Խմբագրական

Փետրվարի 17, 2011 16:15

Լևոն Տեր–Պետրոսյանը դարձավ Սերժ Սարգսյանի իշխանության պահպանման երաշխավորը

Լևոն Տեր–Պետրոսյանը դարձավ Սերժ Սարգսյանի իշխանության պահպանման երաշխավորը

Վերջին օրերի գլխավոր քաղաքական ինտրիգը հանգուցալուծվեց այսօր, երբ ստորագրվեց կոալիցիոն նոր հուշագիր։ Մինչև այդ Գագիկ Ծառուկյանը փորձում էր ամեն ինչ անել և դիմադրել ճնշումներին, որպեսզի ստորագրելուց խուսափեր, և դա ստացվում էր, ինչի վկայությունը ԲՀԿ համագումարն էր։ Ծառուկյանի դեմ չաշխատեց ո՛չ շանտաժի, ո՛չ վերջնագրերի մեթոդները։ Դրանից հետո Սերժ Սարգսյանին օգնության հասան «էջմիածնական միաբանները»՝ Լևոն Տեր–Պետրոսյանի գլխավորությամբ, և նրանք համատեղ ուժերով ԲՀԿ–ին ստիպեցին ստորագրել հուշագիրը։ Ենթադրվում է, որ Սարգսյանը «միաբաններին» դեմ տալով է կարողացել լուծել իր իշխանությանը ներսից սպառնացող վտանգը։

ՀԱԿ առաջնորդի խնամի Դավիթ Շահնազարյանի երեկվա ասուլիսը հենց այնպես չէր, և ակնհայտորեն գործի էր դրվել «դատարկ դհոլ» տարբերակը, ինչի մեծ սիրահարն է ՀՀԿ «ճկուն» ղեկավարը։ Փաստորեն, Ս. Սարգսյանը Ծառուկյանի դեմ պայքարում չհաջողեց անհատական բնույթի շանտաժներով, բայց կարողացավ լևոնական ընդդիմության ու «լևոնական» մամուլի որոշ միջոցների ներգրավման միջոցով ԲՀԿ առաջնորդից Սարգսյանին սատարելու խոստում կորզել, որն ավելի շատ հիշեցնում էր բռնությամբ վերցված համաձայնություն, քան քաղաքական համագործակցության հավաստիացում։ Պարզ է, որ Ծառուկյանը «դե ֆակտո» չի սատարում և չի սատարելու Սարգսյանին, սակայն իշխանությանն այս պահին հարկավոր էր բարաթ, ինչը նա ստացավ։

Այս ամենը ցույց տվեց, որ իրականացան իմ այն բոլոր կանխատեսումները և զգուշացումները, թե Տեր–Պետրոսյանն ի վերջո դառնալու է Սերժ Սարգսյանի նորաթուխ Գեղամյանը։ Սակայն հետին թվով մի փոքր շտկում կուզենայի մտցնել   գնահատականներիս մեջ։ Լևոնի գեղամյանացման մասով ժամանակին մի քիչ մեղմ էի արտահայտվել, քանի որ նրա այսօրվա արածն ավելի նողկալի է, քան Գեղամյանինը նախագահական վերջին ընտրությունների փուլում։ Ասել է թե՝ ՀԱԿ առաջնորդին Գեղամյան համարելը հաճոյախոսություն է Լևոնի հասցեին։ Վերջինիս համեմատ Գեղամյանը պարկեշտ ու անբիծ քաղաքական գործիչ է, և ահա թե ինչու։ Տեսե՛ք. Գեղամյանը 2008թ. արդեն արժեզրկված գործիչ էր, չուներ հանրային աջակցություն և Սարգսյանին ծառայություններ էր մատուցում, այսպես ասած, անհատական մակարդակով, իսկ Լևոն Տեր–Պետրոսյանի պարագայում մենք գործ ունենք հանրային որոշակի ռեսուրսի տիրապետող կերպարի հետ, ով, փաստորեն, աճուրդի առարկա դարձրեց իր ունեցածը, և, ինչպես Շահնազարյանը հայտարարեց, ՀԱԿ–ը դարձավ ՀՀ–ում կայունության երաշխավորը։ Ա՛յն «կայունության», որն ապահովում է Սերժ Սարգսյանի պաշտոնավարումն ու հետագա վերարտադրությունը։

