Խմբագրական

Ապրիլ 09, 2011 15:22

Հեղափոխություն և հակահեղափոխություն – 4

Հեղափոխություն և հակահեղափոխություն – 4

սկիզբը՝ տե՛ս

2008–ի ընտրական մրցապայքարում հայկական նեոբոլշևիկյան հեղափոխության առաջնորդը՝ Լևոն Տեր–Պետրոսյանը, իշխանությունը չկարողացավ վերցնել։ ՀՀ առաջին նախագահը իշխանության չեկավ, բայց Հայաստանին չհաջողվեց խուսափել նեոբոլշևիկյան ժանտախտից։

Լևոն Տեր–Պետրոսյան – 2

Մարտի 1–ի գնով նախագահ դարձած Սերժ Սարգսյանը, աթոռը պահելու և ներքին կյանքում «մեկ օլիգարխի տնտեսության» կառուցման ծրագրերն իրականացնելու նպատակով, խլեց իր ընտրարշավային մրցակցի «նախաձեռնողական» դրոշն ու փաստացի գնաց հեղափոխական քայլերի։

Արտաքին քաղաքական ոլորտում Ս. Սարգսյանի նեոբոլշևիկյան հեղափոխականությունը դրսևորվեց «ֆուտբոլային» դիվանագիտության տեսքով։

Այնպես ինչպես ռուս բոլշևիկները, հանուն իրենց իշխանության, կնքեցին Բրեստ–Լիտովսկի՝ իր էությամբ հակառուսական ու հանձնողական համաձայնագիրը, այնպես էլ մեր օրերի նեոբոլշևիկ ՀՀԿ «ճկուն» ղեկավարը գնաց հայ–թուրքական տխրահռչակ արձանագրությունների ստորագրման ճանապարհով, որի արդյունքում լրջագույն հարված հասցվեց ՀՀ անվտանգությանը, ունեցանք միայն բացասական արդյունքներ, իսկ պաշտոնապես հայտարարված ոչ մի նպատակի՝ Թուրքիայի հետ դիվանագիտական հարաբերությունների հաստատում և սահմանի բացում, հայկական կողմը չհասավ։ Բայց փոխարենը՝ Սերժ Սարգսյանը երկրի ներսում ամրապնդեց իր դիրքերն ու ի դեմս «փողոցային» ընդդիմության լիդեր Տեր–Պետրոսյանի՝ ստացավ հավատարիմ գործընկեր և բնական դաշնակից։ Այսինքն՝ հաղթահարեց մարտի 1–ից հետո առաջացած ճգնաժամն ու պահեց իր աթոռը։

Ինչպես հայտնի է՝ Տեր–Պետրոսյանը ողջունեց «ֆուտբոլային» դիվանագիտությունը, աջակցեց Սարգսյանի «նախաձեռնողականությանը»՝ հանրահավաքները հետաձգելով ու ասուլիսային պաշտպանություն ապահովելով վերջինիս համար, իսկ հետագայում էլ վերածվեց իշխանության կայունությունն ապահովողի։

Ինչ վերաբերում է ներքին քաղաքականության մեջ Ս. Սարգսյանի նեոբոլշևիկյան հեղափոխականությանը, ապա այն միտված է մասնավոր սեփականության վերաբաշխմանը, «յուրայիններին» կուլակաթափ անելուն ու գերմենաշնորհային տնտեսա–քաղաքական համակարգ կառուցելուն։ Այս հարցում էլ Սարգսյանն ստանում է Տեր–Պետրոսյանի լիակատար աջակցությունը, որի շրջանակներում նախագահը «քննադատվում» է նեոբոլշևիկյան գործողությունները դանդաղ ու ոչ հետևողական անելու մասով։ Իսկ երբ իշխանական համակարգում ներքին դիմադրություն է առաջանում սերժսարգսյանական նեոբոլշևիզմին՝ այդ ժամանակ տիտղոսային ընդդիմության լիդերը «մեյդան» է նետում իր խնամուն ու նրա շուրթերով ստանձնում է Սարգսյանի պաշտպանի դերը։

Պարզից էլ պարզ է, որ նման «ընդդիմությունը» պարզապես գտածո է Սերժ Սարգսյանի համար և իշխանություններն ամեն ինչ անելու են, որպեսզի ընդդիմադիր դաշտը զբաղեցնի միայն Տեր–Պետրոսյանը։ Պատահական չէ, որ մեկ կենտրոնից ղեկավարվող հեռուստաալիքներն ու Ահարոն Ադիբեկյանը սկսել են «ռասկրուտկա» անել ՀԱԿ ղեկավարին, որպես միակ ու հզոր ընդդիմություն։

Սերժա–լևոնական «շախմատի» էությունը

Պարտվելով նախագահական ընտրություններում՝ Լևոն Տեր–Պետրոսյանը որդեգրեց իշխանության հետ ինտեգրվելու քաղաքականությունը, և այժմ բացահայտ ստանձնել է Սերժ Սարգսյանի իշխանության կայունության երաշխիքի դերը։ Իր տեսակով կղերապահպանողական առաջին նախագահի համար դա ամենացանկալի տարբերակն է։ Այստեղից էլ «երկխոսելու» այն խնդրանքները, որոնք հղում է «արմատականների» առաջնորդն առ Սերժ Սարգսյան։

Հատուկ ընդգծեմ, որ իշխանության հետ շատ որոշակի հարցերում բացահայտ և թաքնված ձևով համագործակցելով (այդ համագործակցությանը հիմա «շախմատ խաղալ» են ասում)՝ Տեր–Պետրոսյանը որևէ շեղում չի տալիս իր սկզբունքներից, քանի որ Սարգսյանը և՛ ներքին, և՛ արտաքին քաղաքականության մեջ առաջնորդվում է առաջին նախագահին հոգեհարազատ նեբոլշևիկյան գաղափարախոսությամբ։ Բացի այդ՝ իշխանության հետ համագործակցելու Տեր–Պետրոսյանի պատրաստակամությունը պայմանավորված է նաև այն բանով, որ նա այլևս չի հավատում, որ կարելի է ժողովրդական ալիքի միջոցով իշխանության գալ, ուստի՝ փորձում է իրականություն դարձնել իր ծրագիր–մինիմումը՝ դառնալ «Եղիազար Այնթապցու» «Էջմիածնական միաբանը», իսկ եթե դրա արդյունքում հաջողվի նաև Սերժ Սարգսյանի հետ «Ազգային համաձայնության կառավարություն» կոչվածը (փաստացի՝ «Արթուր Բաղդասարյան–2» օպերացիան) գլուխ բերել, ապա ՀԱԿ «ժողովրդավար» առաջնորդը «շախմատային» պարտիայի արդյունքը փայլուն կգնահատի։

Ճիշտ է, Տեր–Պետրոսյանի այս ծրագրերը հակասության մեջ են մտնում կոնգրեսական շարքերի «Հիմա» կամ «Սերժի՛կ՝ հեռացի՛ր» կոչերի հետ, բայց այդ ամենը նրան, թերևս, քիչ է հուզում։ Փորձը ցույց է տալիս, որ շարքերի աղմկոտ մասը նրան ենթարկվում է զոմբիական հնազանդությամբ և Տեր–Պետրոսյանին դժվար չի լինի իշխանության հետ իր «արժանապատիվ» գործարքը ներկայացնել որպես լուրջ ռազմավարություն։ Զոմբիները նրա ասածը կընկալեն «Պապին մի բան գիտի» բանաձևի միջոցով, և վերջ։ Իսկ մնացածների դժգոհության վրա Տեր–Պետրոսյանը, մեծ ու փոքր հաշվով, թքած ունի՝ «Դա իմ ժողովուրդը չէ» ձևակերպման շրջանակներում։ Նա թքած ունի նաև իր աղմկոտ զոմբիների վրա, բայց դա արդեն զոմբիների՛, այլ ոչ թե Տեր–Պետրոսյանի խնդիրն է։

