Արդեն տեղեկացրել ենք, որ ՀԱԿ հայտնի ակտիվիստ Վարդգես Գասպարին քաղբանտարկյալ Արա Հովհաննիսյանին նարկոման, գող, ավազակ և փալաս է անվանել ու պահանջում է նրան հեռացնել ՀԱԿ–ից։

Իր բողոքի ձայնը Վարդգես Գասպարին շարունակում է բարձրացնել։ Այժմ էլ «Facebook» սոցիալական ցանցի «Պայքար, պայքար, մինչև վերջ» էջում է գրել, թե հանցաշխարհի ներկայացուցիչ Արա Հովհանիսյանը ՀԱԿ- ում տեղ և անելիք չունի։

«Նա բազմիցս հայտարարել է. «Ինչ քաղբանտարկյալ, ես գողական եմ»: Նրա ծնողը Ազատություն ռ/կ-ով հայտարարել է. «Սերժը, թե Լևոնը, ինձ համար մեկ են. թող տան իմ էրեխին, էս երկրից գնամ»: Տվեցին էրեխիդ, թող ՀԱԿ-ից հեռացի՛ր: Ո՞վ է շահագրգռված հանցաշխարհի ներկայացուցչին ՀԱԿ շարքերում պահել»,–մասնավորապես գրել է Գասպարին։

Իսկ նույն սոցիալական ցանցի արդեն իր էջում նա ավելացրել է.

«Ես շեշտում եմ, որ ոչ միայն որպես անձ, այլ նաև որպես հանցաշխարհի ներկայացուցիչ՝ Արա Հովհաննիսյանը պետք է հեռացվի ՀԱԿ-ից: Նա ցայտուն իրեն դրսևորել է գողապետական բուրգի հիերարխիայում:

Հատված «Նուբարաշենում» նրա վարքագծին լրիվ համապատասխանող իմ գրառումից.

Գողական օրենքները հարկադրելու համար առանձնապես նվաստացնում էին որոշ կալանավորների: Այդ անձինք, մեծամասնության կողմից ենթարկվում էին ծաղր ու ծանակի` դիպչելով նրանց ամենաանձնական, զգայուն և ցավոտ խնդիրներին: Անշեղորեն իրականացվում էր գողական աշխարհի հայտնի ասացվածը. «Բերդը կոտրում է մարդկանց»։ Խցում գողական փոքրամասնությունը, խուց նայողի գլխավորությամբ, մշտական սթրեսի մեջ էր պահում մյուս մասին: Առիթները լինում էին կենցաղային ամենատարբեր հարցերը: Որոշ մարդիկ խիստ սթրեսի պատճառով ձեռք էին բերում հիվանդություններ (մարմնի մասերի` ձեռքերի-ոտքերի ուռածություն): Առավել դաժան դեպքերում մարդիկ կորցնում էին   ինքնավստահությունը, նույնիսկ կանգնում են ինքնությունը կորցնելու, խելագարության շեմին: Դա արվում էր  այլոց դասեր տալու, նրանց հնազանդեցնելու համար: Կալանավորին նվաստացնելու դասական եղանակ էր նրան որպես «գալուբոյ ներկայացնելը, նրան իգական սեռի անունով դիմելը, նրա հասցեին գռեհիկ սեքսուալ  արտահայտություններ անելը, նրան ծաղրելը, խմբովին ծանակի ենթարկելը: Դա մինչև ինքնասպանության աստիճանի ճնշող երևույթ էր, և դժվար թե որ որևէ մեկը, նույնիսկ ազատվելուց հետո,  բողոքի իր նկատմամբ նման բռնություններ կիրառվելու դեմ:

-Գայուշ, հլե գնա լողցի... ասա տնից էն թելով վարդիկներից ուղարկեն...հո հիվանդ չե՞ս...

ԱՄՈԹ ՄԵԶ ԲՈԼՈՐԻՍ ՄԵՐ ԷՍՊԵՍ ՔԱՂԲԱՏԱՐԿՅԱԼ ՊԱՀԵԼՈՒ ՀԱՄԱՐ»

7or.am