Քաղաքական

09.03.2011 16:52


Տիգրան Կարապետյան. «Եթե իշխանության հետ հանդիպելու առիթ լինի, ես մենակ չեմ գնա...»

Տիգրան Կարապետյան. «Եթե իշխանության հետ հանդիպելու առիթ լինի, ես մենակ չեմ գնա...»

Հայ–թուրքական հարաբերությունների կարգավորմանն ու տնտեսական հարցերին առնչվող ՀՀ կուսակցությունների հետ Սերժ Սարգսյանի կազմակերպած կլոր սեղան քննարկումները, ԺԿ նախագահ Տիգրան Կարապետյանի խոսքերով, որևէ արդյուքն չեն տվել, և իրենց կարծիքը հաշվի չի առնվել։

Այդ հանդիպումներն արդյունք չտվեցին։ Մեր կարծիքը հաշվի չառան։ Ընդհանրապես, ո՞վ է ում մեր հանրապետության մեջ հաշվի առնում։ Ո՞ւմ կարծիքն են մինչ այսօր հաշվի առել։ Եթե բռնապետություն է, ո՞ւմ կարծիքը կարող են հաշվի առնել։

Նա նաև նշել է, որ եթե հիմա նման կլոր սեղան հանդիպում կազմակերպվի, և իրեն հրավիրեն, ինքը չի մասնակցի.

Ես այսօր ընդդիմադիր ճամբարում եմ, և եթե իշխանության հետ հանդիպելու առիթ լինի, ես մենակ չեմ գնա հանդիպման։ Կգնամ իմ գործընկերների հետ, որովհետև յուրաքանչյուր հանդիպում իշխանության հետ որոշակիորեն վարկաբեկիչ է,– ասել է Տիգրան Կարապետյանը։

Նման կլոր սեղան քննարկումները, ըստ նրա, խաղ են.

Դրանք խաղում են ժողովրդավարություն, որովհետև ժողովրդավար մարդը պետք է խորապես լինի, ոչ թե ձևական։ Ես համարում եմ դա ձևականություն։

7or.am

Այս խորագրի վերջին նյութերը