Քաղաքական

19.06.2019 14:35


Ռուստամ Բադասյանը նշանակվեց ՀՀ արդարադատության նախարար

Ռուստամ Բադասյանը նշանակվեց ՀՀ արդարադատության նախարար

Հիմք ընդունելով վարչապետի առաջարկությունը՝ Հայաստանի Հանրապետության նախագահ Արմեն Սարգսյանը հրամանագիր է ստորագրել Ռուստամ Բադասյանին արդարադատության նախարար նշանակելու մասին: Այս մասին հայտնում են ՀՀ նախագահի աշխատակազմի հասարակայնության հետ կապերի վարչությունից:

Բադասյանը զբաղեցնում էր ՀՀ ՊԵԿ նախագահի տեղակալի պաշտոնը:

Հիշեցնենք, որ «Բաց հասարակության հիմնադրամներ Հայաստան» կազմակերպության գրասենյակի դիմաց օրերս բողոքի ակցիա իրականացնող ՎԵՏՕ նախաձեռնության հիմնադիր Նարեկ Մալյանը պնդում էր, որ Սորոսի գրասենյակից պարտադրվում է Հայաստանի իշխանությանը՝ արդարադատության նախարար նշանակել Ռուստամ Բադասյանին։

«Վերջինն իր վրա պարտավորություն է վերցրել քայքայել ու կործանել Հայաստանի հասարակության բոլոր առողջ տարրերը, Հայաստանի հասարակության մեջ սերմանել երկպառակություն և մարդկանց հանել իրար դեմ։ Նա վերջերս մոդայիկ դարձած հայտնի բառի՝ վեթթինգի ջատագովներից է»,-հայտարարում էր Մալյանը։

7or.am

Այս խորագրի վերջին նյութերը