Տնտեսական

Հուլիս 03, 2019 12:45

«Ո՞նց կարելի է առաջ գնալ, երբ սեփականության իրավունքը բռնաբարվում է». Բոստանջյան

«Ո՞նց կարելի է առաջ գնալ, երբ սեփականության իրավունքը բռնաբարվում է». Բոստանջյան

Տնտեսության մեջ տխուր իրավիճակ է. փայլուն իրավիճակ նկարագրելու համար շեշտադրվում է տնտեսական ակտիվության ցուցանիշը, ինչը կվազի ցուցանիշ է, որը քիչ կապ ունի տնտեսական զարգացման հետ: Այս մասին այսօր՝ հուլիսի 3-ին, լրագրողների հետ հանդիպման ժամանակ նշել է ԱԺ նախկին պատգամավոր, տնտեսագետ Վարդան Բոստանջյանը:

«Բացի սելֆիներից եւ սեռաապականացումից, հիմնական զանգվածը, որն աջակցեց հեղափոխությանը, ըստ էության, ակտիվորեն զբաղված է շահումով խաղերով եւ զվարճանքներով: Այդ ինստիտուտները կեղծ ֆինանսական հոսքեր են ստեղծում, եւ տպավորություն է ստեղծվում, որ նախորդ ժամանակարշջանի համեմատ՝ ակտիվ ենք, բայց այդ ակտիվությունը սիզիփոսյան, անհեռանկար, անօգուտ աշխատանք է»,-ասաց նա:

Բոստանջյանը նկատեց, որ, օրինակ, Հոնկոնգի արտահանման 56 տոկոսը բարձր տեխնոլոգիաներն են, իսկ Հայաստանում առանց այդ էլ փոքր արտահանման ծավալի մեջ այդ ոլորտը կազմում է 0,19 տոկոս:

Ինչ վերաբերում է նվազագույն աշխատավարձը 55 հազարից 68 հազար դարձնելու նախաձեռնությանը, տնտեսագետը նշեց. «Մենք իրավունք չունենք կետային, մակերեսային մոտեցումներ հանդես բերել տնտեսական զարգացման վերաբերյալ: Մենք ունենք ոչ արդիական տնտեսություն, մենք կարիք ունենք ճակատային փոփոխությունների»:

Ըստ բանախոսի՝ ներդրումները տնտեսության մեջ ամենաբարդ գործընթացն են, այստեղ ռիսկերը չափազանց մեծ են: Ներդրումների ոլորտում կա ժամանակային լագ, ներդրողը ֆինանսներ է դնում որոշակի ժամանակ հետո շահույթի ակնկալիքով. «Եթե նա հասկանում է, որ այդպիսի ակնկալիք չի կարող ունենալ, որեւէ մեկը ներդրումային գործունեությամբ չի զբաղվի: Ներդրումների համար իրավական, ինստիտուցիոնալ, կուռ ու անհողդողդ հիմքեր են պետք, որոնք չեն տատանվում: Դրան պետք է գումարվեն ընդգծված պետական, օրենքով սահմանված երաշխիքները: Մեր հայ մարդը վախվորած է ներդրումային գործունեություն իրականացնելիս, օտար մարդը գալու է էստեղ ներդրո՞ւմ անի»,-ասաց Բոստանջյանը:

Նա նկատեց, որ, օրինակ, 2018-ի առաջին եռամսյակում 95 մլն դոլարի օտարերկրյա ուղղակի ներդրումներ են եղել, իսկ 2019-ի առաջին եռամսյակում՝ 34,4 մլն դոլարի.

«Գրեթե երեք անգամ պակաս է, այսինքն՝ այս ոլորտում ընդգծված նահանջ ենք ունեցել: Հուզիչ, հեղափոխական հայտարարություններով, թե եկեք հարստացեք ու հարստացրեք, ո՞նց կարելի է առաջ գնալ, երբ սեփականության իրավունքը բռնաբարվում է: Ասում են՝ բռնելու ենք, բաց չենք թողնելու»,-հավելեց տնտեսագետը:

Աղբյուրը՝ news.am

Այս խորագրի վերջին նյութերը

Կաթնաշոռի անվան տակ մանկատներին և տուն-ինտերնատներին մատակարարվել է այլ արտադրանք

Կաթնաշոռի անվան տակ մանկատներին և տուն-ինտերնատներին մատակարարվել է այլ արտադրանք

Հուլիս 18, 2019 11:35 Խիստ տարբերվել է ընդունված նորմատիվներից:
«Լիդիան Արմենիա»-ի հայտարարությունն Ամուլսարում այսօր տեղի ունեցածի վերաբերյալ

«Լիդիան Արմենիա»-ի հայտարարությունն Ամուլսարում այսօր տեղի ունեցածի վերաբերյալ

Հուլիս 13, 2019 16:10 Սա հերթական անգամ ապացուցում է Ամուլսարի ծրագրի շուրջ շարունակական ապօրինությունների մասշտաբը:
Լիդիանի խնդրի լուծման երկարաձգումը վնասում է պետությանը․ հայտարարություն

Լիդիանի խնդրի լուծման երկարաձգումը վնասում է պետությանը․ հայտարարություն

Հուլիս 12, 2019 12:00 Հայ-Բրիտանական Գործարարության Պալատն անդրադարձել է Ամուլսարի խնդրին։
26,5 մլն դրամի արտոնություն՝ «Ջերմուկ գրուպ» ընկերությանը (տեսանյութ)

26,5 մլն դրամի արտոնություն՝ «Ջերմուկ գրուպ» ընկերությանը (տեսանյութ)

Հուլիս 11, 2019 15:05 Նախատեսվում է ստեղծել 11 նոր աշխատատեղ։
Վարչապետի ասածը տեխնիկապես իրագործելն այդքան էլ իրատեսական չէ

Վարչապետի ասածը տեխնիկապես իրագործելն այդքան էլ իրատեսական չէ

Հուլիս 09, 2019 13:09 Oրական 6-7 անգամ չեն տուգանել:
ՀԷԿ-երի շուրջ ջրային պատերազմները շարունակվում են (տեսանյութ)

ՀԷԿ-երի շուրջ ջրային պատերազմները շարունակվում են (տեսանյութ)

Հուլիս 06, 2019 20:36 Դեռ ոչ մի հանգուցալուծում չի նշմարվում։
Ջրային կոմիտեին շուրջ 5 մլրդ դրամ կտրամադրվի նոր տարին զրոյական պարտքով մտնելու համար

Ջրային կոմիտեին շուրջ 5 մլրդ դրամ կտրամադրվի նոր տարին զրոյական պարտքով մտնելու համար

Հուլիս 04, 2019 12:40 Համակարգի առողջացման հնարավորություն կտա։
«Ո՞նց կարելի է առաջ գնալ, երբ սեփականության իրավունքը բռնաբարվում է». Բոստանջյան

«Ո՞նց կարելի է առաջ գնալ, երբ սեփականության իրավունքը բռնաբարվում է». Բոստանջյան

Հուլիս 03, 2019 12:45 «Ասում են՝ բռնելու ենք, բաց չենք թողնելու»:
Երբ կվճարվեն կենսաթոշակները

Երբ կվճարվեն կենսաթոշակները

Հունիս 28, 2019 16:06 Հունիս ամսվա։
Դեմ չեմ, որ լինեն գերիշխող դիրք ունեցող կազմակերպություններ․ ՏՄՊՊՀ անդամի թեկնածու (տեսանյութ)

Դեմ չեմ, որ լինեն գերիշխող դիրք ունեցող կազմակերպություններ․ ՏՄՊՊՀ անդամի թեկնածու (տեսանյութ)

Հունիս 28, 2019 13:55 Փաշինյանը այդ պաշտոնում առաջարկել է Էդգար Ճաղարյանի թեկնածությունը։