Ուղղակի զզվելի էր հետևել Շահնազարյանի այն մտքին, թե ՀԱԿ–ը ներիշխանական անկայունություն թույլ չի տա։ Լևոնի խնամին, փաստորեն, Գեղամյանին գերազանցեց բոլոր չափորոշիչներով։ Ու հիմա փետրվարի 18–ին նախատեսված ՀԱԿ հանրահավաքի մասնակիցներն ու իրենց լևոնական համարողները պետք է լավ գիտակցեն, որ հավաքվում են հանուն Սերժ Սարգսյանի իշխանության կայունության պահպանման։ Մարդիկ պետք է լավ գիտակցեն նաև, որ կոալիցիոն նոր հուշագիրը ստորեգրել են ոչ թե ՀՀԿ–ն, ԲՀԿ–ն և ՕԵԿ–ը, այլ Սերժ Սարգսյանը, Արթուր Բաղդասարյանը և Լևոն Տեր–Պետրոսյանը։

Ստացվում է, որ Լևոն Տեր–Պետրոսյանն առևտրի առարկա դարձրեց մարտի 1–ի զոհերին, քաղբանտարկյալներին, ընդդիմադիր տրամադրված մարդկանց, ու բոլոր նրանց, ովքեր իր համար «մասովկա» են ապահովում ՀԱԿ հանրահավաքներում։ Իսկ դա, համաձայնեք, Տեր–Պետրոսյանի կողմից յուրօրինակ Գապոն քահանայի դեր կատարելու մասին է խոսում ու Գեղամյանն այս ամենի ֆոնին սրբության մարմնավորում է։ Համենայնդեպս Գեղամյանը զոհեր չի տվել իր պայքարի ընթացքում, դրանից հետո չի հայտարարել, որ պատրաստ է «ազգային փրկության» իշխանություն կազմել երեկվա հակառակորդների հետ ու էժանագին «միաբանություն» ու գապոնություն չի արել՝ Սարգսյանի իշխանության կայունությունը պահպանելու նպատակով։

2008թ. մարտի 1–ից առաջ Արթուր Բաղդասարյանը ԱԽՔ–ացավ ու դա հիմնավորեց երկրի կայունությունն ապահովելու ցանկությամբ, բայց բոլորին էլ պարզ էր, որ հաճախորդը տրվել է պատվիրատուի պահանջներին։ Այժմ էլ, փաստորեն, Տեր–Պետրոսյանն է իր հաճախորդացումը հիմնավորում երկրում և իշխանության ներսում անկայունություն թույլ չտալու դրդապատճառով, բայց կրկին ակնհայտ է, որ հաճախորդը պատվիրատուի հետ քննարկումներ է ծավալել բացառապես զրոների շուրջ։ Ուշագրավ է, որ և՛ ԱԽՔ–ը, և՛ Տեր–Պետրոսյանը հաճախորդանում են՝ «կայունություն» ձևակերպումն օգտագործելով։ Հա, չմոռանամ, մեկ–մեկ էլ հաճախորդները սիրում են «պետական շահ» բանաձևը դնել շրջանառության մեջ՝ արդարացնելու համար իրենց «միաբանությունը»։

Հիշեցնեմ, որ մինչև այս՝ Տեր–Պետրոսյանը Սերժ Սարգսյանին ծառայություններ էր մատուցել նաև հայ–թրքական գործընթացի ժամանակ, երբ իշխանափոխության պատրաստ ժողովրդին ուղարկեց տուն և կողմ արտահայտվեց «ֆուտբոլային» դիվանագիտությանը։ Ղարաբաղի հարցում նույնպես Տեր–Պետրոսյանն իր «միաբանությունն» արեց ու սպասում էր ազգային աղետի, որպեսզի արդեն կատարի Պետրոս Գետադարձի դերը, ինչը, բարեբախտաբար, առայժմ չստացվեց։

Մեզ մնում է միայն  արձանագրել, որ «Եղիազար Այնթապցին ու էջմիածնական միաբանները» համագործակցության օպերացիան, որի մասին բազմիցս ակնարկում էր Լևոնը, այժմ կյանքի է կոչվել։ Տեր–Պետրոսյանի վարքագծից ելնելով՝ կարելի է ասել, որ, այո՛, քաղաքականությունն իրոք անբարոյականություն է, բայց չմոռանալ, որ քաղաքականությունն այդպիսին է դառնում, երբ դրանով զբաղվում են բարոյական համապատասխան  նկարագիր ունեցող մարդիկ։

Պետք է նաև արձանագրել, որ եթե մարդը հող հանձնող ու էությամբ քիրվա է, ապա նա միշտ էլ լեզու կգտնի նույն «գաղափարական» դաշտի սուբյեկտի հետ, ու միշտ էլ պատրաստ կլինի հանձնել կամ վաճառքի առարկա դարձնել իր թիմակից կոչվածներին՝ լինեն դրանք մարտի 1–ի զոհերը, քաղբանտարկյալները կամ շարքային միտինգավորները։ Ու հիմա թող վատ զգան բոլոր նրանք, ովքեր ինձ կշտամբում էին, թե ինչու եմ Տեր–Պետրոսյանին պոտենցյալ գեղամյան ու դրանից էլ «բեթար» համարում։ Այժմ համոզվեցի՞ք, որ մեղմ էի արտահայտվել։

Լավ, հիմա Լևոնն իր «միաբանությունն» արեց պրծավ, բայց կյանքը շարունակվում է։ Թե ինչպիսի զարգացումներ կլինեն հետագայում, ցույց կտա ժամանակը։ Մեկ բան ակնհայտ է. Գագիկ Ծառուկյանի վրա հարձակումը հարձակում էր հայկական բուրժուազիայի բոլոր շերտերի վրա ու, մեծ հաշվով, մասնավոր սեփականության ինստիտուտի վրա, իսկ դա նշանակում է, որ մեզանում սկսվելու է կուլակաթափության նեոբոլշևիկյան ոճի խայտառակ մի գործընթաց, տնտեսական անկման խորացում և  արտագաղթի թափի աճ, ինչը ոչ մի լավ բանի չի հանգեցնի՝ սպառնալիք դառնալով ՀՀ ազգային անվտանգության համար։ Եթե հայ ժողովուրդը չգիտակցի սա և այս ամենի դեմն առնելու համար ներուժ չգտնի, ապա մենք շատ կանխատեսելի արդյունք կարող ենք ունենալ՝ պետության կորստի տեսքով։ Այս վերջին նախադասության մեջ նշված միտքն արտահայտում եմ առանց չափազանցության։

Անդրանիկ Թևանյան

Հ.Գ.։ Գագիկ Ծառուկյանի հետ կատարվածը պետք է որոշակի դաս լինի բոլոր նրանց համար, ովքեր չեն գիտակցում, որ երբ ինքդ չես զբաղվում քաղաքականությամբ, ապա քաղաքականությունն է զբաղվում քեզնով։

Այս խորագրի վերջին նյութերը

Նիկոլը ճիշտ չէ, իսկ Սերժ Սարգսյանը սխալվեց

Նիկոլը ճիշտ չէ, իսկ Սերժ Սարգսյանը սխալվեց

Ապրիլ 23, 2019 11:45 Նիկոլը ճիշտ էր 2018թ. ապրիլի 23–ին, բայց սխալվեց վարչապետ դառնալուց հետո:
Փաշինյանը կրկին խոսեց ձևի ու լռեց բովանդակության մասին

Փաշինյանը կրկին խոսեց ձևի ու լռեց բովանդակության մասին

Մարտ 12, 2019 18:40 Նա պառակտել է Հայաստանի հանրությանը, բայց պատրաստ է խաղաղություն քարոզել հարևան երկրում ու քիրվայություն անել ադրբեջանցիների հետ:
Լևոն Տեր-Պետրոսյանի սպասելի նյարդայնացումը

Լևոն Տեր-Պետրոսյանի սպասելի նյարդայնացումը

Մարտ 01, 2019 16:50 Իրականությունն այն է, որ «Մարտի 1»-ը հնարավոր դարձավ ատելության մթնոլորտի արդյունքում:
Չդառնալ «Մարտի 1»-ի վարչապետ

Չդառնալ «Մարտի 1»-ի վարչապետ

Փետրվարի 22, 2019 10:10 96-ի կեղծիքների ու բռնության հետևանք էին 98-ի իշխանափոխությունը, 1999-ի հոկտեմբերի 27-ը ու 2008–ի մարտի 1-ը:
«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

Փետրվարի 13, 2019 20:53 Դե արի ու այսքանից հետո քննադատիր նրանց, ովքեր Փաշինյանի՝ իշխանության գալու մեջ դրսի ուժերի դավադրություն են տեսնում:
Կենտրոնական բանկի «մեսիջը» կառավարությանն ու հպարտ քաղաքացիներին

Կենտրոնական բանկի «մեսիջը» կառավարությանն ու հպարտ քաղաքացիներին

Փետրվարի 05, 2019 13:05 Որքան էլ ԱՎԾ–ն ուշացրեց տարեկան մակրոցուցանիշների ամփոփումը, միևնույն է, վերջում թվերը հեղափոխական չստացվեցին։
Փաշինյանը՝ Սորոսի ու Բոլթոնի արանքում

Փաշինյանը՝ Սորոսի ու Բոլթոնի արանքում

Փետրվարի 04, 2019 19:00 Բոլթոնի պլանով նախատեսվում է, որ Հայաստանը պետք է զիջումների գնա Արցախի հարցում՝ մինչ այդ պատրաստելով հասարակությանը «խաղաղությանը»:
Փաշինյանը մերժո՞ւմ է Բոլթոնի պլանը

Փաշինյանը մերժո՞ւմ է Բոլթոնի պլանը

Փետրվարի 02, 2019 11:35 Ինչո՞ւ Փաշինյանը մտավ Բոլթոնի պլան և ինչո՞ւ է այժմ փախչում դրանից։
Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Հունվար 28, 2019 16:34 Հիմա կրկին, ինչպես 1998–ին, Հայաստանի ու Արցախի գլխին մութ ամպեր են կուտակվում։
Մեծ խաղի փոքրիկ դետալները

Մեծ խաղի փոքրիկ դետալները

Հունվար 24, 2019 11:55 Գալի՞ս է Փաշինյանի՝ «Պատերա՞զմ, թե՞ խաղաղություն» գրելու ժամանակը։
Ինչպես է Նիկոլ Փաշինյանը նախապատրաստվում խաղաղությանը

Ինչպես է Նիկոլ Փաշինյանը նախապատրաստվում խաղաղությանը

Հունվար 17, 2019 12:20 Փաշինյանը չունի Արցախի խնդրի լուծման հարցում որոշումներ կայացնելու մանդատ, լեգիտիմություն ու անհրաժեշտ պաշար:
Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Հունվար 09, 2019 14:15 Փաստորեն, եթե Քոչարյանի գրքի վաճառքը սկսվի Հայաստանում, ապա Փաշինյանը կարող է է՛լ ավելի մեծ ռեկորդների մասին խոսել:
Թումանյանի «մեսիջը» հայ ժողովրդին

Թումանյանի «մեսիջը» հայ ժողովրդին

Հունվար 03, 2019 09:55 Դերասանությունը գեղեցիկ է բեմի վրա, ուր խաղում են, բայց այն գարշելի է կյանքի մեջ, ուր ապրում են: Բեմի վրա խաղացողները շնորհքով մարդիկ են, իսկ կյանքում խաղացողները՝ ցածերն ու կեղծավորները:
2018-ը՝ մերժման, իսկ 2019-ը ՝ ԽԵԼՔԻ տարի

2018-ը՝ մերժման, իսկ 2019-ը ՝ ԽԵԼՔԻ տարի

Դեկտեմբեր 31, 2018 21:22 Մեզ մոտ ոչ թե նոր Հայաստանի նոր իշխանություն է ձևավորվել, այլ հին Հայաստանի վերջին իշխանությունը:
Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Դեկտեմբեր 26, 2018 16:00 Բոլթոնի պլանի կյանքի կոչումն է, որ ոգևորել է Ադրբեջանին ու, ամենայն հավանականությամբ, այդ պլանը դիմադրության չի հանդիպել Հայաստանում:
Ի՞նչ բացահայտեց գաղտնալսումը

Ի՞նչ բացահայտեց գաղտնալսումը

Դեկտեմբեր 06, 2018 14:15 Հասկանո՞ւմ է արդյոք Փաշինյանը, որ շատ ավելի լուրջ խնդիրներ մեր պետության և անձամբ իր համար կառաջանան, եթե նա բացի «Պանդորայի արկղը»:
Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Նոյեմբեր 27, 2018 14:40 «Նիկոլը Ճիշտ էր, ես սխալվեցի» սարգսյանական ձևակերպումն այլ իմաստ է ստանում:
Ո՞վ կհաղթի ընտրություններում

Ո՞վ կհաղթի ընտրություններում

Նոյեմբեր 22, 2018 17:00 Տիգրան Մուկուչյանը, դեմքի անմեղ հայացքով ու իր բարի աչուկները ճպճպացնելով, մեզ կհաղորդի թվերը այնպես, ինչպես հաղորդում էր նախորդ ընտրությունների ժամանակ:
Օլիգարխիայի երկաթյա կանոնը «Քաղաքացիական պայմանագրում»

Օլիգարխիայի երկաթյա կանոնը «Քաղաքացիական պայմանագրում»

Նոյեմբեր 16, 2018 11:38 ՀՀԿ-ն ու դրա լիդերը ցանկության դեպքում անգամ չէին կարող այնպիսի մոդել ստեղծել, ինչպիսին որ ստեղծում է Նիկոլ Փաշինյանը:
Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Նոյեմբեր 09, 2018 15:28 Ո՞վ կդառնա Նիկոլ Փաշինյանի իշխանության գլխավոր հակառակորդը: