեղսունակության վերջին պոռթկմանը (երեւի հասկացել են, որ դա անիմաստ է`դեռ փորձագետների, վերլուծաբանների մակարդակով են փորձում սրանց բա՛ն հասկացնել), եվրոպական հանրությունը բավական կոշտ եւ աներկբա արձագանքեց «փողոցը» դատարանների վրա քսի տալու արկածախնդիր նախաձեռնությանը։

Այդ առումով բնութագրական է Եվրախորհրդարանի`ԵՄ-Հայաստան խորհրդարանական գործընկերության հանձնաժողովի պատվիրակության ղեկավար Սաջադ Քարիմի արձագանքը։

Ուշագրավ է, որ միջխորհրդարանական համագործակցության հանձնաժողովի համանախագահն իր հայտարարության մեջ հստակ ֆիքսում է, թե ինչը ինչից հետո է եղել` ինչպես եւ ինչու է Փաշինյանը գնացել Սահմանադրությանն ակնհայտ հակասող այդ քայլին. «Մայիսի 18-ին Երեւանի դատարաններից մեկը՝ որպես դատական գործընթացի ելք, որոշում էր կայացրել Հայաստանի պաշտոնաթող նախագահ Ռոբերտ Քոչարյանի խափանման միջոցի փոփոխության վերաբերյալ»։ Եվ միայն դրանից հետո մտահոգություն է հայտնում «վարչապետ Նիկոլ Փաշինյանի կողմից իր աջակիցներին ուղղված կոչի կապակցությամբ` մայիսի 20-ին արգելափակել հայաստանյան բոլոր դատարանները։ Մեր մտահոգությունն ենք հայտնում նաեւ պարտադիր եւ ընդհանուր «վեթթինգ»-ի գաղափարի առնչությամբ, որը պետք է վերաբերի անխտիր բոլոր դատավորներին»։

Եվրախորհրդի արձագանքը նույն տրամաբանության մեջ է. ԵԽԽՎ Հայաստանի հարցով համազեկուցողները նույնպես փաստում են, որ Փաշինյանի կոչը հաջորդել է Ռոբերտ Քոչարյանին կալանքից ազատ արձակելու դատավորի որոշմանը (մինչդեռ վարչապետը փորձեց այնպես ներկայացնել, թե դատարանների վրա հարձակվելու հանձնարականը, մեծ հաշվով, դրա հետ կապ չուներ)` ընդգծելով. «Քաղաքական շահագրգիռ կողմերը պետք է զերծ մնան գործողություններից եւ հայտարարություններից, որոնք կարող են ընկալվել որպես ճնշում դատական իշխանության նկատմամբ»։

Եվ «մոռացկոտներին» հիշեցնում են. «Դատական իշխանության անկախությունը օրենքի գերիշխանության նախապայման է, եւ օրենքի գերիշխանությունը լավագույնս ապահովվում է քաղաքական դերակատարների որեւէ միջամտության բացակայությամբ»։

Ամերիկյան կողմի արձագանքն ավելի զուսպ էր, բայց նույնպես տարընթերցման տեղիք չի տալիս։ Այն է`Միացյալ Նահանգներն աջակցում է Հայաստանի կառավարության հռչակած դատական բարեփոխումներին, բայց ամեն ինչ պետք է լինի Սահմանադրության շրջանակներում։

Փաշինյանը երեւի կարծում էր, թե կարելի է հարցը լուծել գեղական կարգով։ Օրինակ` մեր կյանքը բառի բուն իմաստով կաթվածահար արած հետհեղափոխական վայրիվերումներին ուշի-ուշով հետեւող եվրոպական կառույցների պատասխանատուներին հատ-հատ (կամ փաթեթով) հրավիրել իր ամառանոց, Իջեւանի խոզի խորոված, խորոված սունկ կերցնել, հոնի օղի խմացնել ու լեզու գտնել հետները`սահմանադրական կարգը օրը ցերեկով տապալելու դաբրո ստանալ. չգիտեր, որ եվրոպաներում հարցերն այդպես չեն լուծվում, այլապես Ալիեւը վաղուց բոլորին առած, գրպանը դրած կլիներ։ Եվ ինչպես միշտ, սխալվեց իր հաշվարկներում։

