Խմբագրական

Հուլիս 02, 2011 14:09

«Մեղրամսի» ավարտն ու չհասկացվածության պատը

«Մեղրամսի» ավարտն ու չհասկացվածության պատը

Կար մի ժամանակ, երբ «Եղիազարն» ու «միաբանը» իրար հասկանում էին երկար տարիներ համատեղ կյանքով ապրած ամուսինների պես։

Բերեմ Սարգսյանի ու Տեր–Պետրոսյանի փոխադարձ օգնության և հասկացվածության մի քանի օրինակներ։

Այսպես, այս տարվա փետրվարին Սարգսյանին անհրաժեշտ էր իր իշխանության վերարտադրությանը նպաստող կոալիցիոն նոր հուշագիր ստորագրել և այդ ձևով պայքարել ոխերիմ գործընկերոջ դեմ։ Տեր–Պետրոսյանն անմիջապես պաշտպանեց ՀՀԿ «ճկուն» ղեկավարի այդ նախաձեռնությունը և դարձավ «ֆուտբոլասեր» նախագահի կայունության երաշխիքը՝ PR անելով Սերժ Սարգսյանին ու բարձրաձայնելով, թե «մոնղոլ–թաթարական» որակված համակարգի պարագլուխը վայելում է Արևմուտքի լիակատար աջակցությունը։

Հաջորդը. Սարգսյանն ասում էր, թե հանձնարարել է Արդարադատության նախարարին լուծումներ գտնել, որպեսզի Հանրապետության տոնի կապակցությամբ քաղաքական մթնոլորտը լիցքաթափվի, Տեր–Պետրոսյանը միանգամից հասկանում էր, որ իր ընկերներին բաց են թողնելու մինչև մայիսի 28–ը և համարում էր իր «պահանջներից» մեկը կատարված։

Սարգսյանը մարտի 1–ի թեմայով մի ձևական հայտարարություն էր անում, Տեր–Պետրոսյանը դա ներկայացնում էր որպես իրենց ցանկության բավարարում։

Մի խոսքով, Լ. Տեր–Պետրոսյանը պետք եղած ժամանակ աջակցում էր Ս. Սարգսյանին, ինչպես նաև անմիջապես ընկալում նրա «կես բերան» ասածները՝ շտապելով վերածվել «կոնտրագենտի» խոսքերի թարգմանի ու ԱՀՔ–ի (Ազատության հրապարակում քարոզողի)։

Վերջին շրջանում, սակայն, կողմերի միջև չհասկացվածության պատ է առաջացել։ Ավելի ճիշտ՝ Տեր–Պետրոսյա՛նն է «կորցրել» Սարգսյանի ուղիղ ասած խոսքերն ընկալելու կարողությունը։ Ստիպված։ Տեր–Պետրոսյանին հիմա այլ բան չի մնում անելու, քան անհասկացող ձևանալը։

Տեսե՛ք. Սարգսյանը, իր դիրքերն ամրապնդելուց և ՀԱԿ–ի երեք «պահանջները» կատարելուց հետո, այլոց շուրթերով Տեր–Պետրոսյանին ուղարկեց հայտնի ուղղությամբ, իսկ ՀԱԿ առաջնորդը նշեց է, թե դա դեռ ոչինչ չի նշանակում։ Դրանից հետո Սարգսյանն անձա՛մբ արտահերթ ընտրություններ անցկացնելու ՀԱԿ պահանջին ասեց «ոչ», իսկ ԱՀՔ–ը, ով մի քանի շաբաթ առաջ ընկալում էր անգամ Սարգսյանի դեմքի միմիկան, շտապեց հաղորդագրություն տարածել, թե լավ չի հասկացել նրան ու հասկանալու համար կառույցներով համակոնգրեսական քննարկումներ պետք է կազմակերպի։

Սարգսյանը, փաստացի, ասեց, թե աչքիս չերևաք ու ՀԱԿ պատվիրակությանն ուղարկեց դռնեդուռ, իսկ «արմատականները» շարունակում են հայտարարել, թե դա դեռ ոչինչ չի նշանակում. այդպես ՀԱԿ վերնախավին, երևի, ավելի հեշտ է ապրել։

«Բա հո՞ «այո» չէր ասելու։ «Ոչ»–ը ներքին օգտագործման համար է՝ իշխանական շրջանակներին հանգստացնելու նպատակով»,– դեմքի «խորհրդապահական» տեսքով նշում են ՀԱԿ–ի մշակները՝ հիշեցնելով այն կանանց, ովքեր որպես սրտի մխիթարանք հաճախ են կրկնում, թե եթե ամուսինն իրենց ծեծում է՝ ուրեմն սիրում է։ Ինչևէ։

Եթե հիշում եք, ճիշտ նույն ձևով էին իրենց պահում Սերժ Սարգսյանն ու իր թիմակիցները հայ–թուրքական «մեղրամսի» բուռն շրջանում, երբ թուրքերը ուղղակի ձևով և ամեն առիթով հայտարարում էին, թե իրենք սահմանը չեն բացի ու դիվանագիտական հարաբերություններ չեն հաստատի՝ քանի դեռ հայերը Ղարաբաղի հարցում միակողմանի զիջման չեն գնացել։

