Մեկնաբանություն

Հունիս 06, 2019 09:50

Իրավարար-պետականամետ նախագահ ունենք` աշխարհը չունի

Իրավարար-պետականամետ նախագահ ունենք` աշխարհը չունի

Պատմաբան, պատմական գիտությունների թեկնածու Արեգ Գալստյանը գովազդային մի «վերլուծություն» է դրել շրջանառության մեջ, որտեղ փորձում է բացել նախագահ Արմեն Սարգսյանի «ազգանվեր» գործունեության թաքուն ծալքերը. էպիտետներ չի խնայում` բնութագրելու անդեմ, անձեռագիր, անծրագիր, յուրայինների մեջ օտար, օտարների մեջ` յուրային, ոչ մի բանով աչքի չընկնող, քամելոնակերպ այդ մարդու բարեմասնությունները. է՛լ «գլոբալ մտավորական», է՛լ «հեռատես ստրատեգ», է՛լ «ազգի հայր եւ իրավարար-պետականամետ գործիչ, որն անաչառ եւ չեզոք կերպով պաշտպանում է երկիրը եւ ազգին»...

Եվ ո՛չ մի խոսք` այն մասին, թե որտե՞ղ էր այդ գլոբալ մտավորական, հեռատես ստրատեգ, ազգի հայր եւ իրավարար-պետականամետ գործիչը, երբ հանրապետության երկրորդ նախագահի գլխին չեղած տեղը գործ էին սարքում եւ կալանավորում` ցուցադրաբար անտեսելով նախագահի սահմանադրական անձեռնմխելիության դրույթը։ Ի՞նչ բանի էր, երբ Նիկոլ-վարչապետն առանց ձեւականությունների ոտնահարում էր Սահմանադրության սրբության սրբոցը. «իր բաժին» ժողովրդի հետեւում թաքնված, որոշումներ էր պարտադրում ժողովրդի առաջնային մանդատն ունեցող միակ մարմնին` իրեն «նշանակած» խորհրդարանին, ոտքի վրա`«գըմփ-գըմփ-հու»-երի ներքո, ԲՀԿ-ական ու դաշնակցական նախարարներին գործից հանելու «հրամանագիր» էր ստորագրում` չունենալով դրա իրավունքը։

Կամ` ո՞ւր էր նայում, երբ սա հրապարակավ մատ էր թափ տալիս դատավորների վրա (եւ այսօր էլ պնդում է), թե` ո՞վ է այն դատավորը, որ կարող է իմ ասածին «չէ» ասել, ամենեւին էլ ոչ «թավշյա» իր խունվեյբիններին բաց թողնում դատարանների վրա, հրահանգում շրջափակել եւ կաթվածահար անել դատական իշխանությունը` ի հեճուկս իշխանության թեւերի տարանջատման սահմանադրական նորմի։ Հեռավոր Ղազախստանից ձեռի հետ մեզ փոխանցված լղոզված ուղերձը «հանգստություն պահպանելու» մասին հաշիվ չէ։

Հրապարակման հեղինակը նման անկարեւոր «մանրուքների» մեջ չի խորանում։ Փոխարենը հիշեցնում է, թե խորհրդարանական ընտրություններից հետո նախագահն ԱԺ ամբիոնից ի՜նչ ներշնչանքով էր խոսում «զսպումների եւ հակակշիռների համակարգի ձեւավորման կարեւորության մասին»` խորապես արհամարհած ունենալով այդ ինստիտուտը։

Հիմնական մեսիջը, սակայն, այն է, թե ինչ հանճարեղ «ձիով քայլ» է արել «նախագահ-պետականամետ գործիչ Արմեն Սարգսյանը»` իրեն ոչ լեգիտիմ, «տխմարագույն ելույթ արտաբերող դեմագոգ» հռչակած Վահե Գրիգորյանին, դարձյալ ի հեճուկս օրենքի եւ օրինականության, երկրորդ անգամ առաջադրելով ՍԴ դատավորի թեկնածու։ Ինչո՞ւ «ի հեճուկս»։ Որովհետեւ օրենքն ասում է` ՍԴ թեկնածուի չընտրվելու դեպքում նախագահը «նոր թեկնածու» է առաջադրում, ոչ թե մեկ անգամ արդեն մերժված թեկնածուին փորձում «պատուհանից» մտցնել` ուր որ պետք է։

Դրանով, պարզվում է, շառաչուն ապտակ է հասցրել նույն Վահե Գրիգորյանին` ընդգծել նրա անսկզբունքային եւ անհետեւողական լինելը, քանզի սկզբունքային եւ հետեւողական լինելու դեպքում պետք է ինքնաբացարկ հայտներ` ասելով, որ ոչ լեգիտիմ նախագահի «միջնորդությամբ» պաշտոնի տեր դառնալն իր արժանապատվությունից ցածր է։ Սա, ի դեպ, միակ «կետն» է, որտեղ անհնար է չհամաձայնել հեղինակի հետ։

Մյուս կողմից, ըստ նրա, նախագահը մաստեր-կլաս է ցույց տվել «բոլոր քաղաքական եւ մերձքաղաքական խմբերին»` մատնացույց անելով նրանց երկերեսանիությունը եւ կեղծավորությունը. թե՛ իմքայլական մեծամասնության (որը, հերթով մերժելով նախորդ արժանավոր թեկնածուներին, ապացուցեց` իր համար կարեւորը ոչ թե դատավորի անձնական եւ մասնագիտական հատկանիշներն են, այլ քաղաքական մերկանտիլ շահերը), թե՛ ընդդիմադիր ուժերին, որոնք չընդվզեցին այդ արատավոր պրակտիկայի դեմ։

Այդպիսով` «շախ եւ մատ» է արել բոլոր չուզողներին, որոնք ուզում են նախագահի ինստիտուտը ներքաշել սպիտակների եւ սեւերի դիմակայության մեջ եւ իրեն օգտագործել «բռնցքամարտի տանձիկի» տեղ։

Կարելի է հարյուր խուճուճ փաստարկ բերել, թե ի՜նչ բացառիկ սկզբունքայնություն և պետականամետություն է դրսեւորում նախագահ Արմեն Սարգսյանը` ընտրելով նվազագույն դիմադրության ճանապարհը։

Բայց փաստը, որ պարզապես չի ուզում վատամարդ դառնալ, ձեւ է անում, թե չի հասկանում, որ ընտրությունը ոչ թե սեւ-սպիտակի, այլ պետական ինստիտուտները վերջնականապես ոչնչացնելու եւ այդ կործանարար ընթացքը կանխելու միջեւ է, դրանից չի փոխվում...

Լիլիթ Պողոսյան

Այս խորագրի վերջին նյութերը

Արցախը «դուխով» վարի տվողներից այլ որոշում սպասել չէր կարելի

Արցախը «դուխով» վարի տվողներից այլ որոշում սպասել չէր կարելի

Հունիս 26, 2019 10:46 Ի կատար ածել Ռոբերտ Քոչարյանին ճաղերի հետևում տեսնելու ադրբեջանական «մեծ երազանքը»։
Քոչարյանը տվեց բանաձևը. «Կոնսենսուս մինուս մեկ»

Քոչարյանը տվեց բանաձևը. «Կոնսենսուս մինուս մեկ»

Հունիս 25, 2019 15:45 Երբ ռացիոնալիզմն ու պոպուլիզմը կանգնում են դեմ–դիմաց, առաջանում է լուրջ կոնտրաստ։
Փաշինյանի հակառուսական «միտինգը» ԵԽԽՎ–ում

Փաշինյանի հակառուսական «միտինգը» ԵԽԽՎ–ում

Հունիս 25, 2019 14:20 Փաշինյանը հեռակա կարգով կռիվ է տալիս Պուտինի դեմ։
Մի հիմար քարը գցեց հորը, 40 խելոք չկարողացան հանել

Մի հիմար քարը գցեց հորը, 40 խելոք չկարողացան հանել

Հունիս 25, 2019 12:15 Օպերացիայի գլխավոր հրամանատարն, անկասկած, Նիկոլ Փաշինյանն է։
Հեղափոխության տականքները և ծափահարող խորհրդարանը

Հեղափոխության տականքները և ծափահարող խորհրդարանը

Հունիս 24, 2019 12:50 2018–ի ապրիլին փողոց փակող, նախկինը մերժող ու նոր Հայաստան պահանջող զանգվածը հաստատ չգիտեր, որ դառնալու է հնագույն Հայաստանի վերակենդանացման գործիքը։
Ի՞նչն է միավորում Փաշինյանին, Տեր–Պետրոսյանին ու «Սասնա ծռերին»

Ի՞նչն է միավորում Փաշինյանին, Տեր–Պետրոսյանին ու «Սասնա ծռերին»

Հունիս 24, 2019 12:05 Ծովից ծով ու լճից լիճ Հայաստան պահանջողները միայն ձևով են իրարից տարբերվում, իսկ ահա բովանդակությամբ նույնն են։
6-րդ հիվանդասենյակում ամեն ինչ հնարավոր է...

6-րդ հիվանդասենյակում ամեն ինչ հնարավոր է...

Հունիս 22, 2019 17:50 Վերացնել դատարանները, ստեղծել հեղափոխական «խունվեյբիններից» կազմված հավատաքննիչ (ինկվիզիցիոն) մարմիններ։
Բնության քաղաքական օրենքները

Բնության քաղաքական օրենքները

Հունիս 22, 2019 12:01 Փաստորեն, այս իդիոտիզմը կարող էր լինել 2008–ին, բայց թույլ չտրվեց։ Դրա համար են էս քայլարածները դատում Ռոբերտ Քոչարյանին։
Փաշինյանի «մահապարտները»

Փաշինյանի «մահապարտները»

Հունիս 21, 2019 12:05 Դեստրուկտիվիզմի և համատեղ գործած հանցանքի վրա հիմնված իշխանական թիմն, ի վերջո, փլուզվում է առաջին իսկ թեթև հպումից։
Սադրիչը մնում է սադրիչ` բարիկադի որ կողմում էլ լինի

Սադրիչը մնում է սադրիչ` բարիկադի որ կողմում էլ լինի

Հունիս 21, 2019 11:30 Նիկոլը դարձել է վարչապետ, բայց էությունը, սադրանքների զինանոցը, ձեռագիրը չի փոխվել. մնացել է նույն «տաղանդավոր» սադրիչը, ինչ 5 տարի, 10 տարի, 15 տարի, 20 տարի առաջ։
Լևոնական Վահե Գրիգորյանի նիկոլությունը. իշխանազավթում

Լևոնական Վահե Գրիգորյանի նիկոլությունը. իշխանազավթում

Հունիս 20, 2019 18:35 Փաշինյանը փաստացի ֆաշիստական մեթոդոլոգիայով է զավթում իշխանությունը։ Փաշինյանական ֆաշիզմն առանց գաղափարախոսության է։
Դատավոր Դանիելյանն «իր բարձրության» վրա է

Դատավոր Դանիելյանն «իր բարձրության» վրա է

Հունիս 20, 2019 08:35 Եթե մեղադրողներն ասում են` մածունը սև է, ուրեմն սև է. ո՞վ է ինքը, որ նրանց ասածին «չէ» ասի։
Փաշինյանը վերակենդանացնո՞ւմ է «Փող՝ տարածքների ու բաց կոմունիկացիաների դիմաց» ծրագիրը

Փաշինյանը վերակենդանացնո՞ւմ է «Փող՝ տարածքների ու բաց կոմունիկացիաների դիմաց» ծրագիրը

Հունիս 19, 2019 18:15 Նույնիսկ խոսվում էր զիջումների դիմաց Հայաստանին տրվելիք թվի մասին՝ 5 միլիարդ դոլար։
Ոչխարը՝ կառավարությունում (տեսանյութ)

Ոչխարը՝ կառավարությունում (տեսանյութ)

Հունիս 19, 2019 17:50 Դատելով ամենից՝ կառավարության շենքը կամաց-կամաց դառնում է կենդանիների հավաքատեղի: Նկատի ունեմ շենքի դիմաց բերվող կենդանիներին:
Ինչն է միավորում ԲՀԿ–ին ու ԼՀԿ–ին

Ինչն է միավորում ԲՀԿ–ին ու ԼՀԿ–ին

Հունիս 19, 2019 11:30 Գագիկ Ծառուկյանն ու Էդմոն Մարուքյանը ճնշումների, շանտաժի կամ բնածին վախի ազդեցության տակ են «ազատ» քվեարկություն իրականացրել։
Հայաստանը «ժողովրդավարության բաստիոն» դարձնելու ամենակարճ  ճանապարհը երկրում «երկաթյա բռնապետություն» հաստատե՞լն է

Հայաստանը «ժողովրդավարության բաստիոն» դարձնելու ամենակարճ ճանապարհը երկրում «երկաթյա բռնապետություն» հաստատե՞լն է

Հունիս 19, 2019 09:27 Հանրության գիտակից հատվածը պետք է պաշտպանի սահմանադրականությունը։
Նիկոլ Փաշինյանի հետևողական հակապետականությունը

Նիկոլ Փաշինյանի հետևողական հակապետականությունը

Հունիս 18, 2019 12:36 «Թավշյա» տղաներն ու աղջիկներն այսօր իրար են ճղում «վոժդին» հավատարմության երդումներ տալու համար, բայց վաղը...
«Նոր» Հայաստան, նոր Լիսաբո՞ն

«Նոր» Հայաստան, նոր Լիսաբո՞ն

Հունիս 18, 2019 10:00 Հայաստանի վարչապետն իրենից կախված ամեն ինչ արել է և անում է` «առաջ տանելու» Արցախի միջազգային մեկուսացումը լիակատար և վերջնական դարձնելու ադրբեջանական ծրագիրը։
Էշը՝ կառավարությունում (տեսանյութ)

Էշը՝ կառավարությունում (տեսանյութ)

Հունիս 17, 2019 16:35 Չի բացառվում, որ վերջում չորքոտանիները հայտնվեն արդեն շենքի ներսում: Թեև տեսակետ կա, որ շատերն իրենց էշի տեղ դրած՝ վաղուց շենքից ներս են մտել:
Ի՞նչ ցույց տվեց ՔՊ համաժողովը

Ի՞նչ ցույց տվեց ՔՊ համաժողովը

Հունիս 17, 2019 11:40 ՔՊ ղեկավար կազմը նիկոլական «կուզովով» է և լևոնական «մատոռով»։