Աշխարհ

17.07.2019 18:02


Իրինա Շեյքի ռուս երկրպագուները գրավել են Լեդի Գագայի էջը (լուսանկար)

Իրինա Շեյքի ռուս երկրպագուները գրավել են Լեդի Գագայի էջը (լուսանկար)

Փոփ երգչուհի Լեդի Գագայի պաշտոնական Instagram-յան էջում աներեւակայելի մի բան է կատարվում. մոդել Իրինա Շեյքի ռուս երկրպագուները ֆլեշմոբ են կազմակերպել՝ երգչուհու լուսանկարների տակ երբեմն աբսուրդային, բայց շատ ծիծաղելի մեկնաբանություններ թողնելով։

Հիշեցնենք՝ Իրինա Շեյքի եւ Բրեդլի Քուփերի բաժանումից հետո հաստատվել են վատագույն ենթադրությունները, թե ինչու է զույգը փլուզվել. խնդիրը Լեդի Գագան է, որի հետ Բրեդլին աշխատել է «Աստղը ծնվեց» ֆիլմի ընթացքում։ Սկզբնական շրջանում վարկածը, որ ամեն ինչ տեղ է ունեցել երգչուհու պատճառով, ամեն կերպ հերքվում էր. իբրեւ Բրեդլին եւ Գագան պարզապես ընկերներ են... Սակայն օրերս հայտնի է դարձել, որ Լեդի Գագան, ամեն դեպքում, տեղափոխվել է Քուփերի բնակարան, ինչը սարսափելի կերպով զայրացրել է Իրինա Շեյքի ռուս երկրպագուներին, որոնք պարզապես գրավել են Լեդի Գագայի էջը։

Թեմաները շատ տարբեր են. սկսած նրանից, թե ինչպես բորշ եփել, մինչեւ ավտոմեքենաների լվացում. «Եկեք Գագայից հետո հյուր գնանք Կիանու Ռիվզին, վերջերս նրան անվանել էին աշխարհի ամենամիայնակ մարդը, մեզ հետ նա իրեն լավ կզգա»..., «Վերադարձրել ենք Ղրիմը, կվերադարձնենք նաեւ Քուփերին», «Ամենայն հավանականությամբ, Իրկայի կոստմետիկան է օգտագործում...»։

Ընդ որում, «կրակին յուղ է լցրել» հայտնի հեռուստահաղորդավար Պավել Վոլյան։ «Եթե ցանկանում եք տեսնել դարի զրուցարանը, անցեք @ladygaga-ի մեկնաբանությունները եւ նայեք՝ ինչպես են մերոնք պաշտպանում մերոնքականներին։ Դա լավագույնն է, ինչ այժմ կատարվում է Instagram-ում։ Դա ստեղծագործության առանձին տեսակ է։ Լեդի Գագան պետք է շտապ ռուսերեն սովորի։ Շեյք իթ, բեյբի»,- գրել է նա։

Գործընթացին միացին են ТНТ-ի այլ աստղեր եւս՝ Գարիկ Մարտիրոսյան, Գարիկ Խարլամով եւ Միշա Գալուստյան։ «ЭТО ВСЁ ИЗ-ЗА ИРРРИШКИ, РРРЕБЯТА! ЛЮБОВЬ ТВОРИТ ЧУДЕСА. КЛЯНУСЬ РРРУКОЙ!»,- գրել է Գալուստյանը։ «Խարլամով, զանգիր ինձ»,- թեման շարունակում է Գարիկ Մարտիրոսյանը։ Գարիկ Խարլամովը հետաքրքրվում է. «Ինչպե՞ս ճիշտ պատրաստել խինկալի»...

Ֆլեշմոբը շարունակվում է մինչ այժմ. բավական է նայել Լեդի Գագայի ցանկացած հրապարակում՝ համոզվելու համար, որ Իրինա Շեյքի երկրպագուները Լեդի Գագային հեշտությամբ հանգիստ չեն թողնի։ Այդ ամենը կարդալն, իհարկե, զվարճալի է՝ ոչ մի ագրեսիա կամ սպառնալիքներ՝ կատակեր, բաղադրատոմսեր, տրոլինգ... Համոզված ենք՝ երգչուհու էջում այսպիսի ակտիվություն դեռեւս չի եղել, այնպես որ նա հաստատապես պետք է շնորհակալություն հայտնի Իրինային ոչ միայն «նոր» տղամարդու, այլեւ «գովազդի» համար...

Աղբյուրը՝ style.news.am

Այս խորագրի վերջին նյութերը