Քաղաքական

22.09.2011 14:46


ՀՀԿ–ական պատգամավոր. «Ամոթն այն է, որ մարդիկ անխակությունը վերագրում են իրենց»

ՀՀԿ–ական պատգամավոր. «Ամոթն այն է, որ մարդիկ անխակությունը վերագրում են իրենց»

ԱԺ սոցիալական հարցերի մշտական հանձնաժողովի նախագահ, ՀՀԿ խմբակցության անդամ Հակոբ Հակոբյանը և ՀԱԿ ներկայացուցիչ, ԿԲ նախկին նախագահ Բագրատ Ասատրյանը խոսել են ՀՀ անկախության 20–ամյակի և այս տարիների ձեռքբերումների մասին։

–Այսօր անկախության մասին խոսում են այն մարդիկ, որոնք դեմ են եղել անկախությանը, մարդիկ, որոնց համար ոչ մի արժեք չի եղել։ Այսօր իշխանության մեջ կան մարդիկ, որոնք ասում են, թե սխալ արեցիք, որ դուրս եկաք Խորհրդային Միության կազմից,–նման կարծիք է հայտնել Բ. Ասատրյանը։

–Ամոթն այն է, որ մարդիկ անխակությունը վերագրում են իրենց։ Սա բացարձակ ամոթ է։ Անկախությունը պատկանում է ժողովրդին։ Անկախությունը վերագրել մարդկանց՝ սա ժողովրդի դեմ հանցագործություն է,–ՀԱԿ ներկայացուցչին հակադարձել է ՀՀԿ–ական պատգամավորը։

–Անկախության համար մենք չենք կռվել։ Անկախությունը մեզ համար ստեղծվել է քաղաքական նախապայմաններից ելնելով,–նշել է Հ. Հակոբյանը։

–1991թ. մարտին անկախության վճիռը կայացնելուց հետո սովետական բանակն է մարտնչել Հայաստանի դեմ։ Տեղյակ ե՞ք, թե՞ չէ։ Էս ի՞նչ եք խոսում։ «Կոլցո» օպերացիան ինչո՞ւ Ղարաբաղում եղավ,–առարկել է Բ. Ասատրյանը։

7or.am

Այս խորագրի վերջին նյութերը