Մեկնաբանություն

Սեպտեմբեր 19, 2012 13:44

Սերժ Սարգսյանը ժամկետանց «ապրանք» է առաջարկում

Սերժ Սարգսյանը ժամկետանց «ապրանք» է առաջարկում

Վարչապետ Տիգրան Սարգսյանի գործունեությունից շատերն են դժգոհ, և դա հասկանալի է։ «Հայկական աշխարհի» ճարտարապետի գլխավորած կառավարության վարած քաղաքականությունը չի գոհացնում ո՛չ բիզնեսի ներկայացուցիչներին (փոքրից մինչև խոշոր), ո՛չ ՀՀԿ–ի տարբեր թևերին, ո՛չ ԲՀԿ–ին (ինչի հետևանքով Ծառուկյանի թիմը դուրս եկավ կոալիցիայից), ո՛չ ՀՅԴ–ին, ո՛չ ՀԱԿ–ին։

Նշյալ սուբյեկտներից յուրաքանչյուրն իր պատճառներն ունի Տիգրան Սարգսյանին քննադատելու համար, բայց բոլորի մոտ ընդհանուրն այն է, որ երկրի տնտեսական կուրսը սխալ է, և վարչապետն աչքի է ընկնում դիլետանտիզմով։

Հակառակ բոլոր քննադատություններին, սակայն, Սերժ Սարգսյանը 4 տարի շարունակ դրական է արտահայտվել Տիգրան Սարգսյանին գործունեության վերաբերյալ։ Նախագահն այնքան գոհ էր վարչապետից, որ ԱԺ ընտրություններից հետո որպես գործադիրի ղեկավար կրկին առաջարկեց Տիգրանին։ Նախագահը, թերևս, այլ չափանիշներով էր գնահատում իր կամակատարի վարքագիծը, և այդ իսկ պատճառով ամեն կերպ պաշտպանում էր նրան։ Ու հիմա, երբ Սերժ Սարգսյանն էլ է սկսել դժգոհություն հայտնել Տիգրան Սարգսյանի անգործության վերաբերյալ, մի շարք հարցեր են առաջանում։

Այդ ինչպե՞ս ստացվեց, որ Տիգրանին ամեն կերպ պաշտպանող Սերժը հիմա «փուռն» է ուզում տալ նրան։

Ինչո՞ւ մինչև այդ հնչող քննադատական գնահատականներին նախագահն ուշադրություն չէր դարձնում, այնինչ պարզվում է, որ 4 տարի շարունակ ինքն էլ է կռիվ տվել կոռուպցիայի դեմ պայքարից խոսող, սակայն քեռի–բարեկամներով պետական տենդերներ կազմակերպող վարչապետի հետ։

Արդյոք Սարգսյանը դժգոհ է միայն պետական գնումների գործընթացի կազմերպումի՞ց, թե՞ տնտեսական քաղաքականությունից։

Սա հարցերի ոչ ամբողջական ցանկն է, որոնց պետք է անդրադառնա նախագահը։

Մեր կարծիքով՝ Սերժ Սարգսյանի աչքերը բացվել են ոչ թե ներկա իրավիճակի օբյեկտիվ գնահատումից և անցած տարիներին արձանագրված արդյունքների վերլուծությունից հետո, այլ նախընտրական մթնոլորտի արդյունքում։

Հայաստանում միայն մանկահասակները կհավատան, որ նախագահն անտեղյակ է երկրում «ատկատների» գոյության կամ պաշտոնյաների չարաշահումների մասին։ Հետևաբար՝ վարչապետի հրապարակային «քլնգոցն» այլ նպատակ է հետապնդում։

Ակնհայտ է, որ 2013թ. նախագահական ընտրություններին ընդառաջ՝ Սերժ Սարգսյանն ուզում է «ժերտվա» տալ իր բոլոր հրահանգները կատարած և «մեկ օլիգարխի տնտեսության» կառուցման գործիք հանդիսացող Տիգրան Սարգսյանին։ ՀՀԿ ղեկավարն այժմ վարչապետին, այսպես ասած, վաճառքի է հանում և առկա սոցիալ–տնտեսական իրավիճակից դժգոհ բոլոր շերտերին առաջարկում է համաձայնության գալ իր հետ՝ «Տիգրանին սարքենք քավության նոխազ՝ իմ վերընտրության դիմաց» տարբերակով։ Նկատենք, սակայն, որ Ս. Սարգսյանը ժամկետանց «ապրանք» է առաջարկում հանրությանն ու քաղաքական ուժերին, քանզի նախագահական ընտրություններից մի քանի ամիս առաջ որևէ մեկին չես ֆռռացնի քո քննադատությամբ։ Ի՞նչ տարբերություն, թե ով կլինի վարչապետը, եթե արատավոր տնտեսական քաղաքականությունը շարունակվելու է։ Իսկ այն, որ Սերժն իր գծից շեղվելու մտադրություն չունի, վկայեց նաև խորհրդակցությունը, որի ժամանակ քննադատվեց ոչ թե Կառավարության իրականացրած հարկային տեռորը և արտագաղթին նպաստող քաղաքականությունը, այլ «ատկատների» պահը, ընդ որում՝ բոլորն էլ գիտեն, թե ուր են գնում այդ «ատկատները» և ընդամենը հասկացան, որ շոուից հետո դրանց չափն է բարձրանալու։

Ժամանակը ցույց է տվել, որ հանուն իր իշխանության պահպանման՝ Սերժ Սարգսյանը պատրաստ է «փչացնել» ու վաճառքի հանել իր շրջապատի մարդկանց։ Այդպես եղավ, օրինակ, Մաշտոցի պուրակում։ Տարոն Մարգարյանին «փչացնելու» հաշվին նախագահը «քաղաքացիական հասարակության բարեկամ» էր խաղում նախընտրական փուլում։ Հիմա էլ Տիգրանն է դարձել Սերժի PR–ատրիբուտը՝ որպես «փչացման» ենթակա պաշտոնյա։ Ընդամենը։

Եթե Սերժ Սարգսյանը ժամանակին ազատվեր Տիգրանից և ընդուներ իր որդեգրած գծի սխալ լինելը, ապա դա ինչ որ առումով ընկալելի կլիներ։ Բայց նախագահը դա չարեց, քանզի իրականում միշտ գոհ է եղել Տիգրանից։ Սերժը հիմա էլ է գոհ դրսից փող բերելու և երկրի ներսում բիզնեսը խեղդելու տիգրանսարգսյանական քաղաքականությունից, քաղաքականություն, որի պատվերն իջեցվել է Բաղրամյան 26–ից։ Պարզապես այժմ վիճակն այնպիսին է, որ Սերժն իր գործիքին վաճառքի հանելու անհրաժեշտություն է զգացել, բայց կրկնենք՝ ժամկետանց «ապրանք» ոչ մեկին պետք չէ, առավելևս՝ Սերժի առաջարկած «ապրանքը»։

Կարեն Հակոբջանյան

Print Friendly and PDF

Այս խորագրի վերջին նյութերը

«Թունդ ընդդիմադիր» գործչի դիմանկարը

«Թունդ ընդդիմադիր» գործչի դիմանկարը

Հունվար 20, 2017 11:15 Եթե համ խելագար ես, համ էլ հաճախորդ, ապա ոչ թե «թունդ», այլ «թնդագույն ընդդիմադիր» ես:
Թույլ չտալ վերարտադրությունը

Թույլ չտալ վերարտադրությունը

Հունվար 20, 2017 10:15 Եթե ՀՀԿ-ի և նրա ղեկավարի միակ «գաղափարը» վերարտադրվելն է, ապա նրա քաղաքական մրցակիցներն էլ պետք է առաջնորդվեն իշխանությունը վերցնելու «գաղափարով»:
«Օդափոխել» հանրային գիտակցությունը

«Օդափոխել» հանրային գիտակցությունը

Հունվար 19, 2017 01:35 Պառակտված ժողովրդին կառավարելը հեշտ է, և Սարգսյանն ուզում է հասնել իր ուզածին:
Քաղաքական դաշտի նոր դասավորությունը

Քաղաքական դաշտի նոր դասավորությունը

Հունվար 18, 2017 01:35 Սերժ Սարգսյանի հույսն այն է, որ միավորումներ չեն լինի, և առաձին-առանձին բոլոր ուժերի ձայները հնարավոր կլինի փոշիացնել:
Գերքաղաքականացված հունվարի 17-ը

Գերքաղաքականացված հունվարի 17-ը

Հունվար 18, 2017 01:20 Իրար հաջորդած քաղաքական որոշումների այս քանակությունը մի տեսակ «անմարսելի» էր որոշակի շրջանակների համար, որոնք անշարժություն են սիրում և նախընտրում են դինջ ու կանխատեսելի առօրյան:
Ինչու Հայաստանը չի դառնում գրավիչ

Ինչու Հայաստանը չի դառնում գրավիչ

Հունվար 17, 2017 00:05 Սարգսյանի խոստացած և չիրականացրած բարեփոխումներին այստեղ ոչ ոք չի հավատում, ինչո՞ւ պետք է ուրիշները հավատան և գան ու գործեն այս «գրավիչ» երկրում:
Նեկրոֆիլիա. «Նա հանճար է» շարքից

Նեկրոֆիլիա. «Նա հանճար է» շարքից

Հունվար 16, 2017 10:04 Նեկրոֆիլիան վատ բան է: Շատ ավելի վատ է նեկրոֆիլիան այն դեպքում, երբ դրսևորվում է քաղաքական դաշտում:
Ինչո՞վ են իրարից տարբերվում Նոր Գեղի գյուղապետն ու արվեստագիտության դոկտորը

Ինչո՞վ են իրարից տարբերվում Նոր Գեղի գյուղապետն ու արվեստագիտության դոկտորը

Հունվար 14, 2017 00:25 Բարոյական ճգնաժամը հենց սա՛ է, ինչի համար պետք է «արժանին հատուցել» իշխող ուժին և նրա ղեկավարին:
Պատերազմ և ընտրություններ

Պատերազմ և ընտրություններ

Հունվար 13, 2017 12:20 Այս տարվա ապրիլի 2–ին միավորման և «առաջին գիծը» պահելու կարիք կա։ Եթե ներքաղաքական պատկերը չփոխվի, ապա չորսօրյա թեժ մարտերը կարող են կրկնվել, ու ամեն անգամ մեզանից ավելի թանկ գին կպահանջվի։
Ահա՛ այսպիսի «աչքալուսանք»

Ահա՛ այսպիսի «աչքալուսանք»

Հունվար 13, 2017 00:25 Սերժ Սարգսյանը 2008-ին տված իր խոստումները ոչ միայն չի կատարել, այլև դրանք չկատարելու դիմաց երկիրը հարյուրավոր միլիոնների վնաս է կրել:
Ստեղծել իշխանության դեմ ճակատ

Ստեղծել իշխանության դեմ ճակատ

Հունվար 12, 2017 00:05 Այս պարագայում միայն ժողովուրդը կարթնանա, ոտքի կկանգնի և կփորձի ամեն կերպ աջակցել ընդդիմությանը՝ ակնհայտորեն իր վերարտադրմանը ձգտող ՀՀԿ-ին պարտության մատնելու գործում:
Մեծ կապիտալից բացի՝ փոքր գումարներ էլ են դուրս բերվում Հայաստանից

Մեծ կապիտալից բացի՝ փոքր գումարներ էլ են դուրս բերվում Հայաստանից

Հունվար 11, 2017 10:20 Նովոսիբիրսկ տեղափոխված ընտանիքի անդամներից երկուսին այստեղից են օգնում, որպեսզի այնտեղ հաղթահարեն նեղ պահը:
Ինչպես հաղթել ընտրություններն ապրիլի 2-ից առաջ

Ինչպես հաղթել ընտրություններն ապրիլի 2-ից առաջ

Հունվար 10, 2017 00:05 Ի՞նչ պետք է անեն այն ուժերը և ազդեցիկ անհատները, ովքեր ցանկանում են Հայաստանում դրական փոփոխությունների հասնել և նոր որակի իշխանություն ձևավորել:
Սարգսյանի և Սահակաշվիլու նմանությունն ու տարբերությունը

Սարգսյանի և Սահակաշվիլու նմանությունն ու տարբերությունը

Հունվար 09, 2017 21:45 Եթե հիշում եք, հարևան Վրաստանում Սահակաշվիլին փոխեց Սահմանադրությունը, որպեսզի կարողանա վերարտադրել իր իշխանությունը: Չստացվեց:
Հիմա էլ պետք է դպրոցները տաքացնելու համա՞ր 1000-ական դրամներ հավաքել

Հիմա էլ պետք է դպրոցները տաքացնելու համա՞ր 1000-ական դրամներ հավաքել

Հունվար 09, 2017 17:00 «Ողջ ֆինանսներն՝ ընտրական գործընթացին» կարգախոսով առաջնորդվող իշխող ուժից այլ բան սպասելն անմտություն է:
Նախընտրական հարցականներ և հանգուցալուծումներ

Նախընտրական հարցականներ և հանգուցալուծումներ

Հունվար 09, 2017 00:05 Բազմաթիվ նախընտրական հարցականներ կան ինչպես իշխանական, այնպես էլ ոչիշխանական տիրույթում:
Երբ խոսքը արժեք չունի

Երբ խոսքը արժեք չունի

Հունվար 08, 2017 00:05 Հետաքրքիր է, ապրիլին կայանալիք ԱԺ ընտրությունների նախընտրական քարոզարշավին նույպե՞ս ՀՀԿ ղեկավարի կհաջողվի շրջանցել տված խոստումների թեման:
Հոգնե՞լ է, բայց ինչի՞ց

Հոգնե՞լ է, բայց ինչի՞ց

Հունվար 06, 2017 11:55 Սերժ Սարգսյանն ընդամենը չորսուկես ամիս առաջ էր արձակուրդ վերցրել: Ի՞նչ է արել ՀՀԿ ղեկավարը անցած չորսուկես ամսում, որ դարձյալ հանգստի կարիք ունի:
Երկիրը սթափվելու կարիք ունի

Երկիրը սթափվելու կարիք ունի

Հունվար 05, 2017 00:05 Ժողովուրդն այնպիսի ուժերի ու դեմքերի համախմբման կարիք է զգում, որոնք կարող են իրական այլընտրանք հանդիսանալ իշխանությանը:
Հին տարուց գաղջը շալակած մտանք նոր տարի

Հին տարուց գաղջը շալակած մտանք նոր տարի

Հունվար 03, 2017 10:20 Հրեղեն աքաղաղի տարում այլևս մեզ թղթի վրա գրված փոփոխություններ պետք չեն: Մի փոփոխություն է պետք, որը հուսով ենք՝ տեղի կունենա ԱԺ ընտրությունների արդյունքում: