Մեկնաբանություն

Ապրիլ 11, 2009 16:49

...Մնացել է սարի սմբուլը

...Մնացել է սարի սմբուլը

Հայրենի կառավարությունս, իր վերջին նիստում, մի հետաքրքրի որոշում է ընդունել, որը պաշտոնապես ձևավակերպվում է որպես «ՀՀ 2009թ. պետական բյուջեի մասինե ՀՀ օրենքում վերաբաշխում և ՀՀ կառավարության 2008թ. դեկտեմբերի 25-ի N 1573-Ն որոշման մեջ փոփոխություններ կատարելու մասին»։ Ըստ այդ որոշման, Հրազդան գետի վրա (Դավթաշեն-Զովունի-Թբիլիսյան խճուղու կապ) ավտոճանապարհային կամրջի կառուցման աշխատանքների համար բյուջեի Երևանի համաքաղաքային նշանակության ծախսերով նախատեսված 936 մլն 500 հազար դրամն ուղղվելու է մի շարք այլ՝ առավել հրատապություն ունեցող ծրագրերի իրականացմանը։ Ըստ այդմ՝ կառավարության կողմից հրատապություն է հայտարարված Երևանի բակային տարածքների և արտաքին լուսավորության ցանցի վերանորոգումն ու կառուցումը, որի համար հատկացվել է 561 հազար դրամ (հավանաբար կառավարության պաշտոնական վեբկայքում վրիպակ է տեղ  գտել. խոսքը 561 մլն դրամի մասին է)։ Ես իմ լրագրողական գործունեության գրեթե ողջ ընթացքում գրել եմ Երևանի հիմնախնդիրների մասին։ Դա կհաստատեն մայրաքաղաքի վերջին տասը տարիների բոլոր քաղաքապետերը։ Այդուհանդերձ, հիշեցնում եմ բոլոր երևանցիներին, որ ամեն երկուշաբթի, գործակարգավարական խորհրդակցությունների ժամանակ, պարտադիր զեկուցվել է մայրաքաղաքի փողոցների լուսավորման բարեհաջող ընթացող աշխատանքների մասին. նկատի ունեցեք՝ արդեն տասը տարի  շարունակ դրա վրա փողեր են ծախսվում, բայց բացի կենտրոնական փողոցներից, ոչ մի այլ փողոցում «ճրագ» էլ չի վառվում։ Հիմա հիշեցնեմ, թե դա ինչպես էր կատարվում, որն, ի դեպ, բոլորիս աչքի առաջ է եղել։ Նախ սկսեցին փոխել լուսավորության սյուները. մի փողոցից ապամոնտաժված հենասյուները տեղադրվում էին մյուս փողոցում, անգամ ներկը հաճախ չէր մաքրվում, այլ վրայից նորն էին քսում։ Բարեբախտաբար այս գործընթացը շուտ ավարտվեց (շատ էր զռում)։ Հաջորդ էտապում փոխվեցին լուսամփոփները, որի դեմ որևէ բացասական բան ասել, կնշանակեր հոգուս առաջ ծանր մեղք գործել։ Բայց փող աշխատելը ոչ թե լուսամփոփների հետ էր կապված, այլ դրանց լամպերի։ Հայրենական արտադրողի մատակարարած անորակ լամպերի վրա այնքան փող էր ծախսվում, որ «Երքաղլույսը» ստիպված էր հրապարակավ հրաժարվել դրանցից, հաջողվեց թե ոչ, չգիտեմ, բայց հարկատուներիս փողերի մի հսկայական զանգված «վառեցինք» անտեղի։ Հիմա նաև ասեք. որևէ մեկն այս երկրում կարող է ճշմարիտն ասել, թե օրական քանի՞ կիլովատ/ժամ էլէկտրաէներգիա է ծախսվում Երևանի փողոցների լուսավորության վրա, որքանո՞վ է այն արտահայտում իրական պատկերը, որտե՞ղ է այդ եկամտաբեր հաշվիչը։ Դե հիմա ասեք՝ արժե այդ ցանցին լրացուցիչ գումարներ հատկացնել, եթե դա փողերի այլևայլ նպատակներով ծախսելու (կասկածեմ, թե ընտրակաշառքի տեսքով) համար «լվացքատուն» չէ։

Կառավարության կողմից Երևանում հայտարարված հաջորդ «հրատապությունը» փողոցներում և բակային տարածքներում նախատեսվող լայնածավալ աղբահանության և սանիտարական մաքրման աշխատանքներին օժանդակելն է, որի համար 375 մլն 500 հազար դրամ է հատկացվել, այն էլ ու՞մ՝ «Երևան» հիմնադրամին, մի կառույցի, որն իր հիմնադրման օրվանից զբաղվում է քաղաքացիներից «կամավոր» գանձումներով՝ հանուն միայն իր տնօրենին հայտնի «հրատապությունների»։ Դեռ խորհրդային ժամանակներից հայտնի մի անեկդոտ կար, ըստ որի աղբատար մեքենայի վարորդը պարծենում էր, թե աղբավայր «հասցրած» հինգը «ռեյսից» երկուսն իրենն էր, այսինքն փաստաթղթով ձևակերպվում էր հինգ ուղերթ (ռեյս), բայց իրականում կատարում էին երկու-երեքը՝ շեֆի հետ գրպանելով մնացած գումարները։ Դեռ այն ժամանակներից աղբաղանությունն ու շինարարության հողային աշխատանքները (հիմքը փորելը) համարվում էին ամենաեկամտաբեր աշխատանքները, որովհետև ոչ մի ձևով չես կարող վերահսկել իրական քանակը։ Մի բան էլ հիշեցնեմ երևանցիներին. վերջին 7-8 տարիներին հեռուստաէկրաններից չեն իջնում մայրաքաղաքի որոշ համայնքապետեր, այդ թվում ինքը՝ Գագիկ Բեգլարյանը, որոնք պարծենում են ամեն ամիս Հայաստան ներկրվող սանմաքրման տեխնիկայով, որ մենք էլ փողոցներում տեսնում ենք։ Հիմա ասեք, այդ միլիոններով պիտի լուսավորության հենասյուների պես «նոր» մեքենանե՞ր բերվեն, մի գիշերվա մեջ բակերում իրենց տեղը «զոռբա հայաթավորների» թանկարժեք մեքենաների ավտոտնակներին զիջած ու կենտրոնական փողոցների բանուկ մասում հայտնված «բլբլած» աղբամաննե՞րը պիտի ներկվեն, թե՞ բազմահարկերի աղբախցերը օրեկան մի քանի անգամ պիտի մաքրվեն։ Հավատացնում եմ ձեզ՝ ընտրություններից մի շաբաթ հետո էլի նույն պատկերն է լինելու։ Ուղղակի, «նախընտրական աղբահավաքությունը» սեփական «խնայողությունների» հաշվին հո չի՞ լինելու։ Համ էլ Երևանի աղբը վերամշակելու միջազգային պայմանագիր ենք կնքել (սեփական բիզնես դնելու ակնկալիքով)...

Բայց ցավս դա չի, բյուջեյի փողերը միշտ էլ գողացվելել են, թե՛ նախկինում, թե՛ հիմա։ Իրականում՝ օրեցօր զարգացող քաղաքային օրգանիզմի ենթակառուցվածքային նշանակության շինարարության (նկատի ունեմ Դավթաշեն-Զովունի-Թբիլիսյան խճուղի կամուրջը) փողերը պիտի «վառենք» կամ «տանենք աղբավայր»։ Տեղին է ասված. «Ամեն խաղը խաղացինք, մնացել էր սարի սմբուլը»։

Էդուարդ Սարիբեկյան

«7 օր» լրատվավերլուծական կաքէջի խմբագիր

Հ. Գ. Այսօվա քաղաքապետը շատ լավ գիտի, թե քաղաքային իշխանություններից որքա՞ն ջանք պահանջվեց ժամանակին, որ այդ կամրջի շինարարությունն ընդգրկվի բյուջեյում։ Շատ լավ է պատկերացնում նաև վարչապետը, որ շինարարությունը, հատկապես ենթակառուցվածքային նշանակության օբյեկտների, երկրի տնտեսության զարգացման համար կարևորագույն նշանակություն ունի, թե չէ, հենց նույն չարաբաստիկ նիստը հետևյալ խոսքերով չէր սկսի. «...Գաղտնիք չէ, որ շինարարությունը ամենամեծ մուլտիպլիկատիվ էֆեկտն ունի համախառն ներքին արդյունքի կառուցվածքի մեջ, քանի որ շինարարությունն իր հետևից շարժում է մեր տնտեսության մի մեծ հատված։ Եվ հասկանալի է, որ շինարարությունում ներդրումային ծավալների կրճատումը էական նշանակություն ունի ընդհանուր տնտեսական համակարգի համար»։

Ի դեպ, նույն նիստի ժամանակ կառավարությունը որոշում է ընդունել. կառուցապատողներին տրամադրել պետական երաշխիքներ՝ առաջին փուլում մինչև 20 մլրդ դրամի չափով։

Այս խորագրի վերջին նյութերը

Տոնական օրերի խեղաթյուրված պատկերացում

Տոնական օրերի խեղաթյուրված պատկերացում

Հուլիս 18, 2019 00:45 Նույն հաջողությամբ կարելի էր Մարտի 1-ը հանել սգո օրերի ցուցակից և Հոկտեմբերի 27-ի հետ միասին ներառել Հայաստանի պաշտոնական տոնացույցում։
Հիմա էլ հերթը հասավ Վարդան Պողոսյանին

Հիմա էլ հերթը հասավ Վարդան Պողոսյանին

Հուլիս 17, 2019 09:00 Պետք եղավ` Վարդան Պողոսյանի «բարեվարքությունն» էլ կստուգեն, հետ կկանչեն և իրենց մարդուն (օրինակ, Ջհանգիրյանին) կգործուղեն Վենետիկ։
Վենետի՜կ, Վենետի՜կ. մեզ Վիետնամում էլ վատ չէին կերակրում (տեսանյութ)

Վենետի՜կ, Վենետի՜կ. մեզ Վիետնամում էլ վատ չէին կերակրում (տեսանյութ)

Հուլիս 16, 2019 11:50 Փաշինյանը դեռ լուռ է։ Տնեցիներն էլ են լուռ։ Անգամ օրիորդ Փաշինյանը չի արձագանքել Վենետիկի հանձնաժողովից դուրս եկած փաստաթղթին։
Մենք ճիշտ էինք, Նիկոլը` սխալ

Մենք ճիշտ էինք, Նիկոլը` սխալ

Հուլիս 16, 2019 10:30 Քայլարածներին թվում էր` ծովը ծնկներից է. ժողովրդի անունից ինչ ուզեն` կանեն։
Փաշինյանը փոխեց բանակցային ձևաչափը... Ադրբեջանի օգտին

Փաշինյանը փոխեց բանակցային ձևաչափը... Ադրբեջանի օգտին

Հուլիս 15, 2019 20:40 «Արցախի ադրբեջանական համայնքը» դառնում է բանակցությունների լիարժեք սուբյեկտ:
Որտե՞ղ են ամառում «բնապահպանները», կամ Ամուլսարն անկախացել է ՀՀ–ից

Որտե՞ղ են ամառում «բնապահպանները», կամ Ամուլսարն անկախացել է ՀՀ–ից

Հուլիս 15, 2019 14:30 «Բնապահպանների» դարդը ոչ թե Սևանն է, այլ կասկածելի տեղից Ամուլսարի հանքի դեմ ուղղորդվող արշավից իրենց փայը պոկելը։
Վենետիկի հանձնաժողովի դեղին քարտը Նիկոլ Փաշինյանին

Վենետիկի հանձնաժողովի դեղին քարտը Նիկոլ Փաշինյանին

Հուլիս 15, 2019 09:44 Փաշինյանին մնում է Գագիկ Ջհանգիրյանի ու Վահե Գրիգորյանի հետ ասուլիս հրավիրել ու կոչ անել շրջափակել Վենետիկի հանձնաժողովի նստավայրը։
«Նոր» Հայաստանի հին դեմքը. Գագիկ Ջհանգիրյան (տեսանյութ)

«Նոր» Հայաստանի հին դեմքը. Գագիկ Ջհանգիրյան (տեսանյութ)

Հուլիս 14, 2019 13:40 Իրական նոր Հայաստանում ջհանգիրյանները չպետք է եթերային աստղ դառնան։
Լռության գինը

