Կարծիք

19.07.2019 10:17


Երբ ինքը փակում էր օդանավակայանի ճանապարհը, իրեն հանդուրժում էին․ հիմա ով ինչ հարցով ճանապարհ փակի, «գող ու ավազակ է»

Երբ ինքը փակում էր օդանավակայանի ճանապարհը, իրեն հանդուրժում էին․ հիմա ով ինչ հարցով ճանապարհ փակի, «գող ու ավազակ է»

Սեր և հանդուրժողականություն քարոզող վարչապետը չի հիշում, որ երբ ինքը փակում էր օդանավակայանի ճանապարհը, իրեն հանդուրժում էին:

Հիմա ով ինչ հարցով ճանապարհ փակի, «գող ու ավազակ է», իսկ իրանք՝ հերոս: Բա լավ, էդքան զորք ինչի՞ համար եք տարել Իջևան: Տարբերակ չկա՞ր հանդիպելու, խոսելու մարդկանց հետ, լսելու նրանց խնդիրը:

Ու էս ձևով ուզում եք երկիր կառավարե՞լ: Չի՛ ստացվելու։

Ի դեպ, տանկից խոսում է մի մարդ, ում տեսած միակ տանկը մոնումենտի տանկն է։

***

Նիկոլը երկրի խնդիրները լուծելու փոխարեն ստիպված է ճանապարհներ բացել:

Իջևանը խորքային գործընթաց է և այն, ինչ անում են Նիկոլի «գլխին», մի տարի առաջ Նիկոլն էր անում, իսկ մարդիկ ոգևորված ծափահարում էին:

«Դմփ, դմփ»-ի ժամանակը անցավ, «հպարտ» քաղաքացինե՛ր, եկել է «հու-ի» ժամանակը, այսուհետ ձեզ, այո՛, հենց ձեզ են փռելու ասֆալտին, ոչ թե օլիգարներին, այո՛, խեղճ և աղքատ մարդկանց, մնում է տեսնենք՝ քանի հոգի է մնացել, որ «հու» գոռա:

Ինչ էլ անում են ձեր, համար են անում, քանի որ դուք արդեն դրախտում եք ապրում, մի՛ մոռացեք դա և շնորհակալ եղեք:

***

Իջևանը այս պահին ցույց է տալիս նոր Հայաստանի իրական դեմքը

Նիկոլը 2018 թվականի իր փողոցներ փակելը բացատրում էր նրանով, որ այլ ելք չկա և մնացել է միայն այդ պայքարի ձևը:
Հիմա նման ինտենսիվությամբ փողոց փակելը և յուրաքանչյուր հարցի պատճառով նման ակցիա անելը ի՞նչ է նշանակում:

ա) սպառված պետության կամ կառավարության լծակները

բ) բնակչությունը չգիտի՝ ում դիմի, ֆունկցիա ունեցող մարդ չկա

գ) լուծումներ չկան, և ժողովուրդը դա արդեն սկսել է գիտակցել

դ) օրենսդիր մարմնում Նիկոլի շվաքի շնորհիվ հաստատված տարբեր մարդիկ անկարող են ռեգիոնալ հարցեր լուծել, և ժողովուրդը իրենց անլուրջ է վերաբերվում

Մի խոսքով, ամեն փողոց փակելուց պակասում է Նիկոլի իշխանության հերթական բջիջը:
Նման պրոգրեսիան բերելու է արագ գործընթացների, և իշանությունը անկարող է լինելու մարել «հրդեհները», բախումները և ցնցումները սպասված էին, քանի որ իշխանությունը չի կարողանում կուտակված խնդիրներին լուծում տալ:

***

Տավուշը փաստացի մարզպետ չունի

Մարզպետները կառավարության ներկայացուցիչն են մարզում և պատասխանատու են կառավարության քաղաքական և տնտեսական գծի համար:

Այս դեպքերը ապացուցեցին, որ մարզպետները չունեն ո՛չ ազդեցություն, ո՛չ հնարավորություն հանրային կյանքի կառավարման ոլորտում:

Եթե մարդիկ անտեսում են մարզպետին և իրենց խնդիրների լուծումը տեսնում են փողոցներ փակելով, ստացվում է իրոք, որ նման մարզպետների լինել-չլինելը միևնույն բանն է:

Ի դեպ, նույնը օրեր առաջ հստակ երևաց Գեղարքունիքի մարզում:

Վահան Բաբայանի ֆեյսբուքյան էջից

Այս խորագրի վերջին նյութերը