Պատասխանելով հարցին, թե ի՞նչ կասի այն մասին, որ լեհական «Nowa Europa Wschodnia»–ին տված հարցազրույցում արված  որոշ  հայտարարություններ միանշանակ չեն մեկնաբանվում՝ ԵԱՀԿ գործող նախագահի  անձնական ներկայացուցիչ Անջեյ Կասպրչիկն ասել է.

–Նախ  և առաջ, դա ոչ թե հարցազրույց է եղել, այլ փորձագետների  հետ  զրույց, որը տեղի է ունեցել երեք ամիս առաջ։ Հրապարակված  տեքստում որաշակի արտահայտություններ համատեքստից դուրս են գրվել, դրան գումարած՝ թարգմանության մի քանի անճիշտություններ։  Այս ամենի հետևանքով որոշակի պահեր կարող են ընկալվել ոչ այնպես, ինչպես ես եմ ասել։ Այնպես որ՝ մեկնաբանություններն ավելորդ են։