Քաղաքական

17.01.2012 13:49


Արմեն Մարտիրոսյանը դուրս կգա «Նիգ–Ապարանից», եթե...

Արմեն Մարտիրոսյանը դուրս կգա «Նիգ–Ապարանից», եթե...

«Տիգրան Մեծ» տպարանի տնօրեն, «Նիգ–Ապարան» հայրենակցական միության պատվավոր նախագահ Վրեժ Մարկոսյանը հայտարարել է, որ 2012թ. խորհրդարանական ընտրություններին թիվ 14 ընտրատարածքում առաջադրելու է իր թեկնածությունը։

«Նիգ–Ապարան» հայրենակցական միության անդամ, «Ժառանգություն» խմբակցության պատգամավոր Արմեն Մարտիրոսյանը «7օր»–ին տված հարցազրույցում ասել է, թե Վրեժ Մարկոսյանը կարող է ընտրություններին իր թեկնածությունն առաջադրել զուտ որպես ՀՀ քաղաքացի, իսկ «Նիգ–Ապարանը»՝ որպես հայրենակցական միություն, իրավունք չունի խառնվելու կուսակցական, քաղաքական գործերին։

–Քաղաքական որևէ գործունեության չպե՛տք է խառնվի «Նիգ–Ապարանը», որովհետև այն հայրենակցական միություն է, և այնտեղ քաղաքական տարբեր կողմնորոշումներ ունեցող անձինք կան։ Ըստ կանոնադրության՝ դա բացառապե՛ս հայրենակցական միություն է, որը պետք է Ապարանի տարածաշրջանի հետ կապված խնդիրներ լուծի,–ասել է Ա. Մարտիրոսյանը,–իսկ եթե «Նիգ–Ապարանը» խառնվի քաղաքականությանը, ես՝ որպես այդ հայրենակցական միության անդամ, դուրս կգամ այնտեղից, որովհետև ես նրան անդամակցում եմ որպես հայրենակցական միության և ոչ թե որպես քաղաքական ուժի։

7or.am

Այս խորագրի վերջին նյութերը