Մեկնաբանություն

Հուլիս 03, 2019 10:20

Գոնե դուք ձեր գրածներին հավատո՞ւմ եք

Գոնե դուք ձեր գրածներին հավատո՞ւմ եք

Տեր եւ տիկին Փաշինյանները մտածել, մտածել ու գտել են արցախյան ազատամարտի «հետեւանքները» վերացնելու` Արցախը եւ «հարակից հողերը» փողի եւ (կամ) բաց կոմունիկացիաների դիմաց հանձնելու Բոլթոնյան ծրագրի շուրջ բանակցելու վերաբերյալ կասկածների եւ մեղադրանքների տակից դուրս գալու ձեւը։

Սրանց ընտանեկան թերթը «Ադրբեջանը մտահոգված է Հայաստանում ընթացող զարգացումներից. նախկիններին աջակցելու խնամքով թաքցված ցանկությունը» վերնագրով մի հոդված է հրապարակել, որտեղ ջանում է ապացուցել, որ մածունը սեւ է, սեւը`սպիտակ։

Օրինակ։ Եթե ադրբեջանական լրատվամիջոցներն ուրախությունից թռչկոտում են եւ շնորհավորում իրար «ռազմական հանցագործ» Քոչարյանի (լավ է` գոնե «ռազմական հանցագործը» չակերտների մեջ են առել) հերթական անգամ բանտում հայտնվելու առթիվ, ապա դա մի բան է նշանակում. որ առերեւույթ հիանալով այդ հարցում Նիկոլի դրսեւորած նախանձելի համառությամբ, իրականում թիկունքից խփում են Նիկոլին, տակից` «խնամքով աջակցում» նախկիններին։

Եթե այդպես է` Փաշինյանի «վեցնոցներն» ինչո՞ւ էին հրճվանքով արձանագրում, որ «մեր վարչապետը» ադրբեջանական մամուլի սիրելին է` ավելի շատ է լուսաբանվում, քան Ալիեւը`սատանան գիտի։

Շարունակելով բացահայտ սուտը ներկայացնել որպես 100 տոկոսանոց ճշմարտություն, թերթը հույժ սենսացիոն «բացահայտում» է անում. «Իրականությունն այն է, որ ադրբեջանցիները ոչ թե ոգեւորված են, այլ մտահոգված Հայաստանում ընթացող զարգացումներից: Որովհետեւ նրանք նույնպես գիտեն, որ ցանկացած պետություն նախ ներսից է քայքայվում եւ ապա միայն փլուզվում արտաքին հարվածներից, ու տարիներ շարունակ հենց դրան էլ համբերատար սպասում էին: Իսկ հիմա Հայաստանի ներքին քայքայման գործընթացը կասեցվել է, ու դա նրանց լրջորեն մտահոգել է: Այստեղից էլ` նախկիններին աջակցելու խնամքով թաքցված ցանկությունն ու այդ հարցում մեր «արմատական ընդդիմության» հետ շահերի համընկնումը»:

Այսինքն`այն, որ Փաշինյանը «վիզ դրած» պառակտում է հասարակությունը, սեւ-սպիտակի բաժանում, սեպ խրում Հայաստանի եւ Արցախի միջեւ, Արցախում «դավադիրներ» փնտրում, պետությունը «ներսից քայքայել» չէ` «ներքին քայքայման գործընթացը կասեցնել» է, ինչից ադրբեջանցիները մահու չափ վախեցել ու «խիստ մտահոգվել» են` քիչ է մնում երդվեն Նիկոլի արեւով։ Իսկ «արմատական ընդդիմությունը», որը քննադատում է Նիկոլին Հայաստանը ներսից բզկտելու, Հայաստան-Արցախ միասնությունն ականապատելու համար, ադրբեջանցիների «բնական դաշնակիցն» է։

«Վարչապետական» զույգի քարոզչական հրետանին, այսքանը քիչ համարելով, անցնում է «պատերազմի հերոսների» վրայով եւ ներկայացնում հերոսի իր «տեսլականը». «Ղարաբաղյան պատերազմի գլխավոր հերոսը հայ ժողովուրդն է, եւ այս հարցում երկու կարծիք լինել չի կարող: Եվ այդ գլխավոր հերոսը մերժել է Ռոբերտ Քոչարյանին էլ, Սերժ Սարգսյանին էլ»: Քանի որ ժողովուրդ ասելով` հասկանում ենք Նիկոլ Փաշինյան, Նիկոլ Փաշինյան ասելով` հասկանում ենք ժողովուրդ, սա նշանակում է, որ Ղարաբաղյան պատերազմի գլխավոր հերոսը նույն ինքը` զինվորական ծառայության երես չտեսած Նիկոլ Փաշինյանն է եւ իր մանկլավիկները։

