«Նոր ժամանակներ» կուսակցության նախագահ Արամ Կարապետյանը «Ֆեյսբուք»–ի իր էջում գրել է.   «Հայաստանի իշխանությունները սկսել են շարժվել Լյուդովիկոս XIV-ի հայտնի սկզբունքով. «Պետությունը ես եմ»: Օտարերկրյա դեսպանները քննադատում են Սերժ Սարգսյանին ու իր ապաշնորհ կառավարության անմիտ գործողությունները, սրանք մեզ ու աշխարհին փորձում են ապացուցել, որ դեսպանները խառնվում են մեր ՊԵՏՈւԹՅԱՆ ներքին գործերին: Մարդիկ ուզում են, որ Հայաստանում իրավիճակ փոխվի, հայերը իրենց երկրում մնան ու երջանիկ ապրեն, իշխանությունները նորմալ, ժողովրդավար ընտրություններ անցկացնեն... Ասեք տեսնեմ, ինչ սխալ, հակապետական, հակահայկական մտքեր են նրանք արտահայտում: Ուղղակի միանգամից նրանց վրա հարձակվելուց առաջ միգուցե մտածեք երկրում իրականում մի բան փոխելու մասին, որ քննադատության առիթը վերանա...