Կարծիք

Մարտ 04, 2012 21:03

Ինչու է պարտվելու ՀՀԿ-ն

Ինչու է պարտվելու ՀՀԿ-ն

Վարչախմբի առաջնորդներն իրենց տաքուկ անկյուններում նստած որոշում են, թե ինչ քայլեր իրականացնել վերարտադրությունը հաջողությամբ իրականացնելու համար: Նրանց չի էլ հետաքրքրում, թե այդ նույն վերարտադրության մասին ինչ է մտածում ընտրողը: Նրանք այնքան են կտրված իրականությունից, այնքան են կտրված աշխարհում տեղի ունեցող փոփոխություններից, որ ավելի քան համոզված են, որ օգտագործելով նախկին մեթոդներն ու հնարքները կկարողանան հակառակ ժողովրդի կամքի ձեւավորել այնպիսի խորհրդարան եւ կառավարություն, որը կապահովի իրենց հետագա իշխանությունը: Ահա պատճառներից մեկը, թե ինչու է պարտվելու ՀՀԿ-ն: Բնականաբար, հաջողության չի կարող հասնել այն ուժը, որը կորցնում է իրականության զգացումը, եւ որը հանրության շրջանում աջակցություն չի վայելում:

Վարչախմբին թվում է, թե Սերժ Սարգսյանի կողմից ՀՀԿ համամասնական ցուցակի գլխավորումը դրական ազդեցություն կունենա եւ կհամախմբի շարքերը: Իրականում այս որոշումը բոլորովին հակառակ ազդեցությունն է ունենալու: Կուսակցության շարքերում արդեն հասկացել են, որ իրավիճակն այնքան վատ է, որ Սերժ Սարգսյանը ստիպված է եղել նման աննախադեպ որոշում կայացնել։ Ավելորդ չէ ընդգծել, որ Հայաստանի պատմության մեջ առաջին անգամ գործող նախագահը դառնում է կողմ, այլ ոչ թե արբիտր։ Սա հաստատ լուրջ պատճառ է, որ ընտրություններում ՀՀԿ անհաջողության մատնվի:

ՀՀԿ-ն առաջիկա խորհրդարանական ընտրություններին ձախողվելու է եւս մի շատ լուրջ պատճառով: Բանն այն է, որ ՀՀԿ-ն համառորեն չի ցանկանում ընդունել իր սխալներն ու ձախողումները եւ համառորեն կարծում է, թե ժողովուրդն այնքան պրիմիտիվ է, որ կհավատա իրենց քարոզչամեքենայի գերստերին: Անկասկած, այն ուժը, որը թերագնահատում է ժողովրդին եւ չի ընդունում իր սխալներն ու բացթողումները դատապարտված է պարտության:

Մայիսի 6-ին ՀՀԿ-ն պարտվելու է եւս մեկ կարեւոր պատճառով: Չմոռանանք, որ տնտեսական ճգնաժամի ընթացքում ամբողջ աշխարհում հրաժարականներ տվեցին անհաջողության մատնված բազմաթիվ կառավարություններ, սակայն Սարգսյանը և ՀՀԿ–ն ատամներով պահեցին Տիգրան Սարգսյանին, փաստորեն, տեր կանգնելով նրա իրականացրած ավելի քան անհաջող տնտեսական քաղաքականությանը: Եթե չլինեին նախորդ պատճառները, ապա այս մեկը լիուլի բավարար է, որպեսզի ընտրողը ՀՀԿ-ի օգտին չքվեարկի:

Սերժ Սարգսյանի գլխավորած կուսակցությունն անհաջողության է մատնվելու նաեւ այն պատճառով, որ վերջին չորս տարիներին, միջին հաշվով, Հայաստանից յուրաքանչյուր տարի արտագաղթել է շուրջ 50 հազար մարդ: Նույնիսկ պաշտոնական վիճակագրությունն է վկայում արտագաղթի ահասարսուռ չափերի մասին: համաձայնվեք, որ նման իրավիճակում ՀՀԿ-ն չի կարող հաջողության հասնել: Ավելին, այսպիսի ձախողում արձանագրած յուրաքանչյուր քաղաքական ուժ պետք է ինքնակամ դադար վերցնի եւ զիջի երկրի կառավարման ղեկը:

Վարչախմբի կուսակցությունը մայիսին պարտվելու է եւս մեկ պատճառով: Վերջին չորս տարիների ընթացքում զինված ուժերում արձանագրված մեծ թվով ողբերգական միջադեպերը բավական են, որ ՀՀԿ-ն մտածի հինգ տոկոսանոց շեմը մի կերպ հաղթահարելու, այլ ոչ թե վերարտադրվելու մասին։

ՀՀԿ-ն անհաջողության է մատնվելու նաեւ այն պատճառով, որ անցած տարիների ընթացքում կարողացավ ծանրագույն հարված հասցնել բիզնեսի բոլոր շերտերին:

ՀՀԿ-ն չի կարող հաղթանակի հասնել եւս մի կարեւոր պատճառով: Անցած տարիների ընթացքում ամեն ինչ արվեց գյուղացուն է՛լ ավելի ծանր վիճակում դնելու համար: Վարչախումբը ոչ միայն ոչնչով չաջակցեց գյուղացուն, այլ նաեւ գցեց այնպիսի վարկային պարտավորությունների տակ, որից շատերն այդպես էլ չկարողացան դուրս գալ, ստիպված լինելով վաճառել իրենց ապրուստի միջոցը` հողը կամ անասուններին: Իշխող վարչախումբը ամեն ինչ արել է, որ գյուղացին այնքան աղքատանա, որ ընտրությունների ժամանակ գայթակղվի նույնիսկ ծառի տակ կազմակերպված քեֆ-ուրախությամբ կամ հինգ հազար դրամով: Հավատացեք, որ այս անգամ գայթակղվող գյուղացիների թիվը անհամեմատ ավելի քիչ է լինելու, քանի որ գյուղացին հասկացել է, որ այդ հինգ հազար դրամով ինքը հետագայում զրկվում է իրեն կերակրող հողից կամ անասուններից:

Եթե չլինեին վերոհիշյալ բոլոր պատճառները եւ լիներ միայն Սյունիքի մարզպետի ապտակը, ապա դա էլ բավարար կլիներ, որ իրեն հարգող ՀՀ յուրաքանչյուր քաղաքացի չքվեարկի ՀՀԿ-ի օգտին: Իսկ եթե սրան գումարենք նաեւ այն, որ ՀՀԿ ղեկավարները կանգնեցին մարզպետի կողքին, ապա ավելի հասկանալի կդառնա, թե ինչու է մայիսի 6-ին պարտվելու իշխող կուսակցությունը: Այսպիսով, ՀՀԿ-ի առաջիկա պարտության պատճառներից մեկն էլ լինելու է ցինիկության սահմանն անցած պաշտոնյան: Հավատացեք, որ արտագաղթի պատճառներից մեկն էլ հենց նմանատիպ մեծ ու փոքր պաշտոնյաներն են, որոնք հասցրել են զզվացնել մեր ժողովրդին:  

Կարելի է ՀՀԿ առաջիկա պարտության բազմաթիվ այլ պատճառներ էլ նշել, բայց այս դեպքում ընթերցողը կհոգնի: Պարզապես նշենք, որ միայն այն, որ Հայաստանի արտաքին պարտքը հասել է ռեկորդային ցուցանիշի, իսկ վարկերն էլ նպատակային չեն ծառայել, բավական է, որ ժողովուրդը «Ո՛Չ» ասի ՀՀԿ-ին:

Եւ վերջապես, ինչու պետք է հաջողության հասնի այն կուսակցությունը, որի առաջնորդներից մեկը նայելով ժողովրդի աչքերին խոստանում էր Դիլիջանը ֆինանսական կենտրոն սարքել, իսկ Գյումրին էլ` տեխնոպարկ:

Վարդան Մխիթարյան

Print Friendly and PDF

Այս խորագրի վերջին նյութերը

Մի՛ օգնեք հող հանձնողներին

Մի՛ օգնեք հող հանձնողներին

Մայիս 25, 2017 22:52 Հիմա ՀՀ-ի պարտականությունն է Արցախի համար դառնալ անվտանգության երաշխավոր։
Դա մեծացնում է քաղաքական պայթյունի հավանականությունը

Դա մեծացնում է քաղաքական պայթյունի հավանականությունը

Մայիս 25, 2017 13:31 Բարձրանում է ագրեսիայի աստիճանը։
Թուրքիան ու Ադրբեջանը «գրոհել» են Վրաստանի վրա

Թուրքիան ու Ադրբեջանը «գրոհել» են Վրաստանի վրա

Մայիս 25, 2017 13:14 Մանիպուլյացիաների միջոցով առավելագույն վերահսկողություն իրականացնել։
Մեր տնտեսությունն աճում է ինչպես գազարը՝ դեպի ներքև

Մեր տնտեսությունն աճում է ինչպես գազարը՝ դեպի ներքև

Մայիս 24, 2017 16:52 Ո՞վ է ասում, որ չի աճում։
Ժողովուրդը ոչ թունելն է տեսնում, ոչ էլ՝ լույսը

Ժողովուրդը ոչ թունելն է տեսնում, ոչ էլ՝ լույսը

Մայիս 24, 2017 09:04 Հայաստանում իշխանությունը թունելի վերջում լույս է տեսնում։
Այսօրվա Հայաստանը մի քաղաքական պրոյեկտի հետևանք է

Այսօրվա Հայաստանը մի քաղաքական պրոյեկտի հետևանք է

Մայիս 24, 2017 08:23 Մի քանի փուլ է անցել։
Հիշում եմ ծնողներիս խրատները մինչև հիմա

Հիշում եմ ծնողներիս խրատները մինչև հիմա

Մայիս 24, 2017 07:12 Այն տարիքից, երբ արդեն սկսել եմ գիտակցել։
Ո՞վ է առաջինը կրակելու

Ո՞վ է առաջինը կրակելու

Մայիս 23, 2017 18:40 Թուրքիան էլ պետք է մուծվի զենքերի համար։
Երբ հայը Մոսկվայի կարմիր հրապարակում միզում է

Երբ հայը Մոսկվայի կարմիր հրապարակում միզում է

Մայիս 23, 2017 18:23 «Արա, բայց շատ չուզող ու նախանձ են էս հայերը, էլի»:
Մարքսի ամենամեծ պրոբլեմը

Մարքսի ամենամեծ պրոբլեմը

Մայիս 23, 2017 12:09 Այսօր կունենայինք լրիվ այլ տրամաբանությամբ ապրող աշխարհ։
Եվ այսպես, հրամանագրերով երկիրը «զարգանում» է

Եվ այսպես, հրամանագրերով երկիրը «զարգանում» է

Մայիս 23, 2017 08:11 Ուղղակի, մի քիչ թանաքի պակասություն կա։
Սպահանից մի հետաքրքիր պատմություն

Սպահանից մի հետաքրքիր պատմություն

Մայիս 21, 2017 20:53 Ամենահին կամուրջը սարքել են Նոր Ջուղայի հայ վաճառականների փողերով։
Սերժ Սարգսյանը մնում է Արցախին սպառնացող գլխավոր մարտահրավերներից մեկը

Սերժ Սարգսյանը մնում է Արցախին սպառնացող գլխավոր մարտահրավերներից մեկը

Մայիս 21, 2017 20:47 Անդառնալի հարված է հասցրել հայության անվտանգությանը։
Հեչ կարևոր չէ, թե ով է սուլթանը և ով է ձեզ բռնաբարում

Հեչ կարևոր չէ, թե ով է սուլթանը և ով է ձեզ բռնաբարում

Մայիս 21, 2017 20:30 Ռեակցիան նույնը պետք է լինի: Այն կամ կա, կամ չկա:
2040 թվականին ՀՀԿ-ի բազեները ի՞նչ թռչուն կլինեն

2040 թվականին ՀՀԿ-ի բազեները ի՞նչ թռչուն կլինեն

Մայիս 21, 2017 10:12 Չղջի՞կ, թե՞ բու...