Իսկ ամենահետաքրքիրը` «դեսերտը», վերջում է։ «Ինչպե՞ս է պատահել, օրինակ, որ իրենց` «պատերազմի հերոսների» ղեկավարման տարիներին Հայաստանից արտագաղթել է երեք անգամ ավելի շատ մարդ, քան Արցախի բնակչությունն է»,-հարց է տալիս հոդվածագիրը՝ հեռատեսորեն շրջանցելով, որ 2008-2018թթ. արտագաղթը մարդկային արտահոսքը մի քանի անգամ գերազանցող ժողովրդագրական ամենամեծ աղետը տեղի է ունեցել Փաշինյանի կնքահայր Տեր-Պետրոսյանի կառավարման ժամանակ`ՀՀՇ-ական ալան-թալանի տարիներին։

Ինչ վերաբերում է այսօր փակի տակ գտնվող Ռոբերտ Քոչարյանին, ապա նրա տասնամյա կառավարման արդյունքում արտագաղթը կանգնել է, դեռ մի բան էլ ներգաղթ է արձանագրվել։

Ի վերջո, վիճակագրություն կա, բան կա. կարող են բացել կառավարության տեղեկագրերը եւ սեփական աչքով տեսնել այն, ինչը համառորեն չեն ուզում տեսնել...

Լիլիթ Պողոսյան

Այս խորագրի վերջին նյութերը

Փաշինյանն՝ ըստ Ֆրեյդի, Թամրազյանն՝ ինչպես միշտ

Փաշինյանն՝ ըստ Ֆրեյդի, Թամրազյանն՝ ինչպես միշտ

Հուլիս 18, 2019 14:05 Նիկոլը պատրաստ է ատամներով և տանկերով պահել պետության ու ՀՀ քաղաքացիների հաշվին սպասարակվող հաճույքները։
Իջևանի անկախացումը. ինչպես կանխել պետության վախճանը

Իջևանի անկախացումը. ինչպես կանխել պետության վախճանը

Հուլիս 18, 2019 12:05 Նիկոլ Փաշինյանը հարցազրույց էր տալիս «շոպլիկության» ակադեմիկոս ու քծնողական ոճով աշխատող, մշտաժպիտ Հրայր Թամրազյանին։
Տոնական օրերի խեղաթյուրված պատկերացում

Տոնական օրերի խեղաթյուրված պատկերացում

Հուլիս 18, 2019 00:45 Նույն հաջողությամբ կարելի էր Մարտի 1-ը հանել սգո օրերի ցուցակից և Հոկտեմբերի 27-ի հետ միասին ներառել Հայաստանի պաշտոնական տոնացույցում։
Հիմա էլ հերթը հասավ Վարդան Պողոսյանին

Հիմա էլ հերթը հասավ Վարդան Պողոսյանին

Հուլիս 17, 2019 09:00 Պետք եղավ` Վարդան Պողոսյանի «բարեվարքությունն» էլ կստուգեն, հետ կկանչեն և իրենց մարդուն (օրինակ, Ջհանգիրյանին) կգործուղեն Վենետիկ։
Վենետի՜կ, Վենետի՜կ. մեզ Վիետնամում էլ վատ չէին կերակրում (տեսանյութ)

Վենետի՜կ, Վենետի՜կ. մեզ Վիետնամում էլ վատ չէին կերակրում (տեսանյութ)

Հուլիս 16, 2019 11:50 Փաշինյանը դեռ լուռ է։ Տնեցիներն էլ են լուռ։ Անգամ օրիորդ Փաշինյանը չի արձագանքել Վենետիկի հանձնաժողովից դուրս եկած փաստաթղթին։
Մենք ճիշտ էինք, Նիկոլը` սխալ

Մենք ճիշտ էինք, Նիկոլը` սխալ

Հուլիս 16, 2019 10:30 Քայլարածներին թվում էր` ծովը ծնկներից է. ժողովրդի անունից ինչ ուզեն` կանեն։
Փաշինյանը փոխեց բանակցային ձևաչափը... Ադրբեջանի օգտին

Փաշինյանը փոխեց բանակցային ձևաչափը... Ադրբեջանի օգտին

Հուլիս 15, 2019 20:40 «Արցախի ադրբեջանական համայնքը» դառնում է բանակցությունների լիարժեք սուբյեկտ:
Որտե՞ղ են ամառում «բնապահպանները», կամ Ամուլսարն անկախացել է ՀՀ–ից

