Աշխարհ

03.10.2012 09:55


Վրաստանի ԿԸՀ–ը հաշվել է ձայների 97,03%-ը

Վրաստանի ԿԸՀ–ը հաշվել է ձայների 97,03%-ը

Վրաստանի Կենտրոնական ընտրական հանձնաժողովը հաշվել է հոկտեմբերի 1-ին կայացած խորհրդարանական ընտրությունների ձայների 97,03%-ը։ 

Վրացական լրատվամիջոցների փոխանցմամբ՝  նախնական տվյալներով  ձայների 54,8%-ով (1 154 533 քվե) հաղթում է ընդդիմադիր Բիձինա Իվանիշվիլիի գլխավորած «Վրացական երազանք» կոալիցիան։ Երկրորդ տեղում Միխայիլ Սահակաշվիլիի առաջնորդած «Միացյալ ազգային շարժում»-ն է՝ 40,4% (845 169 քվե)։

Քրիստոնեա-դեմոկրատական շարժումը հավաքել է 2,00% (42 823 քվե), Լեյբորիստական կուսակցությունը՝ 1,2% (26 058 քվե)։

Ինչպես արդեն տեղեկացրել էինք, Վրաստանի  նախագահ Միխայիլ Սախակաշվիլին երեկ հայտարարել է, որ ընդունում է իշխող կուսակցության պարտությունն ու հայտարարել ընդդիմություն դառնալու մասին։

 Ընտրությունների վերջնական արդյունքները հայտնի կդառնան հոկտեմբերի 20-ին։

Այս խորագրի վերջին նյութերը