Քաղաքական

04.06.2019 15:30


«Ավելի վաղ դժվար թե հնարավոր լիներ իրականացնել». Զեյնալյանը՝ Նարեկ Սարգսյանի արտահանձնման մասին (տեսանյութ)

«Ավելի վաղ դժվար թե հնարավոր լիներ իրականացնել». Զեյնալյանը՝ Նարեկ Սարգսյանի արտահանձնման մասին (տեսանյութ)

Միջազգային պայմանագրի շրջանակներում է հանձնումն իրականացվում: Այս մասին այսօր՝ հունիսի 4-ին, ԱԺ-ում լրագրողների հետ զրույցում նշեց Արդարադատության նախարար Արտակ Զեյնալյանը՝ անդրադառնալով տեղեկությանը, որ Պրահայի քաղաքային դատարանը ՀՀ նախկին նախագահ Սերժ Սարգսյանի եղբորորդու՝ Նարեկ Սարգսյանի արտահանձնման մասին որոշում է կայացրել:

«Կարծում եմ՝ այն ընթացակարգերը, որոնք տեղի են ունեցել, այդ ժամանակից ավելի վաղ դժվար թե հնարավոր լիներ իրականացնել: Ես չգիտեմ՝ բողոքարկվելու է, թե չի բողոքարկվելու, որովհետեւ անձն ունի նաեւ դատաիրավական իրավունքներ»,-ասաց նա:

Հիշեցնենք, որ Նարեկ Սարգսյանին ձերբակալել էին Պրահայում անցած տարվա դեկտեմբերին: Փաստաթղթերի ստուգման ժամանակ նա ներկայացրել էր Գվատեմալայի քաղաքացու կեղծ անձնագիր՝ Ֆրանկլին Գոնսալես անունով:

2018 թվականի դեկտեմբերի 28-ին Նարեկ Սարգսյանի արտահանձնման մասին հարցումն ուղարկվել էր Պրահա:

37-ամյա Նարեկ Սարգսյանը նախկին պատգամավոր Ալեքսանդր Սարգսյանի որդին է: Նա 2018 թվականի ամառվանից գտնվում է միջազգային հետախուզման մեջ: Նարեկ Սարգսյանը մեղադրվում է զենքի անօրինական պահման եւ թմրանյութերի ապօրինի շրջանառության մեջ:

Աղբյուրը՝ news.am

Այս խորագրի վերջին նյութերը