Լրահոս

Հուլիս 27, 2012 13:12

Պարոն Սարգսյան, այս երիտասարդները Ձեր երեխաների տարիքի են, գուցե՝ ավելի փոքր

Պարոն Սարգսյան, այս երիտասարդները Ձեր երեխաների տարիքի են, գուցե՝ ավելի փոքր

«Պարոն Սերժ Սարգսյան

Ես իմ կյանքի լավագույն տարիները, ժամանակին անցկացրեցի խորհրդային բանտերում ու աքսորավայրերում այն բանի համար, որ Հայաստանը անկախ երկիր դառնա եւ, որ ես, հարկ եղած դեպքում, Հայաստանի Հանրապետության Նախագահի անունով նամակ կամ դիմում գրելու հնարավորություն ունենամ: Հետեւում են մնացել իմ ազատազրկման տարիները: Քսան տարուց ավել է, ինչ ապրում եմ Անկախ հռչակված Հայաստանում, բայց Ձեզ այսօր դիմելիս չեմ կարողանում գրել՝ ՀՀ Մեծարգո Նախագահ, եւ սա ինձ ցավ է պատճառում:

Ցավում եմ, բայց 2008թ. խնդրահարույց նախագահական   ընտրությունները, 2008թ մարտի մեկը, եւ դրան հաջորդող Ձեր կողմից իրականացվող քաղաքական հետապնդումներն ու բռնություններն ինձ թույլ չեն տալիս այդկերպ դիմել Ձեզ:

Բայց, պարոն Սարգսյան, անկախ Ձեր մկատմամբ ունեցած իմ վերաբերմունքից Դուք եք այսօր զբաղեցնում ՀՀ Նախագահի աթոռը: Ձեզանից չափազանց շատ բան է կախված: Մեր այս փոքրիկ երկրում Դուք իշխան էք: Դուք օրենքներից դուրս եւ օրենքներից վեր եք: Եթե միահեծան իշխանության մասին Ձեր պատկերացումներն այսպիսին են եղել կամ այսպիսին են, ապա դուք Ձեր պատկերացումների սահմանին եք: Այս երկրում Դուք կարող եք ամեն ինչ: Այս երկրում ամեն ինչ կախված է Ձեզանից ու պայմանավորված է Ձեզանով:

Ես, որպես այս երկրում ապրող երկարամյա իրավապաշտպան եւ Դուք, որպես այս երկրի երկարամյա իշխանավոր հավասարաչափ գիտենք, որ մեզանում չկա եւ քանի դեռ Դուք չեք ցանկացել, չի կարող լինել արդարադատություն ու անկախ դատարան: Սա այբբենական ճշմարտություն է: Այս իրողությունը հաշվի առնելով է, որ ես՝  ի պաշտպանություն ՀԱԿ-ի երիտասարդների, Ձեզ եմ գրում:

Պարոն Սարգսյան, բոլորս, այդ թվում եւ Դուք, գիտենք, որ դատարանի առջեւ  կանգնած այս երտասարդներն իրենց էությամբ հանցագործներ չեն: Սա երեւի ամենակարեւոր հանգամանքն է: Բոլորս գիտենք, որ դատարանը նրանց մեղավորությունն ապացուցող որեւէ փաստ չհայտնաբերեց: Բոլորս գիտենք, որ նրանք, երկրի վիճակով ու ճակատագրով մտահոգ խոստումնալից երիտասարդներ են՝ երիտասարդական ավյունով ու երիտասարդներին յուրահատուկ մաքսիմալիզմով լցված: Բոլորս գիտենք, որ լավ է, երբ երիտասարդն ունի հասարակական ու քաղաքական հետաքրքրություններ: Ավելորդ վերամբարձ խոսքեր ասելն իմաստ չունի: Դիմում եմ Ձեզ, որպես մարդու:

Պարոն Սարգսյան, այս երիտասարդները Ձեր երեխաների տարիքի են, գուցե՝ ավելի փոքր: Նրանց եւ դատարանը, եւ դատավորը անձամբ Դուք եք: Հակառակն ապացուցել Դուք չեք կարող: Իմաստ էլ չունի: Ձեզ չեն հավատա: Ինչպե՞ս եք կարողանում Դուք Ձեր երեխաների տարիքի այս անմեղ երտասարդներին, միայն այն պատճառով, որ ընդդիմադիր հայացքների տեր են, նման թեթեւությամբ բանտ ուղարկել: Քրեական աշխարհ ուղարկել:

Ի տարբերություն բազմապիսի դատարկաբան- դուրսպրծուկների, Դուք այս պետության կերտման ու կայացման ամենագործուն մասնակիցներից մեկն եք: Ինչպե՞ս եք կարողանում այդքան թեթեւությամբ՝ ընտրություններ կեղծելով, արդարադատությունը աղավաղելով, քրեական տարրերին քաղաքականություն ներքաշելով, օլիգարխներին հովանավորելով կործանել այն գործը, որին տարիներ եք նվիրաբերել: Եթե, պարոն Սարգսյան, տարիների Ձեր աշխատանքը չեք ափսոսում, ափսոսացեք գոնե Ձեր երեխաների ու թոռների ապագան: Անկասկած է, որ ոչինչ հավերժ չէ: Հավերժ չի կարող լինել նաեւ Ձեր իշխանությունը: Ուրեմն, գոնե մի պահ առաջնորդվեք ոչ թե այսրոպեական քաղաքական սուտ նպատակահարմարությամբ ու վրեժխնդրությամբ, այլ ողջախոհությամբ: Նրանք, պարոն Սարգսյան, ձեր իշխանության ավարտից հետո պետք է անկաշկանդ ապրելու եւ արարելու իրավունք ունենան:

Նրանք չպետք է աչքերը խոնարհեն Ձեր իշխանության տարիներին տեղի ունեցած ու ունեցող անարդարությունների, հալածանքների, բռնությունների, նաեւ այս երիտասարդների անհիմն ու կամայական դատապարտման համար: Պատմությունը նույնպես գիտություն է, պարոն Սարգսյան: Այդ գիտությունն անընդհատ ապացուցում է, որ հաճախ քաղաքական հետապնդումներ կազմակերպողների սերունդներն իրենց նախորդի դատապարտելի քայլերի պատճառով խեղվում են, չեն կարողանում անկաշկանդ ապրել ու արարել, մեղքի զգացումը ճնշում է նրանց: Մի հրաժարվեք դասեր քաղել պատմությունից: Ես կուզենայի, որ ապագա մեր երկիրն այնպիսին լիներ, որ եւ Ձեր, եւ մեր զավակները հաշտ ու խաղաղ ապրեին ու արարեին: Դրա համար այսօր Դուք կարող եք անել Ձեր բաժին բազմաթիվ քայլերից մեկը: Դուք պետք է Ձեզ կամքին հնազանդ դատարանին հանձնարարեք ազատ արձակել այս անմեղ երիտասարդերին:

Առջեւում նախագահական ընտրություններն են: Մարդիկ Ձեզ շատ բան ներել չեն կարող: Եւ կեղծված ընտրությունները, եւ մարտի մեկի արյունը, եւ քաղբանտարկյալների բանտերում անցկացրած տարիները, եւ ոստիկանական բռնություններն ու հալածանքները, եւ օլիգարխների սանձարձակությունները, եւ նվաստացուցիչ ընտրակաշառքները, բայց մեկ, թեկուզ չնչին մարդկային քայլը շատ բան կարող է փոխել:

Այսօր Դուք մեկ ավելորդ մեղք չգործելու հնարավորություն ունեք եւ ես Ձեզ կոչ եմ անում օգտվել այդ հնարավորությունից: Ազատ արձակեք այս երիտասարդներին: Վերջ տվեք քաղաքական բռնություններին ու ոստիկանական հալածանքներին: Մի քիչ թեթեւացած գնացեք դեպի նոր նախագահական ընտրություններ: Ո՞վ գիտի, այս անգամ գուցե բախտը Ձեզ ժպտա եւ ստիպված չլինեք հանուն իշխանության մարտի մեկ իրականացնել»:

Խորհրդային տարիների քաղբանտարկյալ իրավապաշտպան Վարդան Հարությունյան»

Print Friendly and PDF

Այս խորագրի վերջին նյութերը

Վաշինգտոնի ազգային պուրակում հայկական լավաշ կպատրաստեն (տեսանյութ)

Վաշինգտոնի ազգային պուրակում հայկական լավաշ կպատրաստեն (տեսանյութ)

Հունիս 21, 2018 16:52 Բացվելու է Հայաստանին և Կատալոնիային նվիրված խոշոր փառատոն:
Թալինի տներից մեկի բակում օձ է հայտնաբերվել

Թալինի տներից մեկի բակում օձ է հայտնաբերվել

Հունիս 21, 2018 16:39 Գյուրզա տեսակի։
Պատվաստումների քաղաքականության մեջ փոփոխություններ են եղել

Պատվաստումների քաղաքականության մեջ փոփոխություններ են եղել

Հունիս 21, 2018 16:15 Փոխվում է պոլիոմելիտի պատվաստանյութի բաղադրությունը։
Բացահայտվել են Ավշարի դպրոցի տնօրենի չարաշահումները

Բացահայտվել են Ավշարի դպրոցի տնօրենի չարաշահումները

Հունիս 21, 2018 15:54 5 տարիների ընթացքում իրացվել է շուրջ 10.000.000 դրամ:
Ուշադրություն. ուլտրամանուշակագույն ճառագայթման ինդեքսը հունիսի 21-ին կանխատեսվում է 6

Ուշադրություն. ուլտրամանուշակագույն ճառագայթման ինդեքսը հունիսի 21-ին կանխատեսվում է 6

Հունիս 21, 2018 15:26 Խորհուրդ է տրվում խուսափել արեգակի ուղիղ ճառագայթներից:
Զոհրաբ Մնացականյանը հանդիպել է Ֆեդերիկա Մոգերինիին (տեսանյութ)

Զոհրաբ Մնացականյանը հանդիպել է Ֆեդերիկա Մոգերինիին (տեսանյութ)

Հունիս 21, 2018 15:12 Ղարաբաղյան հիմնախնդրին էլ են անդրադարձել։
ԲԷՑ-ը հավատարմագրային կառավարման չի հանձնվի «Տաշիր-Կապիտալ»-ին (տեսանյութ)

ԲԷՑ-ը հավատարմագրային կառավարման չի հանձնվի «Տաշիր-Կապիտալ»-ին (տեսանյութ)

Հունիս 21, 2018 14:24 Կառավարությունը հաստատեց որոշումը։
Արտաբույնք համայնքի նախկին ղեկավարի չարաշահումները

Արտաբույնք համայնքի նախկին ղեկավարի չարաշահումները

Հունիս 21, 2018 13:45 Մանկապարտեզը գրանցել է իր որդու անվամբ, կաթսայատունը և ճաշարանը քանդել-վաճառել է:
Այսուհետ Հիստոջենը աշխատում է որակի միջազգային ISO ստանդարտներով (լուսանկար)

Այսուհետ Հիստոջենը աշխատում է որակի միջազգային ISO ստանդարտներով (լուսանկար)

Հունիս 21, 2018 13:29 Կենտրոնը գործում է միջազգային պահանջներով։
Վարչապետի հանդիպումը իրեն զանգահարած 10-ամյա Անգելիկայի հետ

Վարչապետի հանդիպումը իրեն զանգահարած 10-ամյա Անգելիկայի հետ

Հունիս 21, 2018 12:47 Իր նկարած երկու նկար է տարել, խաչ ու աղոթագիրք:
Ոստիկանապետը խոսել է «Յանս»-ում խուզարկությունների մասին (տեսանյութ)

Ոստիկանապետը խոսել է «Յանս»-ում խուզարկությունների մասին (տեսանյութ)

Հունիս 21, 2018 12:37 Նաև՝ քրեական հեղինակությունների։