Ի պատասխան Էրդողանի բազմիցս հնչեցրած «ոչ»–ին Սարգսյանը հայտարարում էր, թե դա ներքին օգտագործման համար է։ «Բա հո՞ «այո» չէր ասելու»,– դեմքի «նախաձեռնողական» արտահայտությամբ հայտարարում էին Բաղրամյան 26–ի մշակները։

Իրականությունն այն է, որ և՛ Սարգսյանը, և՛ Տեր–Պետրոսյանը «նախաձեռնողական» քաղաքականություն վարեցին համապատասխանաբար Թուրքիայի ու Հայաստանի իշխանության հետ և յուրաքանչյուրն իր մասով խայտառակ պարտություն կրեց։

Ե՛վ Սարգսյանը, և՛ Տեր–Պետրոսյանը «երկխոսության» կեսից հասկացան կամ «էն գլխից» էլ գիտեին, որ «քցվել» կամ «քցվելու» են հակառակ կողմից, բայց հիմա ստիպված իրենց դրել են չհասկացողի տեղ և հույս ունեն, թե ժամանակ ձգելով կկարողանան պահել իրենց դիրքերը։ Երկուսն էլ ուզում են հավատալ իրենց «բլեֆին» և հիմարի տեղ դնել հասարակությանը՝ չզգալով, որ մարդիկ շատ պարզ տեսնում են, որ թագավորը մերկ է։

Սարգսյանը հիմա շատ լավ գիտե, որ Էրդողանը սահմանը չի բացելու և ինքը չի լուծելու իր առջև դրած խնդիրը, բայց շարունակում է ստորագրությունը պահել հայ–թուրքական տխրահռչակ արձանագրությունների տակ և ձև տալ, թե իբր հավատում է, որ «երկխոսության» արդյունքում մի օր  Թուրքիան կվավերացնի արձանագրությունը։

Իր հերթին էլ Տեր–Պետրոսյա՛նը շատ լավ գիտե, որ արտահերթ նախագահական ու խորհրդարանական ընտրություններ չեն լինելու, բայց շարունակում է այդ թեմայով խոսել և ձև տալ, թե իբր հավատում է «երկխոսության» միջոցով արտահերթ ընտրությունների անցկացման հնարավորությանը։

Մեկ բան ակնհայտ է, որ եթե մենք ուզում ենք հետ պտտեցնել հայ–թուրքական «ֆուտբոլն» իր բոլոր բացասական հետևանքներով հանդերձ, ապա դա կարող է անել միայն նոր իշխանությունը։

Ակնհայտ է նաև մեկ այլ բան, որ եթե մենք ուզում ենք իշխանափոխություն և համակարգափոխություն, ապա դա կարող է անել միայն ընդդիմադիր նոր ձևաչափը՝ նոր ուժը։

Անդրանիկ Թևանյան

Այս խորագրի վերջին նյութերը

Նիկոլը ճիշտ չէ, իսկ Սերժ Սարգսյանը սխալվեց

Նիկոլը ճիշտ չէ, իսկ Սերժ Սարգսյանը սխալվեց

Ապրիլ 23, 2019 11:45 Նիկոլը ճիշտ էր 2018թ. ապրիլի 23–ին, բայց սխալվեց վարչապետ դառնալուց հետո:
Փաշինյանը կրկին խոսեց ձևի ու լռեց բովանդակության մասին

Փաշինյանը կրկին խոսեց ձևի ու լռեց բովանդակության մասին

Մարտ 12, 2019 18:40 Նա պառակտել է Հայաստանի հանրությանը, բայց պատրաստ է խաղաղություն քարոզել հարևան երկրում ու քիրվայություն անել ադրբեջանցիների հետ:
Լևոն Տեր-Պետրոսյանի սպասելի նյարդայնացումը

Լևոն Տեր-Պետրոսյանի սպասելի նյարդայնացումը

Մարտ 01, 2019 16:50 Իրականությունն այն է, որ «Մարտի 1»-ը հնարավոր դարձավ ատելության մթնոլորտի արդյունքում:
Չդառնալ «Մարտի 1»-ի վարչապետ

Չդառնալ «Մարտի 1»-ի վարչապետ

Փետրվարի 22, 2019 10:10 96-ի կեղծիքների ու բռնության հետևանք էին 98-ի իշխանափոխությունը, 1999-ի հոկտեմբերի 27-ը ու 2008–ի մարտի 1-ը:
«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

Փետրվարի 13, 2019 20:53 Դե արի ու այսքանից հետո քննադատիր նրանց, ովքեր Փաշինյանի՝ իշխանության գալու մեջ դրսի ուժերի դավադրություն են տեսնում:
Կենտրոնական բանկի «մեսիջը» կառավարությանն ու հպարտ քաղաքացիներին

Կենտրոնական բանկի «մեսիջը» կառավարությանն ու հպարտ քաղաքացիներին

Փետրվարի 05, 2019 13:05 Որքան էլ ԱՎԾ–ն ուշացրեց տարեկան մակրոցուցանիշների ամփոփումը, միևնույն է, վերջում թվերը հեղափոխական չստացվեցին։
Փաշինյանը՝ Սորոսի ու Բոլթոնի արանքում

Փաշինյանը՝ Սորոսի ու Բոլթոնի արանքում

Փետրվարի 04, 2019 19:00 Բոլթոնի պլանով նախատեսվում է, որ Հայաստանը պետք է զիջումների գնա Արցախի հարցում՝ մինչ այդ պատրաստելով հասարակությանը «խաղաղությանը»:
Փաշինյանը մերժո՞ւմ է Բոլթոնի պլանը

Փաշինյանը մերժո՞ւմ է Բոլթոնի պլանը

Փետրվարի 02, 2019 11:35 Ինչո՞ւ Փաշինյանը մտավ Բոլթոնի պլան և ինչո՞ւ է այժմ փախչում դրանից։
Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Հունվար 28, 2019 16:34 Հիմա կրկին, ինչպես 1998–ին, Հայաստանի ու Արցախի գլխին մութ ամպեր են կուտակվում։
Մեծ խաղի փոքրիկ դետալները

Մեծ խաղի փոքրիկ դետալները

Հունվար 24, 2019 11:55 Գալի՞ս է Փաշինյանի՝ «Պատերա՞զմ, թե՞ խաղաղություն» գրելու ժամանակը։
Ինչպես է Նիկոլ Փաշինյանը նախապատրաստվում խաղաղությանը

Ինչպես է Նիկոլ Փաշինյանը նախապատրաստվում խաղաղությանը

Հունվար 17, 2019 12:20 Փաշինյանը չունի Արցախի խնդրի լուծման հարցում որոշումներ կայացնելու մանդատ, լեգիտիմություն ու անհրաժեշտ պաշար:
Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Հունվար 09, 2019 14:15 Փաստորեն, եթե Քոչարյանի գրքի վաճառքը սկսվի Հայաստանում, ապա Փաշինյանը կարող է է՛լ ավելի մեծ ռեկորդների մասին խոսել:
Թումանյանի «մեսիջը» հայ ժողովրդին

Թումանյանի «մեսիջը» հայ ժողովրդին

Հունվար 03, 2019 09:55 Դերասանությունը գեղեցիկ է բեմի վրա, ուր խաղում են, բայց այն գարշելի է կյանքի մեջ, ուր ապրում են: Բեմի վրա խաղացողները շնորհքով մարդիկ են, իսկ կյանքում խաղացողները՝ ցածերն ու կեղծավորները:
2018-ը՝ մերժման, իսկ 2019-ը ՝ ԽԵԼՔԻ տարի

2018-ը՝ մերժման, իսկ 2019-ը ՝ ԽԵԼՔԻ տարի

Դեկտեմբեր 31, 2018 21:22 Մեզ մոտ ոչ թե նոր Հայաստանի նոր իշխանություն է ձևավորվել, այլ հին Հայաստանի վերջին իշխանությունը:
Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Դեկտեմբեր 26, 2018 16:00 Բոլթոնի պլանի կյանքի կոչումն է, որ ոգևորել է Ադրբեջանին ու, ամենայն հավանականությամբ, այդ պլանը դիմադրության չի հանդիպել Հայաստանում:
Ի՞նչ բացահայտեց գաղտնալսումը

Ի՞նչ բացահայտեց գաղտնալսումը

Դեկտեմբեր 06, 2018 14:15 Հասկանո՞ւմ է արդյոք Փաշինյանը, որ շատ ավելի լուրջ խնդիրներ մեր պետության և անձամբ իր համար կառաջանան, եթե նա բացի «Պանդորայի արկղը»:
Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Նոյեմբեր 27, 2018 14:40 «Նիկոլը Ճիշտ էր, ես սխալվեցի» սարգսյանական ձևակերպումն այլ իմաստ է ստանում:
Ո՞վ կհաղթի ընտրություններում

Ո՞վ կհաղթի ընտրություններում

Նոյեմբեր 22, 2018 17:00 Տիգրան Մուկուչյանը, դեմքի անմեղ հայացքով ու իր բարի աչուկները ճպճպացնելով, մեզ կհաղորդի թվերը այնպես, ինչպես հաղորդում էր նախորդ ընտրությունների ժամանակ:
Օլիգարխիայի երկաթյա կանոնը «Քաղաքացիական պայմանագրում»

Օլիգարխիայի երկաթյա կանոնը «Քաղաքացիական պայմանագրում»

Նոյեմբեր 16, 2018 11:38 ՀՀԿ-ն ու դրա լիդերը ցանկության դեպքում անգամ չէին կարող այնպիսի մոդել ստեղծել, ինչպիսին որ ստեղծում է Նիկոլ Փաշինյանը:
Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Նոյեմբեր 09, 2018 15:28 Ո՞վ կդառնա Նիկոլ Փաշինյանի իշխանության գլխավոր հակառակորդը: