ՀՀ երկրորդ նախագահ Ռոբերտ Քոչարյանն այսօր հանդիպել է իր աջակիցների հետ։

Այս մասին հայտնում է Ռոբերտ Քոչարյանի ոչ պաշտոնական ֆեյսբուքյան էջը՝ հանդիպումից լուսանկարներ և տեսանյութ ներկայացնելով:

Ռոբերտ Քոչարյանը ողջունել է ներկաներին, նաև իր գիրքն է նվիրել՝ «Կյանք և ազատությունը»:

«Մոտ 10 տարի առաջ ինձ թվացել էր, թե իմ կյանքի հիմնական իրադարձություններն անցյալում են, և սպավում է շատ կանխատեսելի հանգիստ կյանքի շարունակություն, սխալվել եմ: Նաև ինձ թվացել է, թե իմ կյանքի հնարավոր և անհնարին փորձություններն անցյալում են, բայց սխալվել եմ։ Բանտը քեզ զրկում է ազատության միայն ֆիզիական իմաստից, ոչ մի բանտ քո մտքի, կամքի ազատությունը չի կարող սահմանափակել, և ճիշտ հակառակը, շատ լուրջ և նոր շարժառիթ է ձևավորում առաջ շարժվելու, պայքարելու։ Ուրախ եմ, տեսնում եմ, որ այդ պայքարը մենակ չեմ մղելու, և կա շատ ակտիվ, հետաքրքիր թիմ, որոնց հետ առաջ շարժվելու և նոր հաղթանակներ ունենալու պարտադիր ճանապարհ է լինելու։ Շնորհակալություն եմ ցանկանում հայտնել ձեզ բոլորիդ աջակցության համար»,-իր ելույթում ասել է Ռոբերտ Քոչարյանը՝ հավելելով, որ մեկ տարի առաջ չէր սպասում, որ այսքան անելիքներ կան։

7or.am