«Դե եկ ու գյուղացի` մի խենթանա...Կարկոտը բերքն ու եկամուտները տարավ, գազի ու էներգիայի ու էլի հազար ու մի բաների գները կառավարությանը ատամներով պաշտպանող հանձնաժողովականները բարձրացրին, բնապահպանության նախարարն ու ոստիկանությանը չեն թողնում Արմավիրում ցախ վաճառեն, այսինքն ցախի գինն էլ կբարձրանա...
Հա, չմոռանամ ասել, որ կարկտահարված արմավիրցիներին այսօրվա վիճակով դեռ ոչ մի քոռ կոպեկ օգնություն չեն տվել...
...կյանքը թանկանում ու թանկանում է: Գները քշել են հազարի վրա, իսկ թոշակները նույն աղքատափշրանքն է: Պռոշյանի ասած` կյանքը դարձել է հացի խնդիր: Իմ 36 հազար դրամ թոշակով դեղե՞ր առնեմ, սնվե՞մ, թե՞... ո՛չ դեղեր առնեմ, և ո՛չ էլ սնվեմ` պարտավոր եմ 36 հազարով էլ փակել սպասարկումների և կոմունալ վարձերը