Մեր հասարակության (ոչ թե «ժողովրդի», որի հետեւում փորձում է թաքնվել) հակազդեցությունը նմանապես բավական կոշտ էր. պետության ապագայով շահագրգիռ բոլոր կայացած ուժերը եւ անհատները (բացի քայլարածներից ու սրանց անվճար կամ վճարովի հավելվածի դերում հանդես եկող ՔՈ «կուսակցության» ակտիվիստներից ու «ծռերից»), խստորեն դատապարտեցին Փաշինյանի տիտանական մտքի գլուխգործոցը` գնահատեցին դա որպես հանցագործություն, անհեռատես քայլ, որը զրոյացնում է Սահմանադրության առաջին հոդվածում ամրագրված դրույթը՝ որ Հայաստանը իրավական պետություն է։

Սա ոչ ավել, ոչ պակաս, դեղին քարտ է արգելակներն անջատած, պետությունը քաոսի եւ անիշխանության անդունդը գլորող Փաշինյանին եւ «կամպանիային». ահազանգ, որ ժամանակն է կանգ առնել` մենք (այս խելացնորության դեմն օր առաջ առնելու կողմնակիցներս ճիշտ էինք, իրենք` սխալ, երբ ասում էինք, որ այսպես երկիր չեն կառուցում` այսպես քանդում են պետությունը եւ պետականությունը)։

Ժողովրդի անունից` ժողովրդի դեմ

Քայլարածները խիստ յուրատեսակ պատկերացումներ ունեն Սահմանադրության եւ սահմանադրականության մասին. Սահմանադրությունից առանձնացնում են մի հոդված` 2-րդ հոդվածը, ու առավոտից իրիկուն թափ տալիս ընդդիմախոսների քթի տակ` ասելով. «Հայաստանի հանրապետությունում իշխանությունը պատկանում է ժողովրդին»։ Եվ ուրեմն` «ժողովրդի դեմ խաղ չկա». ժողովուրդը ինչ ասեց, այնպես էլ կլինի։

Փաշինյանն իր աղմկահարույց հայտարարության մեջ չզլացավ հիշատակել նաեւ փոփոխության ոչ ենթակա այդ հոդվածի երկրորդ պարբերությունը, որտեղ գրված է. «Ժողովուրդն իր իշխանությունն իրականացնում է ազատ ընտրությունների, հանրաքվեների, ինչպես նաեւ Սահմանադրությամբ նախատեuված պետական եւ տեղական ինքնակառավարման մարմինների ու պաշտոնատար անձանց միջոցով»: Որից իբր հետեւում է, թե ինքը`որպես ժողովրդի 80 տոկոսի վստահությունն ունեցող կառավարության ղեկավար, կարող է, անգամ պարտավոր է խոսել ժողովրդի անունից եւ անել այն, ինչ սիրտը ուզում է։

Իրողությունն այն է, որ ՀՀ քաղաքացիների ընդամենը 45 տոկոսը մասնակցեց դեկտեմբերյան արտահերթ ընտրություններին։ Մյուսները, այլընտրանք չտեսնելով, չգնացին քվեարկության եւ փաստացի մերժեցին Փաշինյանին ու իր թմբկահարած «արժեքները»։

Երկրորդ, եւ ամենակարեւորը` ոչինչ հավերժ չէ այս երկնքի տակ։ Առավել եւս` հեղափոխական էյֆորիայի ներքո ձեւավորված «վստահության քվեն»։ Երկրում իրավիճա՛կ է փոխվել` հպարտ քաղաքացիների աչքերը բացվել են. մեծամասնությունը հասկանում է` ինչ փորձանք ենք բերել մեր գլուխը, եւ անգամ իր երբեմնի կողմնակիցների զգալի մասը երես է թեքել իրենից էլ, իր հայտարարած «բարեփոխումներից» էլ։ Այս պարագայում «80 տոկոսանոց աջակցության» մասին խոսելը պարզ մանիպուլյացիա է` աչքակապություն եւ ուղեղների լվացում։

Ստեղծված իրավիճակում Փաշինյանը երկու ճանապարհ ունի` կա՛մ խելքը գլուխը հավաքել, թեկուզ ուշացումով վերադանալ կառուցողական դաշտ, տեր կանգնել «սիրո եւ համերաշխության», «թշնամանքի եւ ատելության էջը փակելու», «վենդետտաներ չանելու» խոստումներին եւ վերջապես մտնել վարչապետի դերի մեջ, ինչքան էլ դա դժվար լինի բամբասանքի եւ զրպարտության «ոլորտում» հավասարը չունեցող նախկին լրագրողի համար, կա՛մ հեռանալ, երկիրը զերծ պահել ցնցումներից։

Կա նաեւ երրորդ տարբերակը` հանրաքվե անցկացնել եւ ստանալ ժողովրդի թույլտվությունը`խոսելու իր անունից, խելագարվելու եւ անկանոն, անկանխատեսելի շարժումներ անելու, որոնց հետեւանքները կարող են կործանարար լինել նույն ժողովրդի եւ պետության համար։

Լիլիթ Պողոսյան

Այս խորագրի վերջին նյութերը

6-րդ հիվանդասենյակում ամեն ինչ հնարավոր է...

6-րդ հիվանդասենյակում ամեն ինչ հնարավոր է...

Հունիս 22, 2019 17:50 Վերացնել դատարանները, ստեղծել հեղափոխական «խունվեյբիններից» կազմված հավատաքննիչ (ինկվիզիցիոն) մարմիններ։
Բնության քաղաքական օրենքները

Բնության քաղաքական օրենքները

Հունիս 22, 2019 12:01 Փաստորեն, այս իդիոտիզմը կարող էր լինել 2008–ին, բայց թույլ չտրվեց։ Դրա համար են էս քայլարածները դատում Ռոբերտ Քոչարյանին։
Փաշինյանի «մահապարտները»

Փաշինյանի «մահապարտները»

Հունիս 21, 2019 12:05 Դեստրուկտիվիզմի և համատեղ գործած հանցանքի վրա հիմնված իշխանական թիմն, ի վերջո, փլուզվում է առաջին իսկ թեթև հպումից։
Սադրիչը մնում է սադրիչ` բարիկադի որ կողմում էլ լինի

Սադրիչը մնում է սադրիչ` բարիկադի որ կողմում էլ լինի

Հունիս 21, 2019 11:30 Նիկոլը դարձել է վարչապետ, բայց էությունը, սադրանքների զինանոցը, ձեռագիրը չի փոխվել. մնացել է նույն «տաղանդավոր» սադրիչը, ինչ 5 տարի, 10 տարի, 15 տարի, 20 տարի առաջ։
Լևոնական Վահե Գրիգորյանի նիկոլությունը. իշխանազավթում

Լևոնական Վահե Գրիգորյանի նիկոլությունը. իշխանազավթում

Հունիս 20, 2019 18:35 Փաշինյանը փաստացի ֆաշիստական մեթոդոլոգիայով է զավթում իշխանությունը։ Փաշինյանական ֆաշիզմն առանց գաղափարախոսության է։
Դատավոր Դանիելյանն «իր բարձրության» վրա է

Դատավոր Դանիելյանն «իր բարձրության» վրա է

Հունիս 20, 2019 08:35 Եթե մեղադրողներն ասում են` մածունը սև է, ուրեմն սև է. ո՞վ է ինքը, որ նրանց ասածին «չէ» ասի։
Փաշինյանը վերակենդանացնո՞ւմ է «Փող՝ տարածքների ու բաց կոմունիկացիաների դիմաց» ծրագիրը

Փաշինյանը վերակենդանացնո՞ւմ է «Փող՝ տարածքների ու բաց կոմունիկացիաների դիմաց» ծրագիրը

Հունիս 19, 2019 18:15 Նույնիսկ խոսվում էր զիջումների դիմաց Հայաստանին տրվելիք թվի մասին՝ 5 միլիարդ դոլար։
Ոչխարը՝ կառավարությունում (տեսանյութ)

Ոչխարը՝ կառավարությունում (տեսանյութ)

Հունիս 19, 2019 17:50 Դատելով ամենից՝ կառավարության շենքը կամաց-կամաց դառնում է կենդանիների հավաքատեղի: Նկատի ունեմ շենքի դիմաց բերվող կենդանիներին:
Ինչն է միավորում ԲՀԿ–ին ու ԼՀԿ–ին

Ինչն է միավորում ԲՀԿ–ին ու ԼՀԿ–ին

Հունիս 19, 2019 11:30 Գագիկ Ծառուկյանն ու Էդմոն Մարուքյանը ճնշումների, շանտաժի կամ բնածին վախի ազդեցության տակ են «ազատ» քվեարկություն իրականացրել։
Հայաստանը «ժողովրդավարության բաստիոն» դարձնելու ամենակարճ  ճանապարհը երկրում «երկաթյա բռնապետություն» հաստատե՞լն է

