Վրաստանի վարչապետ Բիձինա Իվանիշվիլին նախագահ Միխայիլ Սահակաշվիլիից պահանջել է սահմանադրական փոփոխությունների վերաբերյալ ի վերջո դիրքորոշում հայտնել։

Նա Սահակաշվիլիին նույնիսկ վերջնագիր է ներկայացրել։

«Անձամբ Ձեզ անում եմ վերջին առաջարկը՝ առաջիկա 2-3 օրվա ընթացքում դուք պե՛տք է հստակ ու միանշանակ հայտարարեք՝ աջակցո՞ւմ եք այդ փոփոխություններին, թե՞ ոչ: Մեր նախաձեռնած սահմանադրական փոփոխությունները խորհրդարանում քվեարկության են դրվելու մինչև մարտի վերջը: Իսկ այդ քվեարկությունն իսկապես կդառնա ջրբաժան: Եթե ցանկանում եք, իմ խոսքերն ընդունեք որպես վերջնագիր կամ քաղաքական մեծահոգություն, բայց հայտարարում եմ՝ ով կողմ է այդ փոփոխություններին, շարունակում է ծառայել երկրին, և նրան հնարավորություն կտրվի ուղղել քաղաքական սխալները: Իսկ ով հրաժարվում է այդ փոփոխություններից, պատասխանատվություն է վերցնում այն ամենի համար, որն իրականացրել են ձեր կողմնակիցները վերջին 9 տարիներին»,–ասել է Իվանիշվիլին։

7or.am