Աշխարհ

06.07.2019 11:15


Կալիֆորնիայում 2 օրվա ընթացքում 2 հզոր երկրաշարժ է տեղի ունեցել

Կալիֆորնիայում 2 օրվա ընթացքում 2 հզոր երկրաշարժ է տեղի ունեցել

Ուրբաթ երեկոյան Հարավային Կալիֆոռնիայում տեղի է ունեցել 7,1 մագնիտուդով հերթական երկրաշարժը՝ ընդամենը մեկ օր անց վերջին 20 տարում հզորագույն՝ 6,4 մագնիտուդով երկրաշարժից հետո, հայտնում է BBC-ը՝ վկայակոչելով ԱՄՆ Երկրաբանական ծառայության հայտարարությունը:

Երկրաշարժը վնասել է անհատական ​​բնակելի շենքեր: Որոշ տեղերում ապակիներ են կոտրվել, պատերի վրա ճեղքվածքներ են գոյացել, հրդեհներ բռնկվել այն վայրերում, որտեղ գազի խողովակները կոտրվել են: Նոր երկրաշարժի էպիկենտրոնը գտնվում է Լոս Անջելեսից մոտ 240 կմ հյուսիս-արեւելք եւ Ռիջքրեսթից 16 կմ հեռավորությամբ: Երկրաշարժի կենտրոնը գտնվում էր 900 մետր խորության վրա։ Ցնցումները զգացվել են Լաս Վեգասում, Նևադայում, Լոս Անջելեսում, Խաղաղ օվկիանոսի ափի մի շարք բնակավայրերում: Ռիջքրեսթի շրջանում դիտվել է 100 հետցնցում, եւ փորձագետները զգուշացնում են, որ դրանց թիվը կարող է մեծանալ:

Աղբյուրը՝ shamshyan.com

Այս խորագրի վերջին նյութերը