Լռության գինը

Հուլիս 13, 2019 11:20 «Մամուլի ազատություն և ժողովրդավարություն» գոռալով` երկիրը վերածեցին մեկ մարդու (կամ մեկ ընտանիքի) իշխանության։
Արցախի շուրջ օղակը սեղմվում է

Արցախի շուրջ օղակը սեղմվում է

Հուլիս 12, 2019 09:55 Բանակցային գործընթացը սահուն կերպով վերադառնում է 1996-97թթ.։
Վախկոտի հոգեբանություն

Վախկոտի հոգեբանություն

Հուլիս 11, 2019 08:20 Վախեցած է լյումպենի «դուխով» վարչապետը։
Տուսկը բացահայտեց Փաշինյանի «կետը»

Տուսկը բացահայտեց Փաշինյանի «կետը»

Հուլիս 10, 2019 20:00 Նա մի կողմից հայտարարում է, որ չի բանակցում Ալիևի հետ, բայց իրականում ինտենսիվ բանակցում է։ Այսինքն՝ սուտ է խոսում։
Ստամբուլյան կոնվենցիան և քայլարածների վարքագիծը

Ստամբուլյան կոնվենցիան և քայլարածների վարքագիծը

Հուլիս 10, 2019 01:15 «Թավշյա հեղափոխություն արած հպարտ քաղաքացիների» հասարակությունը ներկայացնել որպես բռնարարների և բռնաբարների հասարակություն։
Փաշինյանի մերիտոկրատական բաժակաճառը և օխլոկրատական կառավարումը

Փաշինյանի մերիտոկրատական բաժակաճառը և օխլոկրատական կառավարումը

Հուլիս 09, 2019 11:25 Այցը տեղի է ունեցել «Տեսնեմ Սինգապուրն ու նոր մեռնեմ» ծրագրի շրջանակներում։
Երբ Սահմանադրությունը մեկնաբանում են սահմանադրի անունից

Երբ Սահմանադրությունը մեկնաբանում են սահմանադրի անունից

Հուլիս 09, 2019 08:35 Ընտրակեղծիքների «կնքահայր» Գագիկ Ջհանգիրյանը եւ բառախաղային «կռուտիտների» խոշոր մասնագետ Վահե Գրիգորյանը։
«Ռուսթավի 2»-ի լրագրողը կրկնել է Փաշինյանին. ո՞րն է ընդհանրությունը (տեսանյութ)

«Ռուսթավի 2»-ի լրագրողը կրկնել է Փաշինյանին. ո՞րն է ընդհանրությունը (տեսանյութ)

Հուլիս 08, 2019 15:10 Նիկոլ Փաշինյանը Բոլթոնին ասել է «այո» կամ առնվազն չի ասել «ոչ»:
Ինչու են «տռաս» հանել Ջհանգիրյանին (տեսանյութ)

Ինչու են «տռաս» հանել Ջհանգիրյանին (տեսանյութ)

Հուլիս 08, 2019 14:20 Ջհանգիրյանը դարձել է լևոնանիկոլական իշխանության խորհրդանիշը՝ «նոր» Հայաստանի խորհրդանիշը:
Նիկոլ Փաշինյանի նոր հենարանը

Նիկոլ Փաշինյանի նոր հենարանը

Հուլիս 08, 2019 10:45 Ոմանք մտածում էին, որ Նիկոլը հարուստներից փողերը հավաքելու է ու իրենց բաժանի։
Դարձ  ի շրջանս  յուր․ սպասենք «պատերա՞զմ, թե՞ խաղաղություն-2»-ին

Դարձ ի շրջանս յուր․ սպասենք «պատերա՞զմ, թե՞ խաղաղություն-2»-ին

Հուլիս 08, 2019 00:10 Ալիեւի հետ Փաշինյանի «տետ ա տետ» հանդիպումները եւ ԱՄՆ պետքարտուղարի օգնական Բոլթոնի հետ «կոնսուլացիաները» իզուր չեն անցել։
Փաշինյանը խոստովանել է, թե ինչու է Քոչարյանի դեմ պայքարում

Փաշինյանը խոստովանել է, թե ինչու է Քոչարյանի դեմ պայքարում

Հուլիս 06, 2019 13:30 Ինչո՞ւ են «Ազատություն» ռադիոկայանը և թուրք–ադրբեջանական լոբբինգով զբաղվող 5–րդ շարասյունը պաշտպանում Փաշինյանին։