Որտե՞ղ են ամառում «բնապահպանները», կամ Ամուլսարն անկախացել է ՀՀ–ից

Հուլիս 15, 2019 14:30 «Բնապահպանների» դարդը ոչ թե Սևանն է, այլ կասկածելի տեղից Ամուլսարի հանքի դեմ ուղղորդվող արշավից իրենց փայը պոկելը։
Վենետիկի հանձնաժողովի դեղին քարտը Նիկոլ Փաշինյանին

Վենետիկի հանձնաժողովի դեղին քարտը Նիկոլ Փաշինյանին

Հուլիս 15, 2019 09:44 Փաշինյանին մնում է Գագիկ Ջհանգիրյանի ու Վահե Գրիգորյանի հետ ասուլիս հրավիրել ու կոչ անել շրջափակել Վենետիկի հանձնաժողովի նստավայրը։
«Նոր» Հայաստանի հին դեմքը. Գագիկ Ջհանգիրյան (տեսանյութ)

«Նոր» Հայաստանի հին դեմքը. Գագիկ Ջհանգիրյան (տեսանյութ)

Հուլիս 14, 2019 13:40 Իրական նոր Հայաստանում ջհանգիրյանները չպետք է եթերային աստղ դառնան։
Լռության գինը

Լռության գինը

Հուլիս 13, 2019 11:20 «Մամուլի ազատություն և ժողովրդավարություն» գոռալով` երկիրը վերածեցին մեկ մարդու (կամ մեկ ընտանիքի) իշխանության։
Արցախի շուրջ օղակը սեղմվում է

Արցախի շուրջ օղակը սեղմվում է

Հուլիս 12, 2019 09:55 Բանակցային գործընթացը սահուն կերպով վերադառնում է 1996-97թթ.։
Վախկոտի հոգեբանություն

Վախկոտի հոգեբանություն

Հուլիս 11, 2019 08:20 Վախեցած է լյումպենի «դուխով» վարչապետը։
Տուսկը բացահայտեց Փաշինյանի «կետը»

Տուսկը բացահայտեց Փաշինյանի «կետը»

Հուլիս 10, 2019 20:00 Նա մի կողմից հայտարարում է, որ չի բանակցում Ալիևի հետ, բայց իրականում ինտենսիվ բանակցում է։ Այսինքն՝ սուտ է խոսում։
Ստամբուլյան կոնվենցիան և քայլարածների վարքագիծը

Ստամբուլյան կոնվենցիան և քայլարածների վարքագիծը

Հուլիս 10, 2019 01:15 «Թավշյա հեղափոխություն արած հպարտ քաղաքացիների» հասարակությունը ներկայացնել որպես բռնարարների և բռնաբարների հասարակություն։
Փաշինյանի մերիտոկրատական բաժակաճառը և օխլոկրատական կառավարումը

Փաշինյանի մերիտոկրատական բաժակաճառը և օխլոկրատական կառավարումը

Հուլիս 09, 2019 11:25 Այցը տեղի է ունեցել «Տեսնեմ Սինգապուրն ու նոր մեռնեմ» ծրագրի շրջանակներում։
Երբ Սահմանադրությունը մեկնաբանում են սահմանադրի անունից

Երբ Սահմանադրությունը մեկնաբանում են սահմանադրի անունից

Հուլիս 09, 2019 08:35 Ընտրակեղծիքների «կնքահայր» Գագիկ Ջհանգիրյանը եւ բառախաղային «կռուտիտների» խոշոր մասնագետ Վահե Գրիգորյանը։
«Ռուսթավի 2»-ի լրագրողը կրկնել է Փաշինյանին. ո՞րն է ընդհանրությունը (տեսանյութ)

«Ռուսթավի 2»-ի լրագրողը կրկնել է Փաշինյանին. ո՞րն է ընդհանրությունը (տեսանյութ)

Հուլիս 08, 2019 15:10 Նիկոլ Փաշինյանը Բոլթոնին ասել է «այո» կամ առնվազն չի ասել «ոչ»:
Ինչու են «տռաս» հանել Ջհանգիրյանին (տեսանյութ)

Ինչու են «տռաս» հանել Ջհանգիրյանին (տեսանյութ)

Հուլիս 08, 2019 14:20 Ջհանգիրյանը դարձել է լևոնանիկոլական իշխանության խորհրդանիշը՝ «նոր» Հայաստանի խորհրդանիշը:
Նիկոլ Փաշինյանի նոր հենարանը

Նիկոլ Փաշինյանի նոր հենարանը

Հուլիս 08, 2019 10:45 Ոմանք մտածում էին, որ Նիկոլը հարուստներից փողերը հավաքելու է ու իրենց բաժանի։

ԲԴԽ–ն նոր նախագահ ունի

Հուլիս 19, 2019 14:30