Ի դեպ, ՀԱԿ լևոնական թևի հաճախորդացման առումով այս փուլում շարքերի հետ կապված երկակի վիճակ է ստեղծվել։ «Փողոցային» ընդդիմության շարքերի արմատականությունը մի կողմից նպաստում է Լ. Տեր–Պետրոսյանի՝ Սարգսյանի հետ «քաղաքական գործարքի» գնալու գործընթացում գին բարձրացնելուն՝ «Հեղափոխությունը զոռով եմ պահում» թեմայով, իսկ մյուս կողմից՝ շարքերի արմատականությունը խոչընդոտում է նույն այդ քաղաքական կոչված գործարքի կայացմանը։ Տեր–Պետրոսյանն այս ամենից ելքը փորձում է գտնել օխլոկրատիկ «քվեարկություններ» կազմակերպելով, որպեսզի իր մերձեցումը Սարգսյանի հետ դեմագոգիկ ձևով ներկայացնի որպես «ժողովրդի ցանկություն»։

Ինչ վերաբերում է իշխանությունների վարած քաղաքականությանը ընդդիմադիր տրամադրված այն շրջանակներին, ովքեր Տեր–Պետրոսյանին դիտում են որպես գործիք և նրա հանրահավաքներին մասնակցում են իրենց սոցիալ–տնտեսական խնդիրները լուծելու այլ տարբերակ այս պահին չունենալու պատճառով, ապա իրականում հենց իրե՛նք են դառնում ՀԱԿ առաջնորդի գործիքը և, ըստ էության, վերածվում գործող ռեժիմի հենարանի։

Պետք է հասկանալ, որ Տեր–Պետրոսյանի խնդիրը հանրության բողոքական էներգիան ամբողջությամբ իր ձեռքը հավաքելն ու Սերժ Սարգսյանի հետ համատեղ երկրում նեոբոլշևիկյան հեղափոխություն իրականացնելն է, որը բացարձակապես կապ չունի հանրահավաքի եկող մարդկանց մեծ մասի ցանկության հետ։ Ավելին՝ սերժա–լևոնական գործարքն ուղղված է հանրահավաքի մասնակիցների ու, ըստ էության, հանրության մեծամասնության շահերի դեմ։

Ակնհայտ է, որ Սարգսյանն ու Տեր–Պետրոսյանը համաձայնության են եկել առաջինի գլխավորությամբ «մեկ օլիգարխի տնտեսություն» ունենալու հարցում, որը նախատեսում է ՀԱԿ–ի նեղ շրջանակի տեսքով «մեկ ընդդիմության» առկայություն։ Այսինքն՝ Տեր–Պետրոսյանի երազած «երկխոսությունը», որը փաստացի կայացել է, միտված է հաստիքային ընդդիմություն դառնալուն։ Ո՛չ ավելին։

Այս ծրագրերի կյանքի կոչմանը կարող են խանգարել բոլոր այն ուժերը, ովքեր դուրս են սերժա–լևոնական գործարքի տիրույթից, ու դրա համար էլ իշխանական ու լևոնական լրատվամիջոցներն, իրար ուս–ուսի տված, միևնույն քարոզչությունն են իրականացնում։

Տեր–Պետրոսյանի հանրահավաքային վերջին ելույթը ցույց տվեց, որ նրա քննադատության միակ թիրախը ոչ թե Սերժ Սարգսյանն է, այլ իր ու Սարգսյանի շրջանակներից դուրս գտնվող բոլոր մյուս ուժերը, ինչն այլ կերպ քան նեոգեղամյանություն չես անվանի։

ՀԱԿ առաջնորդն ապրիլի 8–ին ու դրանից էլ առաջ այնպիսի կրքոտությամբ է պահանջում Սարգսյանից «երկխոսել» իր հետ, որ մի քիչ արդեն անհարմար բան է ստացվում։ Երեկ նա արդեն շտապեցնում էր Սերժ Սարգսյանին՝ «Ա՛յ «Եղիազար» ջան, ախր շուտ արա, արի «երկխոսենք», որպեսզի մեր չուզողների (ըստ Տեր–Պետրոսյանի՝ այդ չուզողները միջազգային հանրությունն ու սերժա–լևոնական «դուետից» դուրս գտնվող ուժերն են) աչքը հանենք» տարբերակով։

