Քաղաքական

10.06.2019 20:05


Ատելության խոսքի և բռնության կոչերի սահմանափակման մասին խոսում է այն ուժը, որը դրանց նախաձեռնողն է. Աղասի Ենոքյան

Ատելության խոսքի և բռնության կոչերի սահմանափակման մասին խոսում է այն ուժը, որը դրանց նախաձեռնողն է. Աղասի Ենոքյան

Ես կարծում եմ, որ մեդիա դաշտը գնում է ավելի շատ սև ու սպիտակի բաժանման, առճակատման: Այս մասին մամուլի ասուլիսին ասաց «Մեդիա պաշտպան» նախաձեռնության ղեկավար Աղասի Ենոքյանը՝ ներկայացնելով ՀՀ-ում մամուլի ազատության դեմ նոր մարտահրավերները:

«Այն պայքարը, որ մենք տեսնում ենք քաղաքականության մեջ, ավելի վառ է արտահայտվում լրատվամիջոցներում: Իշխանությունները, որոնք որ մեծ հաշվով, լրջորեն օգտագործելով ֆեյսբուքի գործիքը, եկան իշխանության, հիմա ֆեյսբուքում թուլանում են: Եթե տեսնում եք, այդ լայքերի քանակը հասել է մի կետի, և կարծում եմ, որ իշխանությունները դա նույնպես հասկանում են»,-ասաց նա:

Աղասի Ենոքյանը նշեց, որ երկրորդ խնդիրը «ֆեյքերի», «ստատուսչիների» քննարկումների բովանդակության բացակայությունն է, և ամբողջը անձնական հարձակումներ են, աղոթքներ ու անեծքներ են: «Սա ֆեյքերի կրեատիվության պակասն է, որը, կարծում եմ, որ դժվար կլինի վերականգնել: Հայհոյելով խոսացողներն էլ` փորձում են փոխել իրենց բառապաշարը, քանի որ հայհոյանքը չի աշխատում արդեն, այսինքն` այս առումով ֆեյսբուքի կողմից իշխանություններին ուղղված օժանդակությունը գնում է անկման»,-ասաց նա:

Նախաձեռնության ղեկավարը նշեց, որ առաջիկայում մեդիան սահմանափակվելու է ֆեյսբուքում, ստատուսները ավելի շատ խմբերով են լինելու, և ֆեյքերի աշխատանքը ավելի է դժվարանալու: «Իշխանությունները սա շատ լավ հասկանում են, և կրկին սլաքները ուղղելու են մամուլի դեմ: Նրանք ցանկանում են տոտալ վերահսկողություն: Հիմա նոր հարձակում է նախապատրաստվում, որի մասին նույնիսկ հայտարարվել է: Ատելության խոսքի և բռնության կոչերի սահմանափակման մասին խոսում է այն քաղաքական ուժը, որը դրանց նախաձեռնողն է: Ընդհանրապես սա բնության օրենքներից է, երբ բռնության կոչեր անողները խոսում են բռնության կոչերի սահմանափակումից, նշանակում է, որ նոր բռնություն է նախապատրաստվում»,-ասաց նա:

Ըստ Աղասի Ենոքյանի` անցումային արդարադատությունը երկու նպատակ ունի. առաջինը Քոչարյանին նստեցնելը և երկրորդ` սեփականության տեղաբաշխումներ, և դա վերաբերում է մամուլին: Նա կարծում է, որ եղած հեռուստաընկերությունները պարզապես կխլեն:

Ինչ վերաբերում է «սևազգեստների» դեմ պայքարին, նա ասաց, որ դա ի սկզբանե «ադեկվադներին» էր ուղղված և թեև նրանք լայն զանգվածներ չեն ներառում, բայց նրանց քննադատությունը, կարծես, նյարդայնացնում է իշխանություններին:

Աղբյուրը՝ Tert.am

Այս խորագրի վերջին նյութերը