Հայաստանը «ժողովրդավարության բաստիոն» դարձնելու ամենակարճ ճանապարհը երկրում «երկաթյա բռնապետություն» հաստատե՞լն է

Հունիս 19, 2019 09:27 Հանրության գիտակից հատվածը պետք է պաշտպանի սահմանադրականությունը։
Նիկոլ Փաշինյանի հետևողական հակապետականությունը

Նիկոլ Փաշինյանի հետևողական հակապետականությունը

Հունիս 18, 2019 12:36 «Թավշյա» տղաներն ու աղջիկներն այսօր իրար են ճղում «վոժդին» հավատարմության երդումներ տալու համար, բայց վաղը...
«Նոր» Հայաստան, նոր Լիսաբո՞ն

«Նոր» Հայաստան, նոր Լիսաբո՞ն

Հունիս 18, 2019 10:00 Հայաստանի վարչապետն իրենից կախված ամեն ինչ արել է և անում է` «առաջ տանելու» Արցախի միջազգային մեկուսացումը լիակատար և վերջնական դարձնելու ադրբեջանական ծրագիրը։
Էշը՝ կառավարությունում (տեսանյութ)

Էշը՝ կառավարությունում (տեսանյութ)

Հունիս 17, 2019 16:35 Չի բացառվում, որ վերջում չորքոտանիները հայտնվեն արդեն շենքի ներսում: Թեև տեսակետ կա, որ շատերն իրենց էշի տեղ դրած՝ վաղուց շենքից ներս են մտել:
Ի՞նչ ցույց տվեց ՔՊ համաժողովը

Ի՞նչ ցույց տվեց ՔՊ համաժողովը

Հունիս 17, 2019 11:40 ՔՊ ղեկավար կազմը նիկոլական «կուզովով» է և լևոնական «մատոռով»։
Երբ Արարատը լեռ չէ, և երբ «լեռը» քայլարած է

Երբ Արարատը լեռ չէ, և երբ «լեռը» քայլարած է

Հունիս 17, 2019 10:04 Անտրամաբանական ձևով «թռել» էին չամիչի գներն, ու կտրուկ իջել էր ոչխարի գինը։ Երեկ բոլորը սկսել էին յոնջա ման գալ ու փնտրել թանի բաղադրատոմսը։
ՍԴ անդամի ոչ լեգիտիմ թեկնածուն. Վահե Գրիգորյան (տեսանյութ)

ՍԴ անդամի ոչ լեգիտիմ թեկնածուն. Վահե Գրիգորյան (տեսանյութ)

Հունիս 16, 2019 08:50 Եթե հիմք ընդունենք Վահե Գրիգորյանի ու Նիկոլ Փաշինյանի հնչեցրած գնահատականները, ապա ՀՀ նախագահ Արմեն Սարգսյանը ոչ լեգիտիմ է։
«Թավշյա» իշխանության սադիստական էությունը

«Թավշյա» իշխանության սադիստական էությունը

Հունիս 15, 2019 17:40 Սիրո և հանդուրժողականության կարգախոսով իշխանության եկած «թավշյա» առաջնորդին կից կառույցները դարձել են պատժիչ գործիքներ։
Լավ, ո՞նց կարելի է այսքան փարիսեցի լինել

Լավ, ո՞նց կարելի է այսքան փարիսեցի լինել

Հունիս 15, 2019 12:05 Ժողովրդի վստահությունը կնոջ սրտի պես փոփոխական մեծություն է, և որևէ լեգիտիմություն հավերժ չէ։
Կրեմլի հերթական «մեսիջը» Փաշինյանին և Կրեմլին հերթական շանտաժը Փաշինյանից

Կրեմլի հերթական «մեսիջը» Փաշինյանին և Կրեմլին հերթական շանտաժը Փաշինյանից

Հունիս 14, 2019 17:04 Փաշինյանը, հանուն իր նեղ անձնական հաշվարկների, պատրաստ է անգամ Ռուսաստանին ռազմավարական դաշնակցից դարձնել ռազմավարական հակառակորդ:
Դատավորը դատավոր լինի` թույլ չի տա Քոչարյանի գործը էժանագին շոուի վերածել

Դատավորը դատավոր լինի` թույլ չի տա Քոչարյանի գործը էժանագին շոուի վերածել

Հունիս 14, 2019 08:46 Իշխանությունների պատրաստած սերիալը չստացվեց։ Գործն, իրոք, ջուր էր։