Մենք, փաստորեն, այժմ ականատեսն ենք դառնում հաճախորդացման մի քստմնելի գործընթացի, որը տեղի է ունենում ոչ թե խնամու տանը (ինչպես Արտաշես Գեղամյանի պարագայում էր), ոչ թե իշխանական կաբինետներում (ինչպես Արթուր Բաղդասարյանի դեպքում էր), այլ հասարակության աչքի առաջ։ Այսինքն՝ քաղաքական մարմնավաճառությունը կուլիսներից տեղափոխվել է դեպի հրապարակ. ամեն ինչ բաց է և թափանցիկ։

Անդրանիկ Թևանյան

շարունակելի

Այս խորագրի վերջին նյութերը

Նիկոլը ճիշտ չէ, իսկ Սերժ Սարգսյանը սխալվեց

Նիկոլը ճիշտ չէ, իսկ Սերժ Սարգսյանը սխալվեց

Ապրիլ 23, 2019 11:45 Նիկոլը ճիշտ էր 2018թ. ապրիլի 23–ին, բայց սխալվեց վարչապետ դառնալուց հետո:
Փաշինյանը կրկին խոսեց ձևի ու լռեց բովանդակության մասին

Փաշինյանը կրկին խոսեց ձևի ու լռեց բովանդակության մասին

Մարտ 12, 2019 18:40 Նա պառակտել է Հայաստանի հանրությանը, բայց պատրաստ է խաղաղություն քարոզել հարևան երկրում ու քիրվայություն անել ադրբեջանցիների հետ:
Լևոն Տեր-Պետրոսյանի սպասելի նյարդայնացումը

Լևոն Տեր-Պետրոսյանի սպասելի նյարդայնացումը

Մարտ 01, 2019 16:50 Իրականությունն այն է, որ «Մարտի 1»-ը հնարավոր դարձավ ատելության մթնոլորտի արդյունքում:
Չդառնալ «Մարտի 1»-ի վարչապետ

Չդառնալ «Մարտի 1»-ի վարչապետ

Փետրվարի 22, 2019 10:10 96-ի կեղծիքների ու բռնության հետևանք էին 98-ի իշխանափոխությունը, 1999-ի հոկտեմբերի 27-ը ու 2008–ի մարտի 1-ը:
«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

Փետրվարի 13, 2019 20:53 Դե արի ու այսքանից հետո քննադատիր նրանց, ովքեր Փաշինյանի՝ իշխանության գալու մեջ դրսի ուժերի դավադրություն են տեսնում:
Կենտրոնական բանկի «մեսիջը» կառավարությանն ու հպարտ քաղաքացիներին

Կենտրոնական բանկի «մեսիջը» կառավարությանն ու հպարտ քաղաքացիներին

Փետրվարի 05, 2019 13:05 Որքան էլ ԱՎԾ–ն ուշացրեց տարեկան մակրոցուցանիշների ամփոփումը, միևնույն է, վերջում թվերը հեղափոխական չստացվեցին։
Փաշինյանը՝ Սորոսի ու Բոլթոնի արանքում

Փաշինյանը՝ Սորոսի ու Բոլթոնի արանքում

Փետրվարի 04, 2019 19:00 Բոլթոնի պլանով նախատեսվում է, որ Հայաստանը պետք է զիջումների գնա Արցախի հարցում՝ մինչ այդ պատրաստելով հասարակությանը «խաղաղությանը»:
Փաշինյանը մերժո՞ւմ է Բոլթոնի պլանը

Փաշինյանը մերժո՞ւմ է Բոլթոնի պլանը

Փետրվարի 02, 2019 11:35 Ինչո՞ւ Փաշինյանը մտավ Բոլթոնի պլան և ինչո՞ւ է այժմ փախչում դրանից։
Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Հունվար 28, 2019 16:34 Հիմա կրկին, ինչպես 1998–ին, Հայաստանի ու Արցախի գլխին մութ ամպեր են կուտակվում։
Մեծ խաղի փոքրիկ դետալները

Մեծ խաղի փոքրիկ դետալները

Հունվար 24, 2019 11:55 Գալի՞ս է Փաշինյանի՝ «Պատերա՞զմ, թե՞ խաղաղություն» գրելու ժամանակը։
Ինչպես է Նիկոլ Փաշինյանը նախապատրաստվում խաղաղությանը

Ինչպես է Նիկոլ Փաշինյանը նախապատրաստվում խաղաղությանը

Հունվար 17, 2019 12:20 Փաշինյանը չունի Արցախի խնդրի լուծման հարցում որոշումներ կայացնելու մանդատ, լեգիտիմություն ու անհրաժեշտ պաշար:
Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Հունվար 09, 2019 14:15 Փաստորեն, եթե Քոչարյանի գրքի վաճառքը սկսվի Հայաստանում, ապա Փաշինյանը կարող է է՛լ ավելի մեծ ռեկորդների մասին խոսել:
Թումանյանի «մեսիջը» հայ ժողովրդին

Թումանյանի «մեսիջը» հայ ժողովրդին

Հունվար 03, 2019 09:55 Դերասանությունը գեղեցիկ է բեմի վրա, ուր խաղում են, բայց այն գարշելի է կյանքի մեջ, ուր ապրում են: Բեմի վրա խաղացողները շնորհքով մարդիկ են, իսկ կյանքում խաղացողները՝ ցածերն ու կեղծավորները:
2018-ը՝ մերժման, իսկ 2019-ը ՝ ԽԵԼՔԻ տարի

2018-ը՝ մերժման, իսկ 2019-ը ՝ ԽԵԼՔԻ տարի

Դեկտեմբեր 31, 2018 21:22 Մեզ մոտ ոչ թե նոր Հայաստանի նոր իշխանություն է ձևավորվել, այլ հին Հայաստանի վերջին իշխանությունը:
Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Դեկտեմբեր 26, 2018 16:00 Բոլթոնի պլանի կյանքի կոչումն է, որ ոգևորել է Ադրբեջանին ու, ամենայն հավանականությամբ, այդ պլանը դիմադրության չի հանդիպել Հայաստանում:
Ի՞նչ բացահայտեց գաղտնալսումը

Ի՞նչ բացահայտեց գաղտնալսումը

Դեկտեմբեր 06, 2018 14:15 Հասկանո՞ւմ է արդյոք Փաշինյանը, որ շատ ավելի լուրջ խնդիրներ մեր պետության և անձամբ իր համար կառաջանան, եթե նա բացի «Պանդորայի արկղը»:
Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Նոյեմբեր 27, 2018 14:40 «Նիկոլը Ճիշտ էր, ես սխալվեցի» սարգսյանական ձևակերպումն այլ իմաստ է ստանում:
Ո՞վ կհաղթի ընտրություններում

Ո՞վ կհաղթի ընտրություններում

Նոյեմբեր 22, 2018 17:00 Տիգրան Մուկուչյանը, դեմքի անմեղ հայացքով ու իր բարի աչուկները ճպճպացնելով, մեզ կհաղորդի թվերը այնպես, ինչպես հաղորդում էր նախորդ ընտրությունների ժամանակ:
Օլիգարխիայի երկաթյա կանոնը «Քաղաքացիական պայմանագրում»

Օլիգարխիայի երկաթյա կանոնը «Քաղաքացիական պայմանագրում»

Նոյեմբեր 16, 2018 11:38 ՀՀԿ-ն ու դրա լիդերը ցանկության դեպքում անգամ չէին կարող այնպիսի մոդել ստեղծել, ինչպիսին որ ստեղծում է Նիկոլ Փաշինյանը:
Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Նոյեմբեր 09, 2018 15:28 Ո՞վ կդառնա Նիկոլ Փաշինյանի իշխանության գլխավոր հակառակորդը: