Կարծիք

16.07.2019 13:55


Պարզվում է՝ Արարատ Միրզոյանն ու հայկական պատվիրակությունն այն աստիճան անկարևոր են, որ այցի և ելույթի մասին որևէ հիշատակում չկա

Պարզվում է՝ Արարատ Միրզոյանն ու հայկական պատվիրակությունն այն աստիճան անկարևոր են, որ այցի և ելույթի մասին որևէ հիշատակում չկա

«Ամերիկայի Ձայնը» նյութ է հրապարակել Atlantic Council-ում Արարատ Միրզոյանի ելույթի մասին։ Քանի որ նյութը բավականին անհաջող էր գրած, որոշեցի վիդեոն գտնեմ ելույթի՝ ենթադրելով, որ ոնց էլ լինի, կազմակերպության էջում կամ կայքում կլինի։

Ավաղ․ պարզվում է, որ Արարատ Միրզոյանն ու ընդհանրապես հայկական պատվիրակությունն այն աստիճան անկարևոր են կազմակերպության համար, որ այցի և ելույթի մասին որևէ հիշատակում չկա․

• կազմակերպության պաշտոնական կայքում
• Ֆեյսբուքում կազմակերպության պաշտոնական էջի լրահոսում, վիդեոներում, իվենթներում
• YouTube-ի պաշտոնական ալիքում

Միակ հիշատակումը՝ Թվիթերում է․ https://twitter.com/ACEurasia/status/1150874513032323074

Հայկական բոլոր լրատվակայքերն էլ տվել են «Ամերիկայի ձայնի» վրա հղումով, որտեղ, կրկնեմ, բավականին անհաջող տեքստ է (կամ էլ Միրզոյանն է իսկապես անհաջող արտահայտվել, բայց հնարավորություն չունեմ ստուգելու, քանի որ այլ աղբյուր չկա)։

Հ․Գ․ Արարատ Միրզոյանի պաշտոնական էջում էլ բան չկա, բնականաբար, առաջինն այդտեղ եմ նայել։

***

Ժամ ու կես առաջ գրել էի, որ Արարատ Միրզոյանի՝ Atlantic Council-ում ելույթի մասին նյութը «Ամերիկայի Ձայնի» անհաջող է, բայց այլ աղբյուր չէի գտել։

Կես ժամ առաջ Արարատի պաշտոնական էջում էլ դրեցին «Ամերիկայի Ձայնի» նույն նյութը՝ փաստորեն հաստատելով, որ համաձայն են ամերիկյան աղբյուրի ձևակերպումների հետ։

Ըստ այդմ հարցս․ ինչքանո՞վ է կոռեկտ ասել «Նա [իմա՝ Արարատ Միրզոյանը] կարևորում է Թեհրանի հետ հարաբերությունները, քանի որ Հայասատանի 4 սահմաններից երկուսը փակ են»։ Այսինքն եթե ճանապարհների հարցը չլիներ, Իրանի հետ հարաբերությունները կարող էին և կարևոր չլինե՞լ։ Լո՞ւրջ։

Կարեն Վրթանեսյանի ֆեյսբուքյան էջից

Այս խորագրի